Still Dark, Love (Still Series #1)

Hakbang 48

Naging mabilis ang pangyayari para sa amin. Kumalat ang issue na may boyfriend na nga ako at hindi totoo ang tungkol sa amin ni Ryton. Nawala ang mga taong nagagalit sa amin pero nandyan pa rin ang iilang mga sumusuporta.

I stopped modelling for a while. Hindi ako tumanggap ng kahit anong offers dahil gusto kong magpahinga at pawalain muna ang mga issue na kinasangkutan ko.

Ang dalawang kanta na nirelease ni Ryton ay nagpatuloy sa pagsikat. Every now and then, I get to hear that song... may it be on radios or television and on social media, too.

Hindi ko maiwasang maawkward-an lalo na dahil ako ang dinedescribe sa kantang iyon. Although I admit that it was a really good song.

Hindi na rin ako kinulit ng management nila. Pinares si Ryton sa isang sikat na artista na malawak na rin ang fanbase.

Hindi pa man ganoong kasikat ang loveteam nila ay may iilan na rin silang fans. Mabuti na rin iyon dahil hindi nila ako mapipilit. Bukod sa napagdesisyunan ko talagang hindi para sa akin ang pag-arte ay hindi ko rin naman kailangan ng pera nila, kahit gaano pa kalaki ang offer.

I have enough funds to support me for the rest of my life. Isa pa, ako ang magmamanage ng kompanya pagdating ng araw kaya hindi problema ang pera.

Days passed by like a wind. Ni hindi ko naramdaman na umuusad na pala ang panahon at ilang mga araw na pala ang lumilipas.

Riordan and I got back together.

O para sa akin lang iyon?

Hindi ko alam! Basta ay sinabi niyang boyfriend ko siya, e 'di boyfriend ko siya!

Walang bawian!

Pagkatapos niya akong ihatid noon sa bahay pagkagaling namin sa after party, mas naging maayos ang relasyon namin.

Naging busy na rin siya sa trabaho dahil tapos na ang bakasyon na hiningi niya. Maraming pending works na kailangan niyang aprubahan at basahin.

I got busy doing nothing, too. Literal na tambay lang ako sa kung saan-saan.

Kila Curl, sa opisina nila Mommy at Daddy, sa opisina ng mga kaibigan namin.

At...

Sa condo ni Riordan...

Hindi na kasi siya sa bahay nila umuuwi at madalas kami sa condo niya kapag magkikita kami. Isang buong floor iyon at napakalaki. Iniisip ko nga minsan na hindi ba siya nabobored doon lalo na at mag-isa lang siya?

Doon na rin kaya ako tumira?

Kung anu-ano na lang talaga ang naiisip ko!

Grabe, Maria Hashline!

Baliw ka ngang talaga sa lalaking iyan!

Ngayong araw, nandito ako kila Curl para samahan siya dahil wala raw siyang kasama sakanila at nabobored na siya. Ayaw kasi siyang pagtrabahuhin nila Tita.

"Hindi ba kayo magkikita ni Speed?" Tanong ko at ibinaba ang cellphone.

Kanina pa kasi ako naghihintay sa text ni Riordan. Nasa isang business meeting kasi siya at hindi pa rin tapos hanggang ngayon.

Kumunot iyong noo ni Curl at nilingon ako.

"Hindi." Malamig niyang sabi.

Tumango na lang ako at hindi na nang-usisa pa. Para kasi siyang badtrip.

Siguro nag-away na naman sila.

Kaya nagpalipas kami ng oras sa pagkukwentuhan ng kung anu-ano. Wala rin naman kasi akong gagawin kaya mas mabuti na ring nandito ako.