نادر :قتلا يفتحلك ربي وطلعت مشيت للمحل اخر خديتها نفسها ب 950 د
مهند :حرررام عليهم احني ع اقل عندنا حمدلله لكن الناس يلي ماعندهم شن بيديرو
من اسعارهم قديشهم حرمو اصغار ونسوان ورجاله من بدلة العيد ربي يفرج وخلاص
الشباب : ربي يفرج
________________________________
محسن :تعالو اسحرو
نادر :هي اخر يوم للمكرونه في الليل ☹️ومن تفنيص ولايكال معا وسام
مهند :امالا في الجمعه قاعد ماد وجك
نادر اي
محمد خا :لكن تعودنا ع كل يوم انفطرو معا بعضنا
سند :انوضو
اخشو قعمزو
نادر :احط ع البرنس
وسام :غير شن محببك فيه
نادر :😍😍عاد ماتغلطيش في محمد رمضان اغلط في بويا يلي احداك لكن محمد رمضان الخط احمر
خالد :مصح وجك.هدا مانحصل منك 😒
نادر :غير اسكت يابويا بيقتل اخوته
كبيرتنا: اللطف اللطف يعلمو فيكم بقتل بعضكم
نادر :اي بنماريه كيف ماقتل ياسر نفتل وسام ومحمد وائل وانخليلك ايهم سادك ياعمي ولاه
وائل :😂😂اقتل حتى ايهم كان حاسدني ع خليفة هل 3 اولاد
نادر :لا والله وجعني باهي شن رايك نقتلك حتى انت وانتي يامرت عمي تو نجيبلك شاب
ام وسام :ههههه😂
نادر :سادك من النكد هدا
وسام :امي تضحكي عاجبك الكلام
وائل :وربي ماتحشم وخويا ماعرف يربيك
خالد: تو شن دخنى كان ربي رزقني بولد هكي
نادر: 😂😂
نادر: الولد هدا عيت عمي كلهم يبو مني
كلهم ابرقو في نادر
مهند :اخودو محمد واعطوني نادر
نادر: الله احيو ابن العم 😍😍
منصور :خيرك بلوة خويا تيجبلي فيها 😒
مهند :انتم عندكم بلوه اني عندى النعمه 😁
نادر :ها ريتو اني حرام اجيت ولدكم مفروض اني ولد عيلة كوشفالي كنهدا تبوسو ع يدي 😒😒واني نطيحكم
مهند :امصدق روحك
نادر: وحياتك
نادر :ايكلم في ايهم
ايهم: ايوا
نادر: بنطلب منك طلب
ايهم: شنو انت طلباتك يرعشن وزياده في عقاب الليل
وسام: بصوت عالي اصككر عليه كانك تنفع
ايهم :خيره وسام
نادر :فوته مش عارفه في شنو يحس .
نادر: لمهم انبيك تمشي للحفرة وتكتب نادر اتي اليكم
ايهم :ههههههه تبيها بتركي ولا بعربي .😂
وسام: اكتبهلا بالهنيدي
ايهم :منعرفيش هنيدى
مهند :😂🤣🤣🤣وربي مانك صافي
محمد منص :مزلت تبي اتبدلا بيا
مهند :هههههههه
الجد :حتى تركيا ماسلمتيش منك
نادر :😎😎نادر في كل مكان ايوصل بصمته
الجد :ايكمل الحجر نبعتك للمستشفى
كبيرتنا :اي ايبيها
نادر :واني نرفعك لبلديه تغيري اسمك
خالد :مش في بلديه يسجلو اسماء في سجل المدني
نادر: اي غادي
ايهم: ههههههه
نادر :قدها
ايهم :من عيوني😁
نادر :عارفك قدها بنقولك بنقتل اخوتك زوز +مصاريف الشحن ابوك شن رايك
ايهم: ههههههههههه لهدرجه وجدوهم بدا يستفز فيك
نادر :ببككل بدات اخوك ل مبلبز
وسام :اقريب انوض انبلبزليك اعيونك
نادر :تسمع فيه هوا رايح احرف من استاد رياضيات ايهزب هكي وخلاص
هيام :اتغيض في مهند
هيام :شنجو ايهم
ايهم :تموم شن جوك انت
هيام: اعطهلي
مهند: 😡😡😡
مهند: هاته ايهم انبيه في موضوع ضروري
نادر: اكلمه بتلفونك
مهند :امك هاته هنا الزف
ام نادر :خيرني يامهند
مهند: سامحني يامرت عمي
نادر :اطلب السماح في العيد وحصل ع مليون امك اضافيه للعيد جايه
فاميلي:😂🤣
كبيرتنا: ان شاء الله كل عام واني معاكم وسنه جاي تكونو ملمومين عليا
نادر :نهار اسود مزلتي طامعه في العيد معانا
فاميلي: 😂😂😂
كبيرتنا :خيييرك تقتل فيا
نادر: لا مش الموت مرات تكوني في السعوديه
كبيرتنا :اي ان شاء الله
الجد: خيرها امي في شنو امضايقتك
نادر :لا ماهيش مضيقتني
مصعب: هيا وين المكرونه
نادر :غدوه الفتات 😁😁
مصعب :خيرك فرحان
نادر :لا شي لكن وسام اكيده بيعاونكن
وسام: بعد العيد نهارك احرف مني
نادر: بابا زودلا😂😂
خالد: نعاونك فيه ياوسام
محمد وائ: حتى اني
نادر :مههههننننند تعال الحقني
مهند :خيركم
نادر :بيقتلوني
مهند :وشن مطلوب مني
نادر :شنو شن مطلوب مني انبيك تفزع فيا
مهند :عندك اخوت هما اطلب منهم
نادر: ☹️😒
مهند: مشيت علييك😂😂😂مانرخيش بيك
مهند :اني نقتل محمد وائ وانت اقتل ابوك ووسام لاانه وسام مايهونيش عليا
نادر: تم
محمد وائ: اني انهون عليك
مهند:. 😂😂اي🙂
احطو مكرونه
نادر :ليوم اخر يوم 😊
مصعب: تو الاشتراك شيطان بيفعل الغدوه
محسن :خيره كان كامل رصيده🤨
مصعب :كان ثايب
نادر: اي كيف بويا 😂😂
خالد: شنو
نادر: لا شي لكن انت ماتعرفيش المصحف الا من رمضان ل رمضان وادير في روحك طالع من الزهر
خالد :واللهي ماتحشم
الجد :اكلو
مهند :يوم العيد نلقااا وحده فيكن لابسه لبسه اتحشم وربي انوريها
مهند: وحت انتم بتحاسبو كان وحده من خواتكن ماتلبسيش اكويس
هيام :غير ابرق في ماريا
مهند: انبرق في في ماريا وبنات العم ماريا
كبيرتنا :هي اسحرو وبلاش اعراك
بعد ماااكملو سحور
أنت تقرأ
ماي فاميلي (مكتمله )روايات ليبية💓
Teen Fictionروايه ليبيه مضحكه مشوقه تحكي ع عيله ❤💪 اخشو اقرو 😁50 حلقة جزء الاول😎 الجزء ثاني في الكتاب ثاني 💓ع حسابي الثقة في الله نجاح 💓 لايتم نقل الروايه الا باذن مني وب اسمي 💓
