الجد: قولي لكناينك اصيام سنه هدي معا بعضنا وغدوه اصيام كان مفيش تروايح في الجامع بنصلوها في صالة صلاة جميع
الجده :به ان شاء الله خير وربي يفرج ع البلاد وعبااد يااارب
______________
في السحور 💓
الشباب
اخشو وسلمو ع كبيرتنا وجدهم وجدتهم وادعو ان كل عام تكون معاهم
نادر :مش شوفتهم ليوم 🤔شن الجو هدا وزياده تسليم في الليل
الجد :فنص فيه
وسام :شاد روحي بالسيف عليك
محمد منص :🤐🤐
سند :سنه هدي اني صايم معاكم😁
سيهام :ايى
مهند :هي نمشو عادة كل سنه
نادر: هي
سند :شنهيا
محمد منص :ننطرحو في جنان للصبح كل اول يوم في رمضان
محمد خا:اي
كلهم انطرحو ويبرقو في السمي
مهند :اكلم ايهم
مهند: شنجو
ايهم: قاعد محجور
مهند: هادي قرايتك مش مفروض معانا
ايهم :هدا هو احط نقالك ع تراب وافتح مكبر
مهند: تمام
نادر: الله الله من عمري 10سنين بدينا انديرو فيها لكن كنا نوضو نلقو روحنا راقدين في دار معا بعضنا متغطين لكن تو لا معاش يرفعو فينا 😭
وسام: تبيهم يرفعوك مزال
محمد منص:مهند بروحه هوا يبي رافعه بيش ترفعه
مهند :تو اني نبي رافعه🙂 ادرتني سته في سته
سند :حاسدك ع عرضك
ايهم:خيرك يامهند هوا العود فرنسي يلي عنده
محمد منص:حمدلله اني رقيق عضلات بس 😁
محمد عا:تعاكس في بنات
ايهم: تي وربي نخرطلهن بالليبي ونضحك وهنا فرحنات امدايرتني نشكر فيهن
نادر: اجرب اخرطلهن بانقليزي😁اكويس
ايهم: خيرك متوحشني امالا تبيهم يبعتوني لليبيا
نادر: اي ووااجد
ايهم: لين تعقل
نادر :😁معناها معاش حتجي
سند :عارف روحه
محمد عا :اني تو نلحقك 😂😂بعد الحجر
ايهم :انت مزلت ساهر غريبه لما كنت في عمرك نرقد من المغرب
مهند: 😂😂
محمد عا: بالله فوتني من ام ذل امتاع العمر هنا 5سنين دلتو امي بيهن فكيكم من الوهم
الشباب 😂😂😂
مهند :انت بس اجيت في الالفين انت ومحسن وماهر خاطي البنات من حظكم
محمد عا :كان مني راه اجيت قبلكم وانتم خلتيكم الفين ونرويكم الذل كيف
ايهم :وين سراج
نادر :سراج ومحمد وائل في بيت الادب تو مش فاضين 😂😂ليهم اسبوع مقعمزين فيهن
ايهم :هههههههههه خيرهم هما اتنين
مهند: ابو نادر غالب حطلهم قطرات ايدير في اسهال ليهم اسبوع مايطلعةش من الحمام
ايهم :ههههههه ليش خييرك متفرج ع باب الحاره واجد امالا 🤣
مهند: شكلا
وسام: وربي يا مصخ ليا اسبوع يلي ناكله انرجعه ع طول و وامي وخواتي يلبسن في محارم شعرهم ليهن اسبوع في حوش ولابسات امحارم وزياده ماصحرتيش وغدوه مش عارف كيف بنفطر تعرف كان نيتي ماتنزليش غدوه ع لايكال بنوكلك تراب
ايهم :هههههههههههه خيره وسام منو بتوكله تراب اكيده لنادر
محمد عا :اي لنادر
نادر: ريتهم كيف يعدبو فيا بيوكلوني تراب وانت عارف اني مسالم ونمشي من الحيط للحيط ونقول ياربي ستره
عز الدين: شنو تقول يارب الستر وانت فاضحهم كلهم ومانك ساتر ع والي
اصيل: صاحب ايهم
اصيل :شن ادير
ايهم: نكلم في اولاد عمي
وسام: كان نسيت اني اخوك 😁
ايهم: ووسام خويا
اصيل: يافرحتك احلف ان وسام اخوك
ايهم :واللهي الله
اصيل: مانقطعيش عليكم لمتكم اني في بلكونه بندخن
ايهم :ياحمار اصيام فات توقيت فجر راه
اصيل :ايي زف نسيت
نادر: انوي معانا مزال عليه 10دقائق ادخن انت ليبي واصيم بتوقيت ليبيا😁وزياده اصلن تقدر ادخن وانت صايم
اصيل :منو فاتيلك فيها
نادر: اني شيخ قاري في ازهر ومزلت تبي من يفتيلك ع ضمانتي ياراجل
مهند :اهوا سبسي
نادر :اولعه
اصيل: تغرو فيا نرقد خير هي سلام
ايهم :كداااب 😂بتكلم البنات اصيام راه
مهند :قلبك اصغير لا يحتمل
اصيل تتقوا اني يلي معاك هنا مش هما راه
سند :اطفيه خير مايجي جدي
اصيل اي طفيه الله ع تنفيخ فيه وصنته
مهند 😂😂🤣
اصيل :هي سلام تو
YOU ARE READING
ماي فاميلي (مكتمله )روايات ليبية💓
Teen Fictionروايه ليبيه مضحكه مشوقه تحكي ع عيله ❤💪 اخشو اقرو 😁50 حلقة جزء الاول😎 الجزء ثاني في الكتاب ثاني 💓ع حسابي الثقة في الله نجاح 💓 لايتم نقل الروايه الا باذن مني وب اسمي 💓
