ارواح عارية

البارت ١٨

البارت ١٨
بقلمي(zainab)عطر الورد
ارواح عارية
.....

نور كاعدة اني فرغو الغرفة علمود يشوفني اول مرة راح نكون لوحدنه احساس الخوف متملكني دخل واني ع كرسي سد الباب العب بحلقة مالتي ماعندي شي اخفف بيه التوتر اجه كعد يمي ...
وسام..مبروك ...
نور..بتلعلثم الله يبارك بيك ...

جان كلش قريب مني بده يتلمس بايدي قشعر جسمي نظرته الي حسيتها بشهوانية خالية من حب وهو يتفحص معالم جسمي همزين اني كاعدة ايده تتفحص جسمي يمشيها عليه واني ارجف اتقرب كلش عليه الدمعة بعيوني اريد انهزم منه بعدته شوي اريد اخذ نفس حسيته ضغط كلش ع رجلي الجان لازمها بيده رجع تقرب من وجهي كلش واني مغمضة يعني رجال واول مرة تكعدين وياه ويريد يتقربلج حتة من دون ما يحجي وياج صعبة انفتح الباب واني اشوف عمو ابوه دخل هو ابتعد ...

واني رجفة بجسمي بعدها ...اجه اتقرب مني اني كمت ..
ابو وسام ..الف مبروك بنتي شايفة كل الخير ..
نور...شكرا عمو الله يبارك بيك ..
ابو وسام..يلا وسام شنو تبقى هنا تعال وصل الناس ..

شفت وسام ضاج خالي جان هم موجود باركلي طلعو ...

طلع موبايل من جيبه ..
وسام..هذا موبايل جبته الج علمود نتواصل سوه بليل اليوم انتظرج ..

اخذته هزيت راسي هو طلع لان عمو ضل يصيح عليه ..

لليل كلها راحت نزعت اني البدلة راسي مصدع ...

فرشت فراشي حتى ما سبحت كلش تعبانه بس مكياج وخرته من وجهي باجر لازم اداوم راح مني ايام وهم اريد اعرف النتيجة مالتي ...

اسمع امي تحجي وي خالتي ع عماتي ..هي رادت اشوفهن اشلون اجه علينه واحد هسة هي فرحت ..
اني ما اعرف شنو شعوري بضبط ..بس اكيد راح اتعود عليه بين الكاعدة ونايمه سلار تعزل بهوسة اني الساعة ب٨ مخليه راسي ع مخدة اغفي اسمع الموبايل يدك جنت مخليته يم المخدة ...

شفت الاسم وسام اتوترت باوعت محد موجود ..
ردت عليه ..
نور..الووو .
وسام ..اروح فدوة لهل الصوت الحلو اليوم انتي شسويتي بيه نور ترة والله كوه متحمل ...
نور..حسيت الجو صار حار ع رغم هو زين شهر الثالث ..بس اني حريت واني اسمعه اشلون يتغزل بس ابتسم ...
وسام..ما تحجين ..
نور..ها شحجي ..
وسام..كولي اي شي اني اسمعج احجيلي عن نفسج  .
نور.. ها هسة نعسانة باجر احجي وياك ..
وسام..بعد وكت ردت اليوم اسهر وياج ..
نور..والله كلش نعسانه راسي يوجعني ...
وسام..يلا نامي بعد ورانه وقت طويل ..وها راح اشترك الج ع خط اريد اشوفج ما اتحمل هيج ..
نور..اي ..
وسام ..يلا حبي تصبحين ع خير ..
نور..وانته من اهل الخير ...

سديته منه واني شوي ارتاحيت لان لازم اتعلم عليه هو مبين سبورتي ماعندي صديقة لو اخت قبل مخطوبة فما اعرف اشلون اتعامل وياه  ...

نمت لان كلش نعسانه ...

كعدت الصبح من النوم لكيت سلار تبدل ..
نور..ليش ماكعدتني وياج  ..
سلار..عبالي يوم ما تروحين لان بارحة تعبتي ..
نور..لا ليش ما اروح خليني ابدل قبل لا نتاخر ..