ارواح عارية

البارت ١٠

البارت ١٠
بقلمي(zainab)عطر الورد
أرواح عارية

......
سلار..صافنة ع نور ..
انتي شتحجين شنو الشي المحد يعرفه عن سارة..

شفت نور مرتبكة...
نور..تعالي سلار اكعدي يمي افهمج ..
سلار..اي شنو ولج احجي مو أعصابي تلفت..
نور..تذكرين بيت جوارينة ابو مهند الجان كدامنه ..
سلار..ولج ذولي الجانت المنطقة كلها تشكي منهم لان مو راحة شذكرج هسة بيهم وجابهم ع سارة ..

نور..شوفي من جانت ماما تروح بيت جدي انتي وياها واني ابقى يم سارة تدرين جانت شسوي ..
جانت تخليني بالبيت وهي تروح يمهم حتى من خطبها سجاد جانت تدخل عليهم ومرة من رحتو بزيارة اني جنت مريضة وسارة بيومها اجت علينه من ازوجت وضلت يمي بيومها اذكر اجت أخت مهند المطلقة علينه وبعدين طلعن اني كمت من الفراش علمود اشوفهن شيسون رحت شفت حتى مهند موجود واني خفت لا يشوفوني رجعت لغرفة بس ما عرفت شنو الصار وخفت لا احجي حتى من جانت تروح لبيتهم قبل لا تزوج جانت تهددني اسويلي شي اذا اكول الكم ..وبقيت ساكته ..

احس واحد ضربني ع راسي يعني معقولة سارة هيج ويامن وي واحد ساقط ما اصدك ...

شفت نور تبجي ..
نور..كله بسبي جنت اعرف بيها اسوي غلط ورغم كل هذا ما حجيت شي ضليت ساكته وبسبب سكوتي اني صار بينه هيج هسة ابوية بسجن واحنه حالتنه حالة وانتي خسرتي محمد اني حتى بيوم ما اجت علينه جوارينه ام كامل لان شافتها داخله لبيتهم واجت تحجي عود لامي ماتدري بامي ما موجودة شافتني بس اني وكلتها موجودة بحمام وجذبت عليها وهي صدكتني...

اني السبب مني لو كايلة لامي ماجان حالنه هيج من بداية جان وكفتها وما تمشي بهل طريق ...

اباوع ع نور اول مرة اشوفها بهل الحالة ...
سلار..انتي ما دخلج بهل شي ولا تنسين انتي جنتي زغيرة ..
نور..مو زغيرة جنت افتهم واعرف بس اني الخوف منعني احجي ..

سلار..مسحت ادموعها شوفي نور سارة هسة ماتت
والله هو اليحاسبها هذا الحجي لا تحجينه لواحد لان راح انتي هم تنضرين منه وراح يحجون عليج وترة كافي هسة اليحجو الناس ....بيت مهند شالو ومانعرف وين وسارة بعد راحت وانتي لازم تنسين هذا الشي خلي بالج شغلة وحدة مو انتي السبب بهل الشي سارة جانت هي السبب بدمارنه...ما اريد اسمع منج اي كلمة بعد ...

نور تحس بذنب ضلت تبجي واني صافنة معقولة سارة هيج ما اصدك اذكرت مخابرتها بنص الليل من تجينه ...
سارة..اي حبيبي واني هم مشتاقتلك بس شسوي ما اعرف اشلون اشوفك لتخاف فترة واخلص واجي يمك..

ماجنت انتبه واني عبالي وي سجاد لعد شكد جنت غبية هي عبالها اني نايمة بس جنت كلشي اسمع ليش ما شكيت بيها او يمكن شكيت بس جنت دائما اقنع نفسي ما اسوي هيج ...

سمعت صوت الباب يندك اكيد امي اجت ..
سلار..روحي غسلي وجهج ولا تبجين كافي ترة امي اذا شافتج متاكدة راح ادخلج تحقيق كافي علينه هاي المصايب ...