روايتنا الجديده #بنت التونسيه للكاتبه najah_alhaj
قراااءه ممتعه للجميع 🌸🌸🌸
🌸الادمن#لـــــوليــــتا👑
#بنت_التونسية
#الحلقة_30
~~~~~~~~~~~~~~~~~~~~~~~~~~
لايك قبل ماتقروووا
******
وصل عمار للمستشفى نزل يجري للطواريء وجاب باريله وجي ومعاه دكتور وممرضه
حطني ع البارليه
ودخلوني
ومعتز يراقب من بعيد...
وصلت ريما ومعاها امل واميره وعميمه قعدت مع جديده والصغار في الحوش
دخلوني للحجره ومعاي عمار ...
معتز واقف بعيد ويشبح في العيله مشغوله عليا ويبكوا...شويه ووصل يزيد وهدايه ..كانوا جايين لعندي للحوش وقالتلهم عميمه اني ف المستشفى...
اميره_مضبطه هدايه وتبكي_ كان شوفتيها لما طاحت وطاح فيلوها فوقها والله رعشنا نحسابوها ماتت ...لو تصيرلها حاجه نموت نموت...
هدايه_ياااناااااري عليها ...قهرها الله يقهره
ومعتز ويزيد يسمعوا ف الكلام...
يزيد_تي افتكت منه مكانش مقدر النعمه الي بين يديها تو ايجيها الي يستاهلها علاش تحرق في روحها عليه..
امل_اصلا كله منك
يزيد_مادرت شيء انا...هيا تعرف اني نحبها من زمان ..وتو جي الوقت انها ترضى بنصيبها الي هو اني
اميره_هو وقته الكلام هدا تو...اووووف..
معتز_ انتي مش نصيبي يانوما مش نصيبي ...انتهينا خلااص....
طلع عمار
ريما_شنوووو
عمار_انهيار عصبي حاد وهبوط في الدم.. ...تووحالها كويس لكن حتقعد يومين ف المستشفى
ريما_يارووحي..الحمد لله
امل واميره_الحمد لله
عمار_تقدروا تخشولها هيا فايقه...
خشوا كلهم
انا_ رفعت روحي ونشبح يزيد
انا_اطلع ..اطلع اقلب وجهك عليا ...اطلللللع مصح وجهك....اطللللع...
عمار_اهدي رنيم..اطلع لو سمحت مش ناقصه هيا
معتز_لما سمع بان حالي باهي طلع ركب سيارته وروح...
.........
روحوا كلهم وقعدت معاي امل..
طانت كل شويه تفتح الفيس
انا_شن تراجي من بكري تبربشي ف تليفونك
امل_اه ...( ف الاول ماتبيش تحكي ..بعدين قالت نحكيله احشن نفوت الوقت ونسيها)_واحد اسمه صدام ..
انا_باه وشن حكاية صدام هدا
امل_هو كان استادي ف المدرسه استاد الرياضه ..كان تشوفيه يانوما حلو يهبل جسم رياضي ...وطوله متوسط...وعليه شعر اسود ضلااام ليل وهو اسمراني شوي ...وعيون حبار ورموش مبرومه...املا شخصيته...ايهيل ايهبل ..
انا_هههههههه هدا بطل فيلم مش راجل عادي
امل_تي اما فيلم...استني انوريك صورته ع الفيس......شوفي ها...
انا_لا ..عندك الحق...باه وشن علاقتك بيه
امل_يحبني..
انا_ وانتي..
امل_حتى انا..
انا__ايوووا يا كبرتي ..
امل_ المشكله انه ليه يومين مسكر ...ونتصل بيه ع الرقم الي بعته منحصلش فيه
انا_وعلاش تحكوا بالفيس مش تليفون
امل_هو ف مصر والمكالمات غاليه ..فنتكلموا بالفيس احسن..
انا_اها...
امل_مستاحشاته هلبا...من وقت سافر وكلامنا قل ...هو يخدم هلبا مايحصلش في وقت بكل..
انا_ انتي متاكده من حبه ليك ...
امل_ايه يانوما..قعد سنه يحاول ينساني ماقدرش...قبل يسافر طلب مني نستناه...وانا وعدته نستناه
انا_ باه افرضي قعد عشر سنين
امل_حنستناه ..
