8 months ago…
“Bart parang hindi ito ang daan sa pupuntahan natin.”
Hindi sumasagot si Bart at lalo namang kinabahan si Maya ng makita niyang papasok na sila sa isang motel. Nang makapasok na ang sasakyan sa garahe ay agad bumaba si Bart at binuksan ang pinto ng kotse kung nasaan si Maya.
“Maya let’s go.”
“Hindi ako bababa!” hindi malaman ni Maya pero galit ang nararamdaman niya para kay Bart. Niyaya siya ng boyfriend na lumabas pero hindi niya akalain na sa isang motel siya nito dadalhin.
“Maya please kung talagang mahal mo ako papayag ka.” si Bart. Halos isang taon na silang magkasintahan ni Maya pero hanggang simpleng halik lang ang nakukuha niya sa dalaga kaya nagpasya si Bart na dalhin ito sa isang motel hoping na hindi na ito makakatanggi pa.
“Bart kung talagang mahal mo ako hindi mo hihingin sa akin ito. “ Bumaba ng kotse si Maya at aktong lalabas ng garahe pero agad naman siyang napigilan ni Bart.
“Ano ba Maya huwag ka namang gumawa ng gulo dito.”
“Uuwi na ako! Kung gusto mo maghanap ka ng babaeng papayag sa gusto mo.”
Humarang si Bart sa daraanan ni Maya. “Ok, ok uuwi na tayo ihahatid na kita.”
Tumingin lang si Maya kay Bart at parang nagdadalawang-isip na bumalik at sumakay ulit sa kotse ng huli.
“Maya please. Ihahatid na kita.”
Tahimik lang na sumakay si Maya at ganun din naman si Bart. Agad na pinatakbo ng huli ang kotse nito palabas ng motel.
Lingid sa kaalaman ng dalawa ay nakita sila ng Tita Amanda ni Maya dahil sa nagkaroon ng problema ang sasakyan nito sa mismong harap ng motel kung saan sila nanggaling ni Bart.
***************
Present time…
“Mukhang tinanghali kayo pareho ng gising, hindi ko kayo nakasabay sa breakfast kanina.” Si Donya Esmeralda, ang ina ni Richard. Pansamantala itong tumigil sa bahay ni Richard dahil may ilang meetings itong kailangang puntahan sa Manila para naman sa mga businesses nito sa Cebu.
“Dito ba kayo natulog kagabi?” tanong ulit nito.
Parehong hindi sumasagot si Maya at Richard. Napansin din ni Donya Esmeralda na parang umiiwas ang mga tingin ng mga ito sa isa’t-isa. Humugot ito ng malalim na hininga sabay tanong ulit. “Magkasama ba kayo sa iisang kuwarto kagabi?”
“Ma!” gulat na sabi ni Richard samantalang namula naman si Maya.
“Well, bakit hindi? Mag-asawa naman kayo.” Kaswal na sabi nito. “Kahit palabas lang ang kasal ninyo, sa mata ng mga kaibigan at kakilala natin mag-asawa kayo kaya kung hindi kayo matutulog dito sa bahay siguraduhin ninyo na sa iisang kuwarto kayo maglalagi.
Hindi na alam ni Richard kung anong gagawin sa mama niya. Talaga naman kasi kung minsan ay napaka-prangka nito.
Buti na lamang at tumunog ang telepono.
“Ricardo, si Celeste.” Si Manang Fe.
Agad na tumayo si Richard at kinuha ang telepono kay Manang Fe.
“Thank you po Manang.”
Hindi napigilan ni Maya ang hindi sumimangot ng marinig ang pangalan ni Celeste na agad namang napansin ni Donya Esmeralda.
“You’re calling my phone?... Sorry we’re having lunch, I forgot it in my room… Dinner tonight?... Sure, sure… I”ll pick you up, say seven??... See you then, bye.”
Bumalik si Richard sa kanyang upuan.
“O Maya, bakit parang hindi yata nababawasan ang pagkain mo?” tanong ni Donya Emeralda ng mapansing parang walang ganang kumain si Maya.
“P-po… masama po kasi ang pakiramdam ko. Medyo masakit po kasi ang katawan ko.” Gusto sanang ibalik ni Maya ang nasabi niya ngunit huli na. Naramdaman niya ang pamumula ng mukha niya lalo na ng makita niyang nakatingin si Richard sa kanya.
“Aba iha, you need to take some medicine.” Pag-aalalang sabi nito kay Maya.
“S-sige po. Kakain lang po ako kahit kaunti.”
Bumaling muli ito kay Richard. “You’re going out tonight son?”
“Yes Ma. I’m going out with Celeste.” Nakatingin pa rin si Richard kay Maya.
“Ricardo, may I remind you that people knows that you and Maya are married. Ano na lang ang sasabihin ng mga tao kung lagi pa kayong nagkikita ni Celeste? Pumayag yang girlfriend mo sa set-up ninyo so she also needs to obey the rules and one of the rules is hindi kayo puwedeng lumabas dalawa lalo na kung hindi ninyo kasama si Maya.”
“Ma, dinner-date lang yun.”
“Ricardo, inumpisahan mo ang kalokohang ito kaya kailangan panindigan mo!” ang mariing sabi ni Donya Esmeralda.
Wala ng nagawa si Richard kundi tumahimik. Tama ang ina niya siya ang nag-umpisa ng lahat ng ito.
to be continued…
-roxygirl5-
YOU ARE READING
Stay
RomanceNilagay mo siya sa Pedestal. Naging imahe ng iyong Ideal Man. Akala mo ang maging sa iyo siya ay hanggang pangarap na lang hanggang nagkaroon ka ng pagkakataon pero alam mong mali ang lahat. Paano kung ang alok niyang kasal sa iyo ay dala lang ng...
