زواج منقطع

البارت 4

(بين الفقر والسلطه)
#Akbal_Mahameed
&&&&&&&&&&&&&&

كملتني ام الصالون مكياج بسيط جداً وشعري كصته مدرج  .
امي تباوعلي بحزن احسها خايفه عليه وحتى اني خايفه من المستقبل بس مااريد ابقى بهالوضع واشوف امي ينكسر ضهرها علينه.

صارت الساعه ب4 قبل لا يجي عز الدين دخلو ولد خالي ثلاثه سلمو عليه وباركولي عرفت امي مخابرتهم.
بس اشو صايرين عزيزين احنه اجوي متسوكين ومامخلين شي ماجايبينه وهاي اول مره يسوها يمكن عرفو راح نصير كرايب حضره النائب.
بقو يحجون ويه امي ويسئلون على عز الدين.
كالت الهم امي نائب بالبرلمان ومطلق وماعنده اولاد  
صارت الساعه ب4 ونص اجه هو والشيخ استقبلو ولد خالي حسيته تعجب من شافهم لان هو يعرف ماعدنه احد.
كعد وياهم وتعرف عليهم.
والشيخ يحجي بالدين والزواج والستر تالي كال صيحو العروس علمود العقد.
دخلت اني للصاله سلمت  كعدت يم امي.
كال الشيخ هل تقبلين بعز الدين زوج الج على مهر قدره عشر ملايين.
كتله موافقه رجع سئل عز الدين وتم العقد.
كال بالرفاء والبنين.
كام الشيخ يريد يروح كاله عز الدين الحمايه ينطوك حسابك وهمه يوصلونك.
تشكر من عز الدين وراح.
اني هم كمت طلعت.
بقيت كاعده بالغرفه ومخنوكه والعبره شكت صدري
بس ماريد ابجي وانهار.
شنو ياترى راح يكون موقفي لو تزوجت واجه ووقت يطلكني راح اصير مطلكه واني اصلاً محد يدري بيه تزوجت.
نزلت دمعه على خدي غصب عني مسحتها بسرعه.
مو وقت اضعف اني اقوه من كلشي.

دخلت عليه مها.
لمار لمار.
ها مهاوي.
ماما تكول خلي تبدل.
ليش.
لان راح تروحين ويه عز الدين
شنووووو.؟!
حجيت بخوف عبالي راح ياخذني لبيته هاهيه.

شعندي رايحه وياه؟؟!
ماعرف هو كال لماما اريد اخذ لمار ونطلع نتعشه بره.
اها ماشي.
كمت بدلت ودخلت امي كالت انتي كايله لعز علمود اجي اعيش وياكم.
لا بس كتله شلون امي تبقى وحدها كال اكو بيت بصف بيتي.
ايي هسه كالي بس ماقبلت عوفيني اهنا يمه احسن 
ليش ماما هم قريبه عليه.
لا ماما هيج احسن.
براحتج حبيبتي.
يله طلعي تره واكف بره بالباب ينتضرج.
كملت ماعندي شي.
بوست امي وطلعت شفته صاعد بالسيارة هو يسوق.
صعدت يمه.

شعجب انته تسوق.
علمود ناخذ راحتنه.
امم.
كال هذول صدك ولد خالج.
لعد جذب.
اشو مايجون عليكم.
ايي همه مبتعدين عنه بس عرفو راح اصير زوجه حضرة النائب اجوي.
تره هو مو زواج رسمي اله وقت وينتهي تمام.
سكتت بس اختنكت كلش وعيوني دمعت.
ظل يسوق واحنه ساكتين بس صوت موبايله ابد ماسكت كل شويه يتصل.
اخر شي شمره عليه كال غلقي دوخني حيل.
طفيت الموبايل وخليته يمه.
وين ماخذنه اشو مشيت هواي.
راح اخذج للبيت نتعشه هناك.

ليش.
شنو ليش احسن من المطعم والدوخه.
سكتنه شويه وكال اييي وصلنه.
باوعت على البيت او مو بيت قصر.
كلش جبير والحديقه الي محاوطه البيت بعد اكبر
الحرس من شافو فتحو الباب ودخل السيارة للكراح
نزل وكال نزلي.
نزلت وهو لزم ايدي ودخلني للبيت.
دخلنه للمطبخ ظلت عيوني تفتر طبعاً مااثث احلى اثاث بي مبين مامستعمل.
كالي اكعدي هنا خلي اروح اوصي على عشه.
راح وصه الحرس على عشه واجه دخلني للصاله.
الصاله مااثثها كله جوزي وبيجي.
كعد على القنفه وفتحلي ايده رحت كعدت يمه بس بعيده.
جرني من زندي خلاني جوه جناحه..
ايي شلونج لمار.
زينه 
ان شاءالله دوم زينه.
يحجي ويبعد بشعري عن كتفي.
قرب راسه يم اذني وهمس شرايج نجرب غرفتنه تصلح للنوم لو لا.
هو حجه واني كمزت بخوف.
ههههههههههه خوافه تعالي كذب كذب.
جرني رجعني لمكاني.
شعرج ليش هيج قصير؟
لان اكصه.
وليش تكصي!؟
لان مو محجبه ويضوجني.
لا حلو كلش وناعم يسوي واهس واحد يلعب بي.
هههههه ايي هو ناعم هيج.
ليش ماتلبسين حجاب.
اضوج منه يخنكني.
براحتج حجاها ولزم حنجي.
قرب راسه بسرعه وباسني بشفتي اول مره تقززت ولعبت نفسي لان تقرب بعنف وقوه واني اول مره واحد يتقرب مني هيج.
ابتعد اخذ نفس ورجع باسني بهدووء.
ابتعدت عنه خلاني على صدره وايده بشعري يلعب بي.