مساء الهنا وراحه البال احبتي 🌹 ختمت معاكم الجزء الاول من (ابي والغزلان ) الاسئله المتكرره
ليش ختمي ؟ لان القصه طويله وكثير احداث فيها وكذلك القصه بيها حياتين حياه الاب ومعاناته وحياه كل بنت من بناته لهذا سميت القصه ابي والغزلان يعني مو بس القصه مقتصره على طرف معين
ليش مبلغتينا من بدايه القصه بأنها عباره عن جزئين ؟ المتابعني سابقاً وقارئ قصصي يعرف بيه اكره شى عندي القصه من جزئين احب تكون جزء واحد واختم وحتى هذه القصه كنت مقرره جزء واحد واختم رغم اعرف بارتاتها طويله تتجاوز 70 او80 بارت وربما اكثر لكن الي صار سوء حالتي الصحيه حالني دون ان اكملها واستمر معاكم ومجرد تركت كم يوم بسبب وفاه عمتي وتمرضت الدنيا انگلبت والقليل قدر ظرفي واشكال التجاوز والتهجم ياناس اني بشر حالي حالك اتعب واتمرض واتعرض لمشاكل اضافه لمسؤوليه بيت وظيفه يعني مو جايه من المريخ وعيونكم لهذا ادهورت صحتي بالاونه الاخيره وحتى لا اعطي اعذار واخربط بلنشر واظلم القصه وقفتها ولتنسون نزل بلجزء الاول 44 بارت يعني مو قليل وقفتها
المده طويله ليش هاي المده بلذات ؟ بسبب صحتي اولاً ومرتبطه بكورس علاج وخاصه لأيدي الي مع الاسف كعد تسوء حالتها رغم منع الطبيب اكثر من مره استخدام الفون لمده لا تتجاوز الساعتين لكن اني حبابه واسمع الكلام مكمت استخدمه ساعتين اخر كم بارت تجاوزت ٩ ساعات 😁 شفتو شون اسمع كلام 😌
ليش متكتبين البارتات كلها وتنزليها ليش اله يوم بيومه ؟ هذه النقطه بلذات لاحظت اعاني منها اني واغلب صديقاتي الكاتبات الكتابه اليوميه المشكله نفسيه صراحه لان الي لاحظته من ماكو تفاعل وعندي وقت ومنازله القصه حرف مااكدر اكتب بينما من تنزل بشكل يومي تفاعلكم وضغطكم وحبكم للاحداث يعطي طاقه غريبه للكتابه بحيث نكتب بارت كامل كذا الف حرف بيوم واحد بينما لو منازله القصه يشهد الله حرف مااكدر اكتب واتعذر بالف عذر ويروح اليوم ومااكدر اكتب ولا كلمه لهذا اغلب الكاتبات واولهم اني نكتب يومي من الاخير انتم الدافع الاكبر للكتابه والابداع
صور شبيهه الابطال وينها ليش لهسه منازله ؟ هذه صور سليل وسجاد ونهر وطبعاً ايام نحاول نوصل اني وسليل للشبهه المقارب للشخصيات الحقيقيه لحد ماوصلنا لهذه الصور القريبه جداً جداً من الابطال لكن صوره الحجي طه مع الاسف البنات رفضو نشر مقارب لها لتجنب معرفه شخصيه الحجي يعني راح تعتمدون على خيالكم بتخيل الحجي طه وهذا طلب الابطال ومااكدر ارفضه اما رشا ريم وغزل والابطال الجدد تنزل صورهم على الجزء الثاني ان شاء الله بعد ميكبرون الغزلان
طلب اخير لحد يزعل مني ولا يضوج صدكوني التأجيل من صالح القصه لو مستمره راح انهي القصه واختصرها واظلم باقي حياه الابطال الي قصصهم لا تقل روعه عن قصه اختهم الكبيره سليل اذا مو احلى هذه القصه بلذات مميزه من كولشي من حياه الاب لحياه اصغر فرد بلعائله وهي غزل لهذا اسمحولي امتعكم بلقصه وادخلكم لبيت حجي طه وغزلانه من اوسع ابواب الاحداث والمشاعر
اتمنى بس تفهمون نقطه مهمه عني اني من اكتب ماادور شهره ولا اسم ولا اي شى من هاي الامور اني خارج هذا السباق تماماً اني مجرد احب اكتب واترجم حياه اشخاص مشكورين شاركونا قصصهم وفتحونا بيوتهم حتى نأخد العبره من اخطائهم ومنوقع فيها هاي اولاً وثانياً حتى نستمتع مهما كان الالم الي فيها وانا حالي من حالك كتابتي للقصص للاستمتاع فقط لا غير
وصدكوني رغم التأخير واغلبكم يكول ننساها لكن اتراهن معاكم راح تحبون الجزء الثاني اكثر من الاول اتمنى كدرت اجاوب على اكثر الاسئله المتداوله وشكراً من قلبي على حبكم وتفاعلكم الي يًـجّـِ😍ـُننٌٓ بلقصه رِّبًـــ♡̨ـــٍْيٌٓ يحفظكم احـٍُــبٌــ💘ـٍَــْگُِم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
