It was supposed to be a vacation. Matagal na siyang di nakakauwi ng Cebu. Masyado siyang naging busy sa pagpapalago ng Lim Aviation Services. Matagal na niyang pangarap ang magkaroon ng sariling negosyo, yung sa kanya at hindi sa pamilya niya. Yung masasabing pinaghirapan niya at hindi dahil anak siya nila Don Roberto at Donya Esmeralda.
Another reason ay gusto muna niyang lumayo kay Celeste, his girlfriend. Masama ang loob niya sa huli, he proposed to her pero tinanggihan siya nito. Hindi pa raw ito handa para magpakasal at magkaroon ng sariling pamilya. Masyado kasi itong career-oriented at laging sinasabing marami pa itong pangarap para sa sarili. Halos tatlong taon na rin silang magkarelasyon kaya akala niya ay tama na ang panahon para yayain niya itong magpakasal ngunit nagkamali siya.
Nang makauwi ay nabalitaan niya ang nangyari kay Maya mula sa kanyang mama. Kababata niya ito at kahit pa pitong taon ang agwat nila ay naging sobrang malapit sila sa isa’t-isa. Awang-awa siya dito kaya naman agad niya itong binisita. Ilang taon din silang hindi nagkita kaya naman nagulat siya ng malaki na ang pinagbago nito. Hindi na ito ang batang patpatin at maraming pimples na pinagtatanggol niya sa mga kaklase nito. Dalagang-dalaga na ito at talaga namang napakaganda.
“Maya ikaw ba yan?” sa veranda niya natagpuan ang huli.
“K-kuya Richard.”
“How are you?”
“O-ok lang kuya. Ikaw?”
“Are you sure?” Balik-tanong niya dito. Sa loob-loob niya ay hindi pa rin talaga nagbabago ng ugali si Maya. Lagi pa rin itong nagsasabi na ok ito kahit ang totoo ay hindi naman.
“Opo naman. Ang tagal ninyong di nakabalik ng Cebu ha. Sobra kayong naging busy sa business ninyo. “
“Oo nga eh. Alam mo na ayaw ko namang laging na-aasociate sa pangalan ng parents ko. May kailangang patunayan kaya doble-kayod din.” Paliwanag ni Richard.
Nakangiti man si Maya pero nakikita ni Richard sa mga mata nito ang lungkot na nararamdaman.
“Grabe Maya akala ko kanina may iba ng babae sa bahay ninyo. Hindi talaga kita nakilala kasi…” pinigilan ni Richard ang pagsasalita ng mapansin niyang parang may mali sa sinasabi niya. “S-sorry Maya I mean dalagang-dalaga ka na kasi and look at you…you are beautiful.”
Hindi napigilan ni Maya na hindi mamula sa sinabi ni Richard. Nakakahiya, she’s blushing.
“Ok lang kuya. Medyo nagkalaman na ako at nawala na rin ang pimples ko, buti na lang. Wala na ring tumutukso sa akin ng patpatin at atis.” Natatawang sabi ni Maya kay Richard.
“Kung may tutukso sa iyo ng ganyan ngayon, hayaan mo bubugbugin natin.”
Lalong namula si Maya sa sinasabi ng kanyang Kuya Richard.
“Ahem…” si Don Arturo Dela Rosa, ang ama ni Maya.
“Tito!” Agad lumapit si Richard sa ama ni Maya at nagmano. Sa loob-loob ni Maya ay hindi pa rin nagbabago ang kanyang Kuya Richard, magalang pa rin ito. Isa sa mga katangiang nagustuhan niya dito.
“Kamusta na po kayo?” ang tanong ni Richard sa matanda.
“Mabuti naman.”
Naramdaman ni Richard ang tensiyon sa pagitan ng mag-ama. Maya-maya pa ay nagpaalam na si Maya.
“Ahh Kuya Richard mauna na ako. Kailangan ko pang maghanda dahil may flight ako mamaya.”
“Flight?” ang pagtatakang tanong ni Richard kay Maya.
Bago pa nakasagot si Maya ay naunahan na siya ng ama. “She is a Flight Attendant now. Anyway, Richard do you want to go to the farm? Alam ko namimiss mo na ang sariwang hangin and of course ang mga sariwang prutas. Papunta rin naman ako doon might as well doon na natin ituloy ang kuwentuhan.”
YOU ARE READING
Stay
RomanceNilagay mo siya sa Pedestal. Naging imahe ng iyong Ideal Man. Akala mo ang maging sa iyo siya ay hanggang pangarap na lang hanggang nagkaroon ka ng pagkakataon pero alam mong mali ang lahat. Paano kung ang alok niyang kasal sa iyo ay dala lang ng...
