[Unicode]
အနားမှာ ကိုဖိုးသား မရှိချိန် ကိုယ့်အလုပ်ကို ကိုယ်တိုင်တာဝန်ယူကြည့်မှ မလွယ်မှန်းသိတော့သည်။ မန်နေဂျာတစ်ယောက်ရဲ့ အရေးပါမှုက တော်ရုံတန်ရုံမဟုတ်။
ရှုတင်ကမှန်းထားတဲ့အချိန်ထက် နောက်ကျမှသိမ်းနိုင်တော့ ညီညီစောင့်နေရမှာကိုတွေးမိပြီး အားနာရသည်။ လမ်းမှာ ပွိုင့်မိနေတုန်း လာနေပြီဆိုတဲ့အကြောင်း မက်ဆေ့ခ်ျလှမ်းပို့ထားလိုက်သည်။
ချိန်းထားသောနေရာက မြို့ထဲနှင့်အနည်းငယ်လှမ်းပြီး ဆိတ်ငြိမ်ရပ်ကွက်မှာဖွင့်ထားသည့် အကောင်းစား Bar တစ်ခု။ ပုံမှန်ထက် တန်ကြေးကြီးပြီး မန်ဘာကတ်မရှိရင်ဝင်လို့မရသည့်နေရာ။ သူ့လိုအနုပညာရှင်များနှင့် အသိုင်းအဝိုင်းကြီးကလူများအတွက် သီးသန့်ဟု ဆိုရမလို။
နေ့စဉ်ရက်ဆက် အလုပ်များနေခဲ့တော့ အိပ်ရေးပျက်တာများနေသည်။ ကိုယ်တိုင်ကားမောင်းသည့်အခါမှ ခေါင်းမကြည်တာပိုသိသာလာသည်။ တစ်ချက်တစ်ချက် အရှေ့ကမြင်ကွင်းတွေက သိပ်မရှင်းချင်။ အပြန်တော့ ညီညီ့ကိုပဲ ပြန်လိုက်ပို့ခိုင်းမှဖြစ်တော့မည်။
အပင်ကြီးများအုပ်ဆိုင်းနေသောလမ်းက လမ်းမီးများမလင်းဘဲ ပိုမှောင်နေသောကြောင့် ပုံမှန်ထက် အာရုံစိုက်ပြီးမောင်းနေရသည်။ မြင်ကွင်းထဲဝင်လာသည့် အလင်းရောင်စူးစူးကြောင့် နှလုံးရပ်သွားသလို ခံစားလိုက်ရသည်။ တစ်ဖက်လမ်းကြောမှ ရုတ်တရက် ရှေ့တည့်တည့် ဝင်တိုးလာသည့်ကားတစ်စီးကြောင့် ဘေးကိုတိမ်းပြီးရှောင်လိုက်ရသည်။ သူ့ကားနှင့် ဝင်မတိုက်မိပေမယ့် 'ဝုန်း' ဟူသော အသံအကျယ်ကြီးကြားလိုက်ရသောကြောင့် တစ်ဖက်ကကား တစ်ခုခုဖြစ်သွားမှန်းသိလိုက်သည်။
စိတ်ကိုအတတ်နိုင်ဆုံးငြိမ်အောင်ထားကာ ဦးထုပ်နဲ့ Mask ကိုကောက်ဝတ်ပြီး ကားထဲကထွက်လာလိုက်သည်။ ဒီနေရာမှာ သူကလွဲပြီး ကူညီနိုင်သူမရှိ။ သူ့ကားကိုရှောင်ရင်း ဖြစ်သွားခြင်းများလား ဟူသည့် အပြစ်မကင်းသည့်စိတ်ကလည်းရှိနေသေးသည်။
ကားက သစ်ပင်ကိုဝင်တိုက်ခြင်းဖြစ်ကာ အရှေ့ပိုင်းတစ်ပိုင်းလုံးရစရာမရှိေတာ့ပါ။ သွေးသံရဲရဲဖြစ်နေသည့် Driver Seat က လူရဲ့မျက်နှာကိုမြင်လိုက်ရတော့ 'လင်းသန့်ကို'တစ်ယောက် လိပ်ပြာလွင့်သွားသည်။
YOU ARE READING
တွယ်ငြိခြင်း THEORY
Fantasyကလေးဘဝတည်းက ကိုရီးယားရောက်သွားပြီး Idol တစ်ယောက်ရဲ့အရည်အချင်းတွေနဲ့ပြည့်စုံတဲ့ အကပညာရှင် ငွေရောင်ဆံပင်တွေနဲ့ကောင်လေး 👱 မိန်းကလေးတွေရဲ့ စိတ်ကူးထဲကချစ်သူအဖြစ် အမြဲေရွးချယ်ခံရတဲ့ မြန်မာနိုင်ငံက နာမည်ကြီးအနုပညာရှင်ကြယ်တစ်ပွင့် 🤵 ကိုယ်တိုင်က Gay ပါဆိ...