(بين الفقر والسلطه)
#Akbal_Mahameed
&&&&&&&&&&&&&&
خلص الدوام وماشفت سجاد.
رجعت ضايجه.
ثاني يوم شفته ردت احجي وياه مانطاني مجال
عفته براحته رحت لانفال طلع هم زعلان منها.
حجيتلها على الصار البارحه وعن سجاد.
- اول شي عن سجاد هو شعلي لا تخلينه يتجاوز وياج وتدخل بحياتج وخصوصياتج،
وعن هذه النائب اصلا شيلي من بالج تره تدمرين مستقبلج لو يريدج يجي يخطبج مثل الاوادم مو مثل الجهال بس لعب لا تصيرين تسليه اله وصيري عزيزه وثكيله.
- ان شاءالله بس سجاد شلون لازم نراضي شنو نسيتي ايامنة سوه وضحكاتنه.
- اني ابتعدت عنه لان حسيت بي نضراته مو اخويه مثلج لا حسيته يريدني حبيبه اله.
- وهستوج يله حسيتي من زمان اني اشوف الحب بنضراته الج.
- بس اني ماريده حبيبي اريده اخويه مثلج.
- هههههههه اني ماعندي اخ واعتبره اخويه بس انتي مشاءالله عندج كومه شسوين بي اخ باعي انفال سجاد رجال والنعم منه واخلاقه حلوة لا تخسري.
- هاي شبيج لمار اني ماعندي مشاعر اتجاها اعتبره اخ وصديق لا اكثر ماريده حبيبي واذا يريد نرحع مثل قبل خلي يشيل هاي الفكره من راسه.
- تمام براحتج.
مر اسبوع شكد حاولت احجي ويه سجاد بس قافل وابتعد عنه دائماً اشوفه واكف ويه مجموعه شباب وماكدر اروح احجي وياه.
بيوم داومت بس نص الدوام حسيت بوجع ابطني
رجعت للبيت لان ماكدرت اكمل.
خطيه امي شافتني راجعه من وكت وهبطت.
- شبيج يمه شو راجعه من وكت.
- مااكدر يمه بطني توجعني.
- تعالي ارتاحي خلي انطيج علاج.
رحت تمددت بس الوجع كل مايجاي يزيد.
اجتي امي انطتني مسكن سكن الالم شوبه وغفيت. ماادري شكد نمت بس فزيت على وجع كلش قوي.
صحت لامي اجتني تركض.
- يمه وجع يكتل راح اموت.
- كومي يوم كومي اخذج للمستشفى.
كومتني كوه لبست.
طلعنه وهيه ساندتني ومها لازمه ايدي من الجهه
اخذت تكسي للمستشفى طول الطريق اني مخليه راسي على جتف امي واون.
وصلنه للمستشفى شافتني الدكتورة كالت عدها الزايده لازم عملية.
انصدمت وخفت كلش اني ابره مااضرب مو انوب عملية.
كمت ابجي من الخوف والوجع.
دخلت امي واشوفها تلوب.
- شبيج يمه.
- خايفه عليج بنيتي.
- مو خايفه عليه علمود الفلوس مو.
YOU ARE READING
زواج منقطع
Romance(أنا حواء) أنا حواء، أنا الام، وأنا الاخت والزوجة والبنت. أنا الام الحنونة على اولادها والاختْ المضحية لاخيها والزوجة المتعبه من أجلَ راحه زوجها والبنتْ المشاغبه والمتعلقةَ باابيها أنا كل شيء بحياتكَ يا آدم فحياتكَ لا شيء بدوني أنا خلقت من ضلعكَ لكن...
