البارت الثامن
..حبي لك لايشبه حب تلك الافعى انا
احبك لنفسك وانت تحب ذاتك
انا لاأرى غيرك وانت لاتراني
انا متيمه بك ياسيدي
وغارقه في بحور اشلاء روحي
انا اعشق وصالك وانظر الى العالم من خلال عيناك
لاتقل لي اذهبي لغيري
وأحضني قلبه هناك قلوب ياسيدي
تعرف الوفاء
حبي لك لايشبه حب تلك الافعى انا
احبك لنفسك وانت تحب ذاتك
انا لاأرى غيرك وانت لاتراني
انا متيمه بك ياسيدي
وغارقه في بحور اشلاء روحي
انا اعشق وصالك وانظر الى العالم من خلال عيناك
لاتقل لي اذهبي لغيري
وأحضني قلبه هناك قلوب ياسيدي
تعرف الوفاء
،،،،،،،،،،،،،،،
....ترف جفلت وردت اوكع الكلاص من يدي
....جانت امي
....ها ماما صباح الخير
راحت كعدت وكامشه راسها وعيونها مورمه
......شبيج ماما
.....راسي راح يطك ماكدرت انام الليل كله مثل السمجه
ادكلب
وصاعد ضغطي يمكن وهسه راسي راح ينفجر من الوجع سولي جاي وانطيني فد حبايه بلكي يصير راسي احسن
داريد اروح اطلع
...وين تروحين
...اشوفلي جارة اروح ادور بالبيت بلكي باقي بي شي نستفاد منه ملابس اصخام ياويلي على حظي المصخم شلون مصيبه ونزلت على راسي
....انتي مريضه اني اروح
...لا اني اروح ابقي يم ابوج لان الليل كله هم منام
....اني وعلي نروح
.... لعد لازم احد يوديكم هسه اخابر جهاد بلكي يجي
بوديكم خوما تروحون وحدكم
....وعلويش اوس احنا نروح ناخذ تكسي
....لا هو وياكم شنو رايحه انتي وحدج
وشوفي هدوم ماعندج
بيش تروحين بالبجامه
...اي شنسوي احنا نهزمنا من الحرك هزم بقت عدنا هدوم
....شوفي من هدوم حور يمكن عدها هنا
...اي ميخالف
صبيتلها جاي وانطيتها دوة وماقبلت تاكل
وكعدت والدي وانطيته ريوك وشويه كعدت يمه
وصاحتني ماما
....ترف
...نعم
...صعدي على اخوج وجيبي التلفون منه داخابر جهاد
...خاف نايم بعد وكت تخابري هسه
.....ليش مويروح للمكتب حتى قبل ميروح
يوديكم بلكي طلعون شي واني منا لباجر اروح اشوف شسوي لان اليوم تعبانه واحس نفسي اريد كل شويه اوكع على وجهي
وحتى هم اجيبيلي دوة وياج وتشترين دوة لاابوج هم
صعدت على علي اخذت التلفون من يم راسه
ونزلت لاامي
وخابرتلها على جهاد
سمعتها دكول
.....الو هلو خاله صباح الخير شلونك
لاالله يسلمك ماكوشي بس اريد منك فد خدمه
اريدك تاخذ ترف وعلي وتروحون للبيت تشوف ترف واخوها بالبيت بلكي يلكون شي صاحي شي نكدر نستخدمه
بلكي هدمايه
اي شي
اي يله ننظرك مع السلامه
انطتني التلفون وسديته
كالت
...هسه كال اتريك وابدل واجي
وفعلا ماطول واجى جهاد
دخل للمطبخ وسلم علينا وكال
...ها ترف يله
....مو علي بعدة نايم
...عوفي نايم هو ماكو شي نروح اني وياج
....ديله
خلي البس
خالتي انطتني بنطرون وبلوز وجان خفيف بس يله هو هذا الموجود
هي هاي الملابس مال حور
بدلت وشلت شعري
وطلعت
وكالتلي امي
....جهاد برة طلع وانطتني فلوس كالتلي جيبيلي دوة
الي ولاابوج انتي تعرفيهن
...اي ميخالف
طلعت بالحديقه جان جهاد واكف يم الباب
تمشيت وهو راح كدامي صعد بالسيارة
واني سديت الباب وصعدت بصفه وساق واني ساكته
