ရင်မှပျိုးသော စတော်ဘယ်ရီ🍓[Completed]

Chapter 19 (unicode+zawgyi)

[Unicode]
ဈာန်သည် Nine ကို တွေ့ရအောင် မနက်ခင်း ၉ နာရီခန့်တွင် သီရိဂေဟာကို ရောက်လာသည်။ ခြံစောင့်ကြီးက အိမ်ထဲလိုက်ပို့ပေးကာ အိမ်ရှေ့ဧည့်ခန်းမှာ ထိုင်ခိုင်းထားသည်။ အဲ့ဒီနောက် ခြံစောင့်ကြီးက အိမ်အနောက်ဘက်ကို ဝင်သွားသည်။ Nine တို့အိမ်က ဟိုအရင်နှစ်များက တစ်ခေါက်လာခဲ့တုန်းကအတိုင်း လူသံတိတ်ဆိတ်နေသည်။

"ကောင်လေးရေ Koe က အိပ်နေတုန်း"

အိမ်ရှေ့ဧည့်ခန်းကို အိမ်အကူဖြစ်ပုံရသော အစ်မ တစ်‌ယောက်ရောက်လာသည်။ Nine က အိပ်ရာမထသေးဘူးတဲ့။ ကျွန်တော် ပြန်လှည့်သွားရမလား။ အခုချိန်မှာ ဖမ်းမိဖို့ သိပ်ခက်သော ချစ်သူနှင့် တစ်မိုးအောက်ကို ရောက်နေပြီးမှ ဒီအခွင့်အရေးကို လက်လွှတ်မခံနိုင်ပါ။

"ဟိုလေ ခွန်ကိုးအခန်းကို ကျွန်တော်ရောက်ဖူးတယ်၊ သူ့အခန်းကို ဝင်သွားလို့ရမလား၊ ကျွန်တော်ပဲ Nine ကို ဝင်နှိုးလိုက်ချင်လို့"

ကျွန်တော် အလောတကြီး ပြန်ပြောလိုက်တော့လည်း
အိမ်အကူသည် တစ်ချက်တွေဝေသွားကာ စဥ်းစားနေသည့်ပုံ။

"အဲ့ဒါဆို သွားချင်သွားလေ၊ အပေါ်ထပ်ကို လိုက်ပို့ပေးမယ်"

အိမ်အကူအစ်မသည် သူစိမ်းတစ်ယောက်ဖြစ်သော
ကျွန်တော့်ကို အိမ်အပေါ်ထပ်ကို တစ်ယောက်တည်း
မလွှတ်ချင်သည့်ပုံ။ ကျွန်တော်လည်း Nine ဆီကိုရောက်ဖို့ ဦးစားပေးဖြစ်နေတာမို့ အိမ်အကူအစ်မကို သဘောတူပြီး Nine ရဲ့အခန်းကို အတူထွက်လာကြသည်။ အခန်းရှေ့ရောက်တော့ အိမ်အကူအစ်မကပဲ အခန်းတံခါးကို တွန်းဖွင့်ကာ ချောင်းကြည့်သည်။

"Koe က နိုးတာတော့ မနိုးသေးဘူး၊ ဝင်ချင်ဝင်သွားလိုက်လေ"

"ဟုတ်၊ ကျေးဇူးပါ အစ်မ"

အဲ့ဒီအစ်မက အောက်ထပ်ကို ပြန်ဆင်းသွားသည်။ Nine ကို အမိဖမ်းနိုင်ပြီမို့ ကျွန်တော် ဝမ်းသာသည်။ အခန်းတံခါးကို တွန်းဖွင့်ကာ လော့ခ်ပြန်ချထားလိုက်သည်။ အဲ့ဒီနောက် ချစ်သူဆီကို ချဉ်းကပ်ကာ Nine ကိုကြည့်လိုက်သည်။ မတွေ့ရတာကြာပြီမို့ ယစ်မူးရသော နှုတ်ခမ်းလွှာမှာ စက်ကွင်းမိသည်။ Nine က ဦးဆောင်သူနေရာကပဲ နေချင်သည်။ အဲ့ဒီအချက်ကို မေ့ပစ်ပြီး Nine ကို နမ်းလိုက်သည်။ နှုတ်ခမ်းသားချင်း ထိတွေ့မှုနဲ့တင် စိတ်ထဲအလိုလို ပျော်ရွှင်လာရသည်။