البارت ٤
ارواح عارية..
بقلمي Zainab عطر الورد
سلار ..الباب يندك من الصبح بارحة كلنا ما نايمين ..
ماصالي ساعة من غفيت صوت جهال يمي كعدت ..
لكيت جهال إيمان اختي من أبويه...اسمع صوت حسن ...وهو يحجي بموبايل.....
حسن..اي بهذا المكان ما اريد اي بشر بيه ...
اليوم اخر يوم الها هي جابتها نفسها ....
لزمت كلبي وبلعت ريك اشلون يكدر هيج يسوي ..
التفت لكاني واكفه مصدومه ...مخليه ايدي ع حلكي
ضيق عيونه اجه مشه من يمني وبصوت خشن ...
حسن...شوفي اختج خلي يصير الج عبرة خاف امج
خلتلج بمدرسه ترة اني راح اتابعج واي شي احسه
غلط راح تلحكين سارة ...
راح واني جسمي يرجف حسن ماجان هيج بس ...
بسبب امي احس كل اليصير بينه بسببها...
اذكر اشلون جانت تعامل اختي ايمان وخلتها تزوج
رجال جبير بعمر وبطلتها من مدرستها لو حسن الجان يطلع وكت الصلاة علمود العمالة ...
فزيت ع صوت ايمان ...
ايمان ...ليش وجهج اصفر سلار ...
دمعت عيوني اجت اتقربت مني ...حظنتني..
لاتخافين سمعت حسن شحجه هو عصبي هسة ..
وخرت منها ..
سلار..اليوم راح يكتل سارة وكمت اناشغ اختنكت حيل هاي اختي حتى لو غلطت ...موهيج اتموت ..
باوعت شفت امي ...
خديجة ..يمه بنتي ما يخلوني اشوفها ...
راحت دخلت لاستقبال أبويه موجود خوالي ...
خديجة..اريد بنتي اشوفها اخر مرة...
حسن..ببرود..بعد ماكو وحدة اسمها سارة وياريت من هسة تتعودين على عدم وجودها..
ولكم هاي بنتي حرام عليكم ..خلوني اشوفها ...
امي نهارت ..حسن ما مهتم أبويه هموم الدنيا كلها فوك راسه...
خلو امي اتعيط هم راحو وهي تتوسل بيهم ..
اشوف سارة ...
طلع أبويه وحسن ...ع صوت امي الجوارين اجوي..
اخواتي يبجن جان اتعس يوم بحياتي ...
لظهر عماتي اجني..وكلها موجودة ..امي كلساعة تتخربط ضغطها يصعد خفنه عليها لاتنجلط انهارت كلش ..
عماتي ما مهتمات..احسهن جايات بس علمود يشمتن
بامي ايمان خطية وهي حامل بس كامت تطبخ واني وياها وخالتي هم ...
اتمنيت اشوفها ..واسالها ليش سوت هيج شنو السبب تمشي بهيج طريق ...اني جنت شاهدة ع حبها لسجاد احس اكو حلقة مفقودة من قصة ..أفكار تعبتني ..اريد واحد اشكيله...بمطبخ كاعدة اسوي بخضرة واسمع صوت امي وعمتي ام محمد...
خديجة ..اطلعي من بيتي جاية تشمتين بيه عبالج ماسمعت...ما اريد اشوف وجهج...
ام محمد..هذا بيت اخوية الله يرحمها ام حسن بنته طابوكة طابوكة وانتي بسحورتج اخذتي اخوية وبيته هاي حوبة اليتامة عثرتج...