مااحجي شي ولا هو يحجي شي
بس عصبي ولاعبالك هذاك جهاد الي يحجي ويشاقه
عبالك غير واحد
وصلنا لبيتنا
اول ماشفته كلبي نكرب وعيوني غوركت واجه على بالي انو لو احنا باقين بي جان هسه صايرين فحم
فتحت الباب.ونزلت ودخلت جوة
واباوع على الغراض الي مايعه والفراش المحترك
والعربانه مال ابويه مايعه
وغرفتي ودفاتري الي جنت اكتب بيها خواطر محروكه
والاجهزة الكهربائيه
مختصر الكلام ماباقي منه شي غير
ملابس كانت بصندوك بالكنتور بي كم قطعه
من الملابس
والباقي منتهي مابقي شي سليم
طلعت من البيت وجهاد طلع ويايه
وكعدت على الصبه مال باب المطبخ وخليت يدي على خدي
وصفنت على هاي الحاله شلون راح نكدر نعمر بيتنا
شلون راح نرجع نعيش بي
وحسيت الدمعه واكفه باب عيني
كعد بصفي جهاد
وكلي
.... لضوجين كلشي يتعوض
.....شيعوضه منين شلون احنا راح نعيش وين راح نكعد
وين كلي
...اني موجود
....شتكدر سويلنه ياجهاد احنا انتهينا
....كلشي اسوي بس طلبي انتي
...اشكرك اعرف بيك متقصر بس الي نهدم صعب يصلح
شوف صاير كلشي رماد حتى المكينه الي اكعد اخيط عليها حتى نعيش انتهت
....اني اجيبلج مكينه جديدة
ابتسمت اله
...اشكرك
اوف
....الاوف الي بكلبج هي بصدري
....يله خلي نروح
كمت وتمشيت بسرعه للسيارة وكعدت وظليت اباوع من الجامه وساكته
بس شو السيارة وكفت
....شكو وكفت
.....اريد احجي وياج
...بشنو
.....ترف
....اني
....انت شنو
...اني احبج وبعد ماعندي القدرة انو اضم بكلبي
لان كلبي راح يطك
....هاا
....اي احبج واريد ازوجج
....شنو هذا الكلام جهاد احنا
....اش سكتي لدكولين اخوة من احنا صغار
احنا مو اخوة اي صحيح كنا من احنا صغار سوا
بس اني حبيتج من انتي صغير حبيتج من انتي طفله
من انتي صغيرة
جنت انتظر اليوم الي تجين بي طول الاسبوع حتى العب وياج محتفظ بصورة النا من احنا اطفال لحد الان اباوعها
وحد الان محتفظ بيها اشم بيها ريحتج
...بس اني اشوفك اخويه
......بس اني مااريدج تشوفيني اخ اريدج تشوفيني حبيب
اني تعبان ياترف وبيدج راحتي اني بقيت طول عمري اهرب من كل البنات لان ماكدرت احب وحدة غيرج
ولانج بس انتي سكنتي كلبي
اني مااكدر بدون عيونج اني
هوايه حاولت ابتعد عنج
وغبت فترة طويله كمت احاول انسى
بس كلما اكون قريب منج حبج بكلبي يزيد
اني منج انتي حلمت يكون عندي طفل وياج حلمت تكون حياتي
.....اسفه اني
وماكدرت اكمل حسيت بكلبي وكف وضايقت وبدت الدنيا تصغر بيه
.... فكري ياترف واني مستعد كلشي اسوي
طلبي وتمني
يكفي اخذج بين احضاني
ولخاطرج اتحدى االكل
....جهاد اني اريد ارجع للبيت الله يخليك
....هذا جوابج
....ماعندي جواب مااعرف شكلك
....كولي الي تريدي بس ريحيني
..مااكدر اكول شي
....ليش
....بدون ليش
بقى يباوعلي وبعدها كام يسوق مثل المخبل وصلني للبيت
ونزلت بسرعه وجان وجهي مخطوف لونه
وامي عبالها تخربطت
...شبيج بنتي
....مابيه شي بس اريد شويه ارتاح
...روحي نامي
صعدت للغرفه الفوك ركض
ونمت بالفراش وعيوني