انا_ماتربطيش روحك بيه يا امل عطيه فتره محدده لو ماجاش ماتستنيش اكتر ...شن يضمنلك انه يرجع شن يضمنلك ..انه مايفوتكش ويتزوج وانتي تراجي اهني
امل_يضمنلي حبي ليه وحبه ليا...
انا_ماتعتمديش ع الحب هلبا اكبر مثال قدامك..خمس سنين وراحوا قدام اول اختبار حقيقي...وعيوني تعبوا دموع..
امل_ربي يطلع الحق وترجعوا..
انا_ان شاء الله. .
امل_تعالي شوفي شن بعتلي قبل يمشي..
فتحتلي المقطع...
وكان فيه..
ولد شكله ف مدرسه ثانويه يدربك علي مقعد ويغني وصوته حلووو.
كان يقول
وانتضريني....
عدي نجوم الليل وانتضريني..
عدي نجووووم الليل
وانتضريني
علي وعدنا خليك ماتنسينييي
عدي نجووووم الليل...
كانوكلماته معبره هلبا علي حالتهم ..
انا_ان شاء الله يطلع حق يحبك ويرجعلك
امل_انا واثقه فيه ...متأكده حيرجع..
......
هدايه_بكل يابنات كان شفتوها قريب تهبل
روابي_ قصدك تاعبه هلبا
هدايه_ تي بكل عيونها حمر وهالات سوده وجهها اصفر مافيشي دم بكل...واميره قالت لها كم ليله ماترقد...
ربا_ تو تتزوج من يزيد وتنسى يزيد يحبها
هدايه_اما يزيد الي بتتزوجه كان شفتيها كيف لزاته ..وتهزب فيه ..خاطري نعرف شن دايرلها
روابي_ حتى لو دار شيء فهو لانه يحبها ويبيها
هدايه_الحب مش عدر..لو فعلا يحبها حيتمنالها السعاده حتى لو مع غيره
ربا_ ان شاء الله تسامحه ..وترضى تتزوجه
هدايه_ما اعتقدش ..تسامحه..
ربا_و انتي خيرك واقفه معاها..راه يزيد هو الي خوك مش هيا...
هدايه_ انا مع الحق..واضح انه دايرلها عمله اكبر من راسه...
روابي_غيروا السيره حستني تنكدت ..
ربا_قولي هدايه . قاعد ما اتصلش خطيبك..
هدايه_لتو زي قبل ..اه وخلاص..
ربا_كلميه انتي..
هدايه_وشن بنقوله...كل مانتصل نندم وكاني نحكي مع ياسر خوي..لاكلمه حلوه ..لا غزل شيء
ربا_الخطوبه فترة تعارف ..فانتهزي الفرصه من تو..لو ماتفاهمتوا تفسخي احسن ماتتزوجوا وترجعي لاسامح الله مطلقه..تكلمي معاه بصراحه
روابي_ايه اسأليه مرات اهله غاصبينه عليك وهو يبي وحده ثاني...
هدايه_انت توؤم الشر كان تلاقيتوا علي حد تهبلوه ..فكوني مانيش متصله
ربا_هبله...
هدايه خشت لدارها وكلام خواته في راسها..رنت علي عادل
عادل_شاف الاسم رد طول_الوو
هدايه_بصوت واطي وهادي زيها_هلا..كيف حالك عادل
عادل_الحمد لله كيف حالك انتي..
هدايه_الحمد لله..
عادل_خير فيه حاجه تبي حاجه..
هدايه_اه..لا بس نبي نهدرز عليك لو فاضي..
عادل_علي شن بتهدرزي..
هدايه_ طارتلها.من جفافه_انت علاش تحكي معاي هك..
عادل_كيف هك عادي نحكي اني..
هدايه_تحكي بجفاف وكانه حد غاصبك ع الكلام..
عادل_هدا كلامي نتكلم هك مع الكل..
هدايه_المفر وض انا غير الكل..لو انت مغصوب عليا او تحب غيري ..احكيلي وانا ننهي الخطبه...
عادل_هههههههههه غاصبيني!؟؟ انا ماحد يقدر يغصبني ع شيء ..انا الي بعت اهلي ليك انتي بالدات..وحكاية اني انحب غيرك ..فهدي ماعنديش ماتخافيش ..لاني وببساطه الحب والكلام الفاضي ماعنديش فيه .مانؤمنش بيه نؤمن بالموده والعشره بين الراجل ومرته نؤمن بالتفاهم..يعني ماتراجيش مني كلام الحب لاني مش حنحكيه ..جو انحبك..وعيوني ...ماتعبيش عليه...
هدايه_مصدومه وعيونها مدمعات_ اها.... علاش صاير معاك شيء مخليك هك..
عادل_هههه قصدك تحسابيني متعقد ولا في خاجة نفسيه متعلقه بهالشيء ..لا ..انا بس مانؤمنش بالعشق والغرام..عندي دوه فاضيه...
هدايه_ اها...باه الاهتمام ..المفروض تهتم بخطيبتك..تتصل تسأل ..مش هك وكاني شيء زايد
عادل__خلاص تو ننتصل كل ما ايصحلي ونسأل عليك كويس هك
هدايه_كويس ايه..
........
طلعت من المستشفى...وانا تعبانه خشيت لجناحي طول رقدت
ريما_مش مرتاحه ياعمار..خايف عليها..
عمار_بس ماتخليهاش بروحها وفتره وتفوت..رنيم قويه بس المصيبه كبيره..شن تبيها من ثاني يوم ترجع عادي ولا كانه صار شيء
ريما_ ان شاء الله ترجع زي قبل..خالي سمير قال ابعتيهالي..
عمار_فكره فعلا خليها تمشي..
ريما_تو قرايتها حتبدا وهو يبيها ثلاث شهور..اتكمل السنه هادي وتمشي ودوبك تكمل وراقها براحتها
عمار_خلاص ..اهو حل كويس تبعد تغير جو تحاول تأسس حياتها. ف دماغها وترتب أولوياتها بعيد علي هالمشاكل اهني..
...
ايهم_تعالي دبدوبتي ارتاحي من بكري وانتي واقفه..
اميره/شويه بس....خلي نكمل تطبيق حوايج بلقيس...
ايهم_تعالي احكيلي كيف حال نوما اليوم
اميره/حطت الي في يدها ...وقعمزت جنبه. _مش عاجبني حالها بكل..طول الوقت تبكي..ما تاكلش الا بالغصب..ماتتكلمش الا نادرا...ضعفت هلبا...وبدت تبكي..كسرتها كبيره كبيره..والي لعبهالها لعبها صح المره هادي...
.....
بعد اسبوعين ..طق باب الحوش
فتح عمار الباب لقي وحده معرفهاش..
هيا_نبي رنيم خالد ..
عمار_من تبيني انقوللها
هيا/زينه..وقوللها مسألة حياة او موت
عمار_خشي داخل تو اناديها ..
ركب طق الباب ..وكانت ريما معاي..
فتحت ريما الباب لقت عماريما_ايوه شنو
عمار/وين رنيم فيه وه تبيها وقالت مءألة حياه او موت
...
انا كنت داخل لكن سمعته...لبست وشاحي علي توتي وطلعت..
نزلت انا وريما وعمار طلع..
انا_اهلا ..وتفكرتها طول.
زينه_هلا...
ريما_اهلين
زينه_هلا
انا_تفشلي مرحبتين ..دخلتها للصاله
زينه_بالله عليكم انا جيتكم وماعندي غيركم..
انا_شنو فيه
زينه_بدت تبكي_ انا و يزيد انحبوا بعض ...وهو قال انه بوه وامه يبوا يخطبوك انتي ليه ورافضين اي بنت غيرك ..
انا_انا...!؟
زينه_ايه مش انتي رنيم...
انا_ايه رنيم..
زينه_هو قال بىي اصغبي شعرك زيها وانصورك في ارواب وهك من تالي في شقتنا الي بنتزوجوا فيه وع اساس انتي جايبه واحد معاك للشقه باش يشوفوها اهله ومايصيرش منك ويخطبني ونتزوجوا..لكن
انا_انتي شن تقولي شن تخرفي ..
زينه_عادي انا راضيه تجي عليا ضره المهم يتزوجني لانه لما مشينا عشان انصوروا في شقته الوضع فات التصوير..و.وووو بدت تبكي
انا_ورقدتي معاه....يارب انتي الي ف الفيديوا والصور انتي الي مصور معاك في شقتي انا وخطيبي ..
زينه_انا كنت معاه في شقته...وتو لازم يتزوجوني لاني حامل ولو يعرف عمي يقتلني..
ريما_حيييييي شن هدا الستر ياارب...
انا_انتي دمرتي حياتي...لناي وياها خليتوا راجلي يطلقني وهو قاري فاتحتي قبل عرسنا بعشر ايام....
زينه_راجل شن ..يزيد قال خطيبته بس
انا_خطيبة عينه وطياح سعده ..انا كنت مخطوبه لواحد يحبني وانحبه...ويزيد استغلك بس باش ينهي زواجي
زينه_شن تقولي انتي مستحيييل يزيد يحبني. انا نتصل بيه تليفونه مقفل انا جيتك عشان توصليني ليه انا متأكده اول مايعرف تني حامل حيتزوجني طول...
انا_تي احلمي...انتي تو تمشي معاي لحوش عمي...ركبت نجري ..لبست عبايتي وجبت المسدس الي عاطيهولي جدي حطيته ف الشنطه وجيتها
انا_اطلعي هي...وخديت مفتاح سيارة ريما وهيا مصدومه
زينه_طلعت معاي وترعش...
وصلت لحوش عمي بسرعه جنونيه..
فتح ع فؤاد الباب_خير شن فيه
انا_يزيد قاعد
ع فؤاد_ايه...
دفيت عمي وخشيت انا وزينه
انا_يزييييييد اطلع اطلع يااتفهه
عمي_احترمي نفسك
انا_محترمتها قبل نعرفكم..يزييييييد
جي يزيد وخواته وامه
دفيتله زينه
يزيد مصدوم
زينه_يزيد...
ع وفاء_من هادي
انا_اسألي يزيد من هادي
كلهم شبحوله...
يزيد _مانعرفهاش
زينه_شن شنوووووو...ماتعرفنيش ...لا يابابا تعرفني وكويس ..ولو ماتعرفني تو تعرف ولدك ولا بنتك الي بنجيبه بعد تماني شهور...
ع وفاء_شنوووووووووووووووو
زينه/_ايه ياعمتي انا ويزيد غلطنا وانا تو حامل وولدك بكل نداله يقول مانعرفه
انا_تعرفتوا تو...طلعت المسدس وسحبته_تو تحكيلي كل الي درته كيف درته والا والله الا مانقتلك واهني ووسط حوشكم
ع فؤاد_استهدي بالله يابنتي
انا_والله انكدسكم اهني علي بعضكم احكي...وطبعت تليفوني وفتحت الفيديو ومديته لزينه_لهدايه_تعاااااااااالي صوري كل شيء والا نقتلهم كلهم ...جت هداية ترعش وبدت تصور..
يزيد/شن تبي تعرفي..
انا_طل شيء من يوم الفاتحه كيف بعتت الرسائل من تليفوني
يزيد شبح لربا...
انا_ انتي....علااااش بس علاااااش شن درتلك
ربا_ امها تفنص فيها ومش فاهمه شيء.._ والله يانوما ماقصدي انضرك هو قالي يحبك ولنتي مش عاطتيه فرصه وقعد يبيكي ويقول لو تتزوجي غيره يهبل وانا سخفني الحق ماقدرتش نرده...
انا_حسبي الله ونعم الوكيل فيك_فنصت فيه _وكيف خشيت للشقه
شبح لي ربا..وقال لما مشيتوا اتستفوا في الدبش ف شقتك جيتلكم الغدي فتحتلي ربا الباب خديته وحطيتها علي زي العجينه عشان ننسخه..ونسخت عليه
انا_وبعتها عندي عذان تصبغ شعرها زي لون شعري...
يزيد بالزبط...
انا_زينه نحي وشاحك نبي لون شعرك يبان في الفيديو
نحت زينه الوشاح وهيا تبكي..
ع وفاء_فهموني مافهمت شيء
انا_ ولدك وبنتك هما السبب في يلي صار ..داروني علي علاقه مع ولدك لدرجة مدخلاته شقتي انا ومعتز وراقده معاه
خديت تليفون من هدايه...
....
ياسر كنت مروح مدهكل وتعبان ...
وصلت للباب نسمع في صوت وحده تقول
......
انا_بنقتله بنقتله ولدك....وصوبت عليه ...وكيف بنضرب انفتح الباب وراي..
