عشق الجارحى

الجزء السابع

تذهب خديجه الى بيت مصطفى
خديجه \ازيك يانونو عامله ايه
نهى \كويسه ياديجه انتى اخبارك ايه
خديجه \ تماما هو مصطفى هنا
نهى\ اه ياحبيبتي
نهى\ يامصطفى يامصطفى
ياتى مصطفى من الداخل
مصطفى\ ايه اللى جابك يابت انتى عندنا 
خديجه | انت مالك يارزال انت انا جايه لنونو حبيبتى
مصطفى\ بت انتى مدلعيش مراتى
خديجه\ بتغير ولا ايه ياصاصا
مصطفى \بغيظ صاصا فى دماغك يابعيده انتى عارفه انى مبحبش الدلع الزفت ده فى ظابط شرطه اسمه صاصا
خديجه \خلاص صفصف متزعلش
مصطفى\ بضيق بت انتى قومى روحى كتك الارف فيكى وفى الدلع اللى بتقوليه
خديجه بزعل مصطنع\ كده يا بن خالتى بتطردنى
مصطفى \على اساس ان دى اول مره وياريت بتمشي
خديجه بضحك /على قلبك على طول كده
نهى\ خلاص بقى ياجماعه بطلوا خناق بقى
خديجه\ عندك حق  والله يانونو نسيت انا كنت جايه ليه
مصطفى ياحبيبى عايز اطلب منك طلب بس ياريت تهدى كده وتفكر بهدوء
مصطفى بشك\ طلب ايه ده
خديجه\ امممممم
مصطفى\ اتزفتى قولى عايزه ايه
خديجه\ عايزه اشتغل
مصطفى باستغراب\ عايزه تشتغلى ازاى وانتى ليسه فى اول سنه
خديجه \منا مش عايزه اشتغل دكتوره عايزه اشتغل سكرتيره
مصطفى\ قولى تانى كده عايزه تشتغلى ايه
خديجه\ مصطفى متستعبطش انتى سمعتنى كويس
مصطفى\ بزعيق عايزه تشتغلى سكرتيره طب ايه اللى دخلك طب كنتى دخلتى تجاره على الاقل وفرت الفلوس اللى ابوكى بيدفعها
خديجه \مصطفى اسمعنى بس الاول
مصطفى\ اسمع ايه انتى اتجننتى ولا ايه الموضوع ده تنسيه خالص فاهمه ولا لا
خديجه بغضب\  لا مش فاهمه وانت ملكش حق توافق ولا ترفض دى حياتى وانا حره فيها واشتغل اللى انا عايزه
مصطفى\ ماشى انتى شايفه كده  خلاص انتى حره ومن هنا ورايح مليش دعو بيكى سامعه ولا لا
خديجه بتخرج من عند مصطفى وهى منهاره اول مره يحصل كده بينها وبين مصطفى واول مره ترفع صوتها عليه واعترفت لنفسها ان هى غلطنا بس مش عارفه تعمل ايه مصطفى اكيد مش هيرضى يكلمها بسهوله
تانى يوم تتصل خديجه بنهى وتعرف منها ان مصطفى فى الشغل
تلبس هدومها وتقول لمامتها انها راحه مشوار قبل الكليه
وتروح عند القسم اللى بيشتغل فيه مصطفى
كانت اول مره تخش القسم راحت وسالت عليه وطلبت من العسكرى انه يبلغبه ان فى واحده عايزاه بس مقلتش اسمها مصطفى بيسمح انها تدخل
اول ما بيشوف انها هى بيتفجاء بس بيحاول يبين ان مش فارق معاه
خديجه \مصطفى انا اسفه والله انا مش عارفه انا ازاى رفعت صوتى عليك وقولتلك الكلام ده
مصطفى \ببرود طب المطلوب منى ايه دلوقتى يا انسه
خديجه بدموع\ مصطفى حرام عليك متعاملنيش المعامله دى انت عارفه انت غالى عندى اد ايه
مصطفى مبيحبش يشوفه دموعها
مصطفى بضيق\ بطلى عياط بقى انتى صغيره
خديجه بدموع\ اه صغيره انت عارف انى بعتبرك اخويا الكبير و ابويا كمان انتى اللى مربيانى وزعلك عندى غالى اوووووى
مصطفى\ خلاص بس بقى امسحى دموعك دى بقى ويقوم ويخدها فى حضنه ويقولها
مصطفى\ انتى عارفه انى استحاله ازعل منك علشان انتى بنتى مش بنت خالتى
خديجه بفرحه\ يعنى خلاص مش زعلان منى
مصطفى\ اه ياستى وعلشان اثبتلك انى مش زعلان انا خلاص وفقت على انك تشتغلى سكرتيره وكمان هقنع بابكى بس اهم حاجه متهمليش مذاكرتك
خديجه بفرحه عارمه\ ربنا يخليك ليا يارب وميحرمنيش منك يا احلى اخ فى الدنيا
يدخل عليهم شخص فجاءه
خديجه \بصدمه انت
ياتري مين الشخص ده وايه علاقته بخديجه ومصطفى
h.m.k