نملت دمع كلام جهاد خنكني يمكن جنت اتمنى الي سمعته من جهاد يكوله فهد
يكلي احبج واريد ازوجج
اني بين نارين
مثلي مثل الى على متن مركب وهذا المركب
يمشي بلاشراع
شعور الطوفان بداخلي كلما داريد المس حلم يطلع حقيقه
وكلما اريد امسك حقيقه تطلع كابوس
ظليت بفراشي وافكاري توديني وجيبني
وبعدها اجتي عليه رنا كالتلي
...ترف كاعدة
....اي
.....استحي انزل جوة
....لويش
.....خجلانه
...من شنو خجلانه
......الي صار بسببي
...لاحبيبتي مو بسببج هذا قدر الله
واكيد رب العالمين دفع عنا بلاء اكبر الحمدلله احنا كلنا بخير
كامت تبجي
....احنا وين راح نروح ياترف
....مااعرف بس تدبر لتهتمين كلشي يصير زين
جنت اهون عليها واني محتاجه احد يهون عليه ويطيب خاطري المكسور
......ترف
....ها
.....انتي مضايجه هنا
....اكيد ضايجه لان احنا هنا خطار وخطار ثكيل لان احنا
لا واحد ولااثنين وماكو واحد يتحمل احد بهذا الوكت
....لا قصدي مضايجه لان موجودة هنا ويا فهد
استغربت من كلتلي هيج لان اول مرة رنا تذكرلي
فهد
....لا وليش اضوج
....ترف احنا ليش هيج ماعدنا حظ
ليش الي نحبه يروح من عدنا وليش الي نريدة ميصير
وليش هيج متعذبين
شنو عود لان فقرة
....لا هاي قسمتنا والفقر موعيب بس اكو ناس صارت بلا ضمير
الله كريم ماكوشي يظل على حاله
.....اني كلش ضايجه ياترف
وامي تعبانه وابويه وضعه تعبان وانتي بدنية ظلمه
هم تضحكنا الدنيا اشو كظيناها طول عمرنا بعازة وقهر
...الله كريم ان شاءالله
كلشي يتغير
يله كومي ننزل جوة ونصرف طبيعي
...اوكي
نزلنا جوة وكمنا نساعد خالتي وامي جانت كلش تعبانه
ومابيها حيل تتحرك
وللظهر اجى فهد
ومانزع ملابسه وغسل يدة وكال اريد اتغدى
خالتي جانت بغرفتها
وهو ميقبل احد يصبله اكل بس خالتي
كتله
...اصيحلك خاله تجي تصبلك
....ليش موانتي
....يعني عادي
....شنو الي موعادي
...مواعرف متقبل بس خالتي
....امي وانتي عادي
ابتسم
وبديت اصبله الاكل وبااعتناء شديد
وبخوف عبالك اول مرة اكمش شي بيدي
مااعرف لان هو موجود وكاعد يباوع عليه
....ترف
...وين رحتي اليوم ويا جهاد
..... ها
...وين رحتي
.....للبيت
....ليش
.....ردت اشوف بلكي اكوشي زين اكدر اطلعه
بس مالكيت
وتقربت وخليت الاكل كدامه
...ها وشصار
...مصار شي
....شكلج جهاد
...انت ليش مهتم
....اني مااريد شي يأذيج اني مثل ،،،،،، ومكمل
اني ابن خالتج
....وهو
............... ................. يتبع
ستوب خلص البارت البارت الجاي حيكون حماسي وحتنصدمون من شي 😂 وصلو البارت من ٦٠ الئ ٧٥ تصويت إذا موصل ماانزل لأن المشاهداة والتصويت مراهمات سويه وتعبت والله كتبت هذا البارت وبارت لفصليتي ضابطه وياريتكم تقدرون تعبي وتصوتون. باي صوتو ودمتم في رعاية الله وحفضه احبكم ❤️ ❤️ ❤️ ❤️
DU LIEST GERADE
#مشاعر واضحة
Romantik# ليس هناك أصعب من قلب مجروح يتألم بصمت قاتل ينتابه شعور الوحدة والفراغ لأنه يعلم بعدم وجود احد فيشعر بحاله أو يخفف عنه الامه فتراه منع لا يشكو لليل أوجاعه يعبر له عن كل مايشعر به ألم الفراق والغضب والكره.
