#مشاعر واضحة

البارت الرابع والعشرون

راجعو البارت السابق وجوة تلكون الاسباب ودردشه انيي وياكم ❤️

البارت 24

...هلو صـخر
....شبي فهہد
...ها
...فهہد شبي
.....مابي شي واني وين شايفته
..... البارحه اني مانمت وماردت اهتم للموضوع بس ماكدرت التفكير قتلني
.....شكو
البارحه فهہد جان مريض ومتخربط وامه خابرتني
ورحت بالليل
هو نايم ومغمض عينه
يكلي دربالك على ترف يمكن كال الي ست مرات
دربالك على ترف
شنو الفلم
ليش من يوم الي خطبتج فهہد تغير ولاعبالك هذاك صديقي الي اعرفه مثل مااعرف نفسي
شنو الموضوع كوليلي فهہد قبل جان يريدج خطبج
....لا فهہد مثل اخويه
....متاكدة
....اي
...مامرتاح اني داحس اكو فدشي ديصير كوليلي
سكتت شويه وكتله
.....اي اكو
...شنو
.اي اكوووو
....شنو
تردتت كلت شراح اكله انت جنت لعبه بينا وادمر كلشي
واخرب صداقته هو وفهہد
...ترف احجي
....فهہد عندة مشاكل ويا خطيبته صار فترة يمكن
يريد يتركها ويجوز هذا السبب الي دشوفه متغير شويه
بس انت صديقه اكيد تفمه
...ماادري زين ليش كل شويه يوصيني عليج
يعني اني رجلج وهو ابن خالتج شنو
الا داعي يحجي
....انتو اصدقاء وعلاقتكم قويه اكيد هذا السبب وهو
يشوفني مثل اخته فيحب يوصيك عليه
....ترف مااريد بعدين انصدم بشي اذا اكو شي
اذا فهہد خاطبج من قبل اي شي كوليلي
حتى هسه اكدر اتقبل منج
الكلام  بس بعدين ترة مااسامحج اذا عرفت
.....شبيك صـخر
....مابيه شي اني اعرف بطريقتي
يله
بالليل امرلج
....اوكي انتظرك
سديت التلفون وكعدت
هذا شبي شسامع وهذا فهہد ليش ديوصي عليه شعليه هو بيه
اني شداسوي بروحي
اجتي امي
....لج ترف
....ها
....اريد افتهم خالتج دازة اكل مال طبخ ليش مرجعته
هسه خابرتني دكول ليش ترف مرجعه الاكل
....احسن
....احسن شنو
كوليلي شنو فلمج انتي شكو هم رديتي وياهم مو نخطبتي وراح تزوجين وسالفه خلصنا منