ماي فاميلي (مكتمله )روايات ليبية💓

ماي فاميلي

حلقه 20

نادر :هي تصبح علي الخير
مصعب: ادرت حساب لكبيرتنا وباتك وعمامي
مهند همي نضربه بس وباقي ماعندهم مايديرولي خيرك امديرني ضني عمك تانين اني اندير يلي في راسي بس
مصعب: تمام هي سلام وافكر في خطوه
مهند :مش حنرقد انجيب اخرته غدوه

مهند ة قعمز على كرسي واستند الضهره وقعد يشوف للسمي
مهند : وربي العزه لو مانزقدكش ياعمر الطريحه منبقاش اني مهند
مهند : اتصل ب وسام
وسام :ماردش
مهند :تنهد ورد يشوف لنجوم

الصبح
مهند :اتصل ب احمد صاحبه
احمد : اسملهي شن تبي خيرك تعرش فيا في الصبح
مهند: مارقدتش ماشفتش الساعه لقيت الصبح كلمتك
احمد: باهي نعم ناعس
مهند: ناعس ولا بتلعب ببجي استراحه انبيها غدوه
احمد :خسرت وانت عششت ليك ياغالي
مهند :غير غدوه انبيها وانبيك
احمد :فالطه امالا
مهند :فالطه قريبه ليا
احمد :ضني خوالك امالا عمامك مضنتيش مصعب 😂😂
مهند: لا انت
احمد: ههههه خفيف غير منو
مهند :عمر
احمد هالولد حرقلي دمي شن بدير مانكش خايف من كبيرتكم وجدك وعمكم
مهند: من قالك بيعرفو اني اني

احمد : حتي اني نسئل فيك ماني عارفك الخبرة هي خلاص سلام منكمل اللعبه
مهند: هي اخش اني وياك
احمد :ندرلك دعوه
مهند :باه
مهند واحمد لعبو ببجي ل ٩الصبح

(احمد هدا صاحب مهند بروح طويل اسمر عيونه عسليات )

عند وسام
وسام :مارقدش وقعد يفكر

نردو لمهند
مهند : يرن عليه احمد
احمد: نعم
مهند :ماترقدش ياحيوان
احمد: عليش
مهند :عارفك بتنسى ياحمار علشان موضوعنا
احمد :ماهو الحمير يعرفو بعضهم اي تذكرت
مهند: تعال لابين مانوض البهايم
احمد :😂😂
مهند: تعااال ماتنكبش لان عارف كبتك كيف 😂
احمد: باهي ياعليك الصحبه
مهند :هي سلام

مهند: رن عليه مصعب ماردش رن عليه نادر ماردش
اكيده مرت عمي وعمي عند كبيرتنا نمشي للحوش
مهند خبط مافتحش
هيااام: ووووه منو يرن في الجرس واااااك ياهودا ليش تمشي يبال بتردي
هيام :اجيت اجيت ووووووه
هيام: فتحت الباب كان شعرها طايحه نصه ونصه مشدوده ولابسه توته سروال جيشي وفانليا عليها ببجي
هيام: عطك لقيت مهند
هيام :شن تبي جاي قبل شحاته وبنتها
مهند: قعد سارح فيها
هيام: هوا انت يامهبول جايبلي خبارت منو
مهند :نادر ومصعب
هيام :بعيد سوء عليهم ان شاء الله في راسك
مهند: تحشمي عليه وجك وخيرك هاربه من لعبة ببجي امالا
هيام: تحشمت وخشت اخشلهم
مهند :(بيش تسكت لازم مانعلق) مره اخري معاش تفتحي لين تقولي منو
هيام : اي ولد جيران جاي ساعه 9 وخاش هاد ويدق في الدق حد جاب خبره تدويلا وهيا بعيده عليه
مهند :خش لدار نادر لقاه راقد هوا ومصعب
مهند :فتح نقال لقي اخر ظهور ليهم منذ ربع ساعه
مهند :مصح وجكم ياكلاب فتح استاره خشت الشمس بس مازالو راقدين (دارهم كلها زرقاء ابيض واستاره اسود علشان الضي)
مهند خدي طاسة مياء وبزعاها عليه وجوهم
نادر خير بلاك هكي ينوضو
مصعب استغفر الله
مهند :عليه منو ثمثلو علي المخرج مالكمش راقدين ربع ساعه مسرعه خداكم النوم
نادر :باهي اعطينا نرقدو ربع ساعه
مهند :نوض هي بنمشو
مصعب :تي مرقدناش
مهند :تمو موضوعي بعدين ارقدو نومت اهل الكهف
نادر ياعليك ..
مصعب :منخش للحمام(حشاكم)
نادر: شويه نخش للحمام ونطلع (حشاكم)
مهند: ازياده انكم مش صافين منو ايدير في دار زوز احمامات 🤦‍♂️تبو علاج وح يكلف تدويها القدام حد يضحك عليك
مصعب: رماه بالمخده وناض خشه للحمام
نادر :افكر احني الحل هدا ردناه علشانك لو مافيش حمامين اهو تراجي مصعب نص ساعه واني نص ساعه ونتاخرو لكن هكي كلنا في النص ساعه
مهند : تفكر خير فيسع قبل ماايجي احمد وربي العزه ايجي احمد بنفوتكم
نادر :خش للحمام
اجت الخدامه بدك شي استاد مهند
مهند :اديري 3قهوه
الخدامه :حاضر
طلع: مصعب
مهند: انزل نشربو قهوه
نادر :طلع باه
مهند :منو عزم عليك
نادر :حوش بوي وانبي عزومه
مصعب مهند ونادر نزلو لقوه قهوه واتيه
احمد :يرن عليه مهند
مهند: نعم
احمد اني القدام الحوش قاعد
مهند: نجبلك قهوه واشر علي الخدامه انها تصب
احمد: والله حتي فطور مافطرت جبلي
مهند: تمام
مهند: انزلو واجيبو قهوتكم
مهند: ركب من القدام شنج
مصعب: ونادر من وراء
مصعب: وين سيارتك يااحمد
احمد :هدي سياره منبيعوها فقلت نودعها بفالطه واحسن من تانيه
نادر :شن الخطه
مهند: توه احني منمشو للقهوه احمد كلم واحد من صحابك ودزلا صورة عمر يشوف القهوه
احمد: تمام كلم صاحب عبدالله
عبدالله: احميده شنجو
احمد :حمدلله شن جوك انت
عبدالله: حمدلله
احمد: انبيك في الموضوع ونبيك تساعدني
عبدالله: امر ياغالي ادلل شن تبي
احمد: في قهوه ......عارفتها
عبدالله: اي في طريقي ليها
احمد: تمام انت تعالي تلاقني حدا الدكان يلي مقابل القهوه
عبدالله : تمام
احمد: كلم صاحبه
عبدالله :وصلتلك
احمد : اي انزل تعال
عبدالله: تمام
عبدالله :شنجو كيف حالكم وين غاطسين
كلهم تمام حمدلله
مهند : اهو حال الدنيا قريب ان شاء الله نتلاقو وقفتك مانسهلكش
عبدالله :التريس لبعضهم
احمد : الولد هدا شايفه
عبدالله: اي
مهند: انبيك تمشيلا وتقولا انت ولد عمك وسام واني تعبت واني ندور فيك وانو انت تبيه في الموضوع اختك يلي غلط معاها وسام وتوه حامل وتعطيه العنوان لاستراحه وانك هارب ب اختك من خوتك بيش مايقتولهاش حشا اختك وهدا شرف واختك يبو يقتلو وسام وهربت اختك بيش تلحق تزوجها لوسام بااما خوتك بيقتلوها هيا وسام
مصعب: 😮😳
نادر: 😱😱
احمد: مزلت نتعلم منك
عبدالله :ماشي
مهند: وتركبه معاك وتقولا انبيك تاخد اختي واني ونمشو للاهله وسبه قدامه
نادر: يصدق الكدبه هدي
مهند :غير قول وسام عليه طول يصدق
مهند :ياعبدالله وانت وصل لمكان فلاني
مهند: كلم واحد
علي :اني قريب عليك نشوف في واحد واقف
مهند: خلاص توه ينزل نادر ومصعب
علي: تمام
مهند نادر ومصعب عدو للسياره علي
نادر :تمام
مصعب: ليش .
مهند :انتم بتعدو للمكان يلي بيوقف بيه عبدالله
واني منلحق عبدالله بشويه تحسبن
مصعب: هدا اخر كلام
مهند :مهند مايترجعيش عليه شي
مصعب: تمام ياطيري
مصعب ونادر نزلو
مهند :الساحه ليك عبدالله فجر موهبتك
احمد: ضحك 😉😆
مهند: الشد.اعصابك واخليك داهش 😠ومدلي جيبك احطلا زي جهاز اصغير ماتحولاش بوكل
عبدالله: تمام هي سلام واني ندزلك رساله
مهند :تمام
مهند :ابدل
احمد: كيف
مهند :بلاش الذكاء اني مننزل وانت انزل منسوق اني مش كان عجبتني نشريها
احمد: خودها بلبلاش
مهند: ادرا ليش حنانه زايده 😂

عند عمر
عبدالله :خش ادار روحه يسئل عليه
راجل :اهوا عمر
عبدالله: السلام عليكم
عمر: وصاحبه وعليكم السلام
عبدالله: خويا انبيك شويه بروحنا
عمر :شن تبي
عبدالله :غير تعال انبيك في موضوع وسام
عمر :اءء خخيرا
عبدالله :تعال على طاوله يلي غادي
عمر :قال لصاحبه شويه وانجيك
عمر :شنو
عبدالله :انت ولد عمك وسام .... انبيك ترفعني لبوه
عمر: خيرا
عبدالله: وسام كلب الحقير ضحك عليه وغلط معاها واختي توه حامل وهربت بيها من اهلي اني عارفها اختي شريفه لكن ضحك عليها نذل مصخه ولما دورت عليه الحد يقربلا قوليلي عليك واني لازم نمشي لبوها بيش يزوجهم لبعضهم يااما خوتي بيقتلو بيقتلو اختي اني انبيه يموت لكن خايف عليه اختي
عمر :ريت هالحقير ريت اي نرفعك ل عمي
عبدالله لا
عمر: كيف
عبدالله: قصدي انبي نمشي للاختي نخدها من الاستراحه ونرفعوها ل عمك وغادي ياتجوزها يانقتلا ونقتلها
عمر: اي كان مباش يخدها تقتلا حررام يلعب بشرف بنات الناس تي هدا فاسد اكيده كم بنت غيرها ضاحك عليهن
عمر :توه يامهند منو يهدد منو (بهمس )
عبدالله: هي
عمر: هي
ركب في السياره
عبدالله: جاته رساله
مهند :صحه ليك
عبدالله: اصكر تلفونه
عبدالله :اه يااربي
عمر: عند خوته عارف الدنيا كما تدين تدان
عمر :يتفلسف وماحسش بالطريق وكان كرهه عليه وسام هو يلي امسيطر عليه
مهند: يمشي وراهم
احمد :قريب نوصلو
مهند: معاش نطلو
عبدالله: وقف سيارته
عمر :خيرا شن فيه
مهند :وقف
احمد: خدي سلاحه من الدرج سياره
مهند :صعلوك مش لازم منه المسدس
احمد: مرات خايف عليه روحه منك وخداه
مهند :يمكن
احمد :مد سلاحه اخر لمهند
احمد: احتياط وااجب

عمر: خيييرك وقفت
نزل :مافيش استراحه هنا
عبدالله: سياره وقفت توه نكلم صاحبي ايجي ياخدنا
عمر :باهي استراحكم مطوله
عبدالله: لا مش بعيده
عبدالله: ايوا ياغالي اتجي تخدنا
مهند :لعيونك اقريب منك اني احترس منه مرات عندا مسدس
عبدالله: تمام
عمر :بيجي
عبدالله :اي وركب في سيارته واصكر شباك
عمر :خيرك صكرته
عبدالله: بمعني مكيف اشر علي مكيف اخش قعمز
عمر: راجي في صاحبك
اجت: سياره احمد نزل احمد
عمر😳
مهند: نزل مهند
عمر😱🤪
اجيت سيارة علي
نزل مصعب ونادر وعلي
عمر :😵😵😰😭
سيارات احاوطو عمر وهما ٥ ادرو عليه ذائره
عبدالله :نزل من سياره اني هكي كملت خدمتي وهاك جهازك
مهند: صحيت ياقدر مانسهلكش للموت وقفتك
عبدالله :مش بينتانا عندي خدمه هي سلام وركب وعدا
عمر:😖😞😟
مهند: علي ولا احمد احطوه في شنطه
احمد: دقيقه قرب من عمر وفتشه
مهند: اني لما نحلف نفد
علي: الشرطه اترت عليك
مهند :شكلا هكي
احمد: تعلمو😂😂خدوه سلاحه وشدوه
عمر :خيررركم شن درت شن فيه شن صاير يامصعب يانادر اني ولد عمكم
مصعب ونادر:😶🤨
احمد وعلي: حطوه في الكوفن وبدا يخبط
مصعب: لو ماقلتش ليش مادرتش هكي اني حنروح ومن نخبرهم
نادر :اني مايهمنيش مدام درتهلا هكي معاناه غالط
احمد :اني وعلي تلاقنا في السياره
مهند :تمام

ييييييييييتتتتتتتتبببببع

😍😍
شن توقعو مهند ايدير ل عمر
تراااقبو الاحداث 😍😍😍ليوم او غدوه نزلكم حلقه 21
لايك وتعليق من اجل دعمي
وشن رايكم في سرد الروايه هكي 😍😍