(بين الفقر والسلطه)
#Akbal_Mahameed
&&&&&&&&&&&&&&
......اسمرت حياتي ويه عز الدين عرفت طبعه مزاجي ومتناقض لابعد حد يعني ساعه يعيشني فوك النجم من الغزل والرومانسيه وساعه عصبي ومايتقبل الكلمه
مايقبل اتدخل بشغله ابد
بس من ذاك اليوم من شرب بعد ابد ماشرب
شهر تقريباً عايشين مثل العرسان مدللني ومدللته بس اغلب وقته مو بالبيت يكول شغل وفعلاً شغل لان كل شويه مخابرينه لو اجتماع لو لقاء ويه بالتلفزيون بس اضوج من شغله لان ماخذ كل وقته لان حبيته واريد كل وقته اليه مو الغيري.
بالدوام اشكال الحجي اسمع لان حياتي تغيرت وهواي اشياه شلون ذيج البنيه الفقيره الي تروح وتجي بالكيات صارت سياره اخر موديل توديها وتجيبها ولبسها ماركه يعني العالم عرفت التغير الصار مو لله بالله لا عرفت انو اكو شي وراه مو قانوني
من رجعت للدوام جنت هستوني نازله من السيارة الخصصها اليه عز الدين شافني سجاد خزرني بعينه دخلت للمحاضرة من كملت اجه عليه.
اريد احجي وياج لمار
ايي تعال هو اني اريد احجي وياك.
كعدنه بالكافترية..
هسه تحجيلي كلشي شنو هالسيارة الي جابتج.
راح احجيلك كلشي بصفتك اخ واريدك اخويه الي يضم سري وصوني بغيابي.
شهالحجي لمار شصاير احجي...
تزوجت.
شنووو
اهدى وراح احجي ماريد احد يعرفه
ماشي بس احجي.
حجيتله كلشي عن زواجي بس من كتله بالسر.
كال قصدج متعه مو بالسر
باوعتله مصدومه.
ايي لا تباوعين هيج هذه يعتبر زواج متعه مدام مايريد احد يعرف معناها يريدج للتسليه فقط مو زوجته وام بيته للاسف انتي بعتي نفسج علمود الفلوس.
عافني وراح من يومها سجاد ابتعد عني وعن انفال لان اعترف الها بحبه وهيه رفضت حبه واني زعل مني لان ضميت عليه ومن احتاحيت للعملية ماخابرته..
بيوم داامشي بالكلية اريد اروح للنادي
اجه ولد وكفتي
لمار ممكن لحظه اكدر احجي وياج.
اتفضل
لمار اني معجب بيج وناوي اتقدملج .
اسفه بس مامفكره بالزواج حالياً..
وين فكري مابيها شي بس اريد اتعرف عليج اكثر
اخي كتلك مامفكره بالزواج ممكن تبتعد عن طريقي ..
عفته ومشيت
اني بالكليه محد يعرف تزوجت غير انفال
اني ماردت احد يعرف بهذه لشي وخليت زواجي بالسر حتى الحلقه مالبسها .
من كملت الدوام رحت للكراج السايق ينتضرني هستوني صعدت بالسيارة وشفت اثنين من ارجال عز اعرفهم لزمو الولد وصعدو بالسيارة كوه
عرفت عز الدين مخلي حمايته تراقبني والله اليعلم شراح يسوون بالولد
رجعت للبيت وراي بشويه اجه عز الدين
اول مادخل للغرفه كتله شنو مخلي حمايتك تراقبني
صاح هششش حسج مااسمعه وتعبان اريد ارتاح.
ذب ملابسه وراح تمدد كلت خلي يرتاح وبعدين احجي وياه عفته ونزلت جوه هدئت شويه خابرت امي حجيت وياها سئلتها على مها كالت هستوني جبتها من المدرسه الخصوصي..
ليش مخليه الها مدرسه
ايي لان درجاتها نازله ..
ماشي العصر اجي اني.
سديته منها وصعدت لغرفتي شفته دايبدل
شنو راح تطلع...
ايي عندي اجتماع...
بس اريد احجي وياك اني..
اجليها عندي شغل ..
قبل لا تطلع شصار على الولد عز الولد مايدري بيه متزوجه لا تأذي حرام ..
لا تخافين مابي شي هدو بس سويتله كرصه اذن ..
ماشي اريد اروح لاهلي
روحي بس لا تباتين لان ابات اهنا اريدج...
تمام..
عندج فلوس
ايي عندي
خير انشاءالله .
عافني ونزل اني هم بدلت واخذت فلوس من اليعوفهن اليه عز الدين يوميه
رحت لاهلي ردت اتابع دراسه مها اول باول
هالبنيه اعتبرها بنتي مو اختي احسها مسؤليتي واريد ائمن مستقبلها..
YOU ARE READING
زواج منقطع
Romance(أنا حواء) أنا حواء، أنا الام، وأنا الاخت والزوجة والبنت. أنا الام الحنونة على اولادها والاختْ المضحية لاخيها والزوجة المتعبه من أجلَ راحه زوجها والبنتْ المشاغبه والمتعلقةَ باابيها أنا كل شيء بحياتكَ يا آدم فحياتكَ لا شيء بدوني أنا خلقت من ضلعكَ لكن...