نزلت المسدس
انا_تعرف خسارة فيك رصاصه..نبي انشوف قصاص ربي فيك..خنقتني. العبره...انا واثقه في عدل ربي وواثقه انه حياخد حقي عاجل غير اجل...
ياااااااياااااااااياااااااياااااااااااياااااااياااااااااياااااااياااااااااااارب عدلك يااااااااارب..وعيوني دموع_حسبيييييي اللله ونعم الوكييل فيكم حسبي الله ونعم الوكيل ولفيت شفت ياسر وراي دفيته وفتت ..
....
ياسر_كلامها رعشني اول مره نرعش من كلام...ملكنت فاهم شيء لكن في حاجه داخلي قالت انه حد من عيلتي ظالم هالبنت_ شن فيه...
ع وفاء_مصيبه مصيبه ولفت ليزيد ضرباته كف _ عندك خواتك... كيف ادير هك كيييف كيييف بس...
ولفت لربا عجنتها طريحه وياسر يحز
هدايه_خليها تقتلها تستاهل ..خزي خزي عليكم...
وخشت لدارها ولحقتها روابي...
قعمز ياسر وامه وبوه وخوه وزينه...
خكوا لياسر كل شيء وحتى يزيد حكاله
ياسر_تي كيف ادير هك كيف وناض عجنه طريحة باهي خلاه دمايات في كل مكان وماحد حز عليه..._تتزوجها البنت هادي وتسترها ..والشقه فوق واتيه الخميس الجاي تقرا فاتحتها...واتجيبها..وتم..
ع وفاء_وما تحلم لاتتزوج عليها ولا اطلقها هادي هيا مرتك ومهناش غيرها..وتو بنمشي مع خوك نخطبها...
ع وفاء_نوضي اطلعي للسياره...
طلعت ومعاها ياسر
ركبوا وهيا تبكي عالفضيحه والعار الي هيا فيهم
لبست ع وفاء عبايتها وطلعت
ياسر_يام انحطوها واندورا دوره ونرجعولها بعدها عشان ما ايشكش عمها
ع وفاء _دير رايك..
.....
انا طول مشيت لمعتز في شقتنا ..
دخلت المفتاح ماباش يخش مغير القفل
طقيت طقيت ومافتح حد كيف لفيت بنمشي انفتح الباب
معتز_شن اديري اهني ..عدي روحي
انا_انا استاحشتك وعيوني دمعوا وطايه وجايبه..ةقص عليا
معتز_مانبي منك شي ومعاش نبي نشوفك اطلعي من حياتي من يوم خشيتها ماريت يوم سمح كدا اخطي ومعش تجيني...
انا_معتزز انت واعي لكلامك...
معتز_ارجيني هنا
انا_فرحت خلاص بيسمعني..
معتز_طلع ومعاه صناديق بدي ياخد ويلوح ..انفتح واحد من الصناديق طاح منه روب الدخله الي شريته ليه
انا_اهفت ..ساد خلاص ساد ..ولميت الصناديق وبديت انحط في السياره...
رجعت والسياره معبيه_معاش عندي وين انحط تو يجي عمار يجيبهم.._ وشبحتله ودعته بكلام عيوني ..وعدته فيهم انه حيندم حيندم لكن حيكون الوقت فات....وتلفتت بنمشي بعدين رجعتله_كمل اليمين
معتز_شنو
انا_كمل يمين الطلاق طلقني بالثلاثه عشان يأيس قلبي ويعرف انه محرم عليك خلاص كمله يامعتز كمله..
معتز_عدي يارنيم
انا_كملللله..
معتز_ عليش
انا_عشان مانستناكش ولا تستناني ..عشان قلبي كل ما يشتقالك يدكره عقلي انك محرم عليه فيأيس ومعش يوجعني من بشوقه ليك
معتز_عدي عدي ..
انا_لو راجل ..كمله
معتز_انتي طالق........طالق...
انا_كانوا كلمتين ..حسيتهم طلقتين وارتشقوا في قلبي _ ربي يعوضك بأحسن وأشرف مني...وتلفتت مشيت ركبت السياره وانهرت بكي ..خلاص حبيبي محرم عليا خلاص معاش ف امل للرجوع بك
#يتبع
#najah_alhaj
أراكم وتعليقاتكم .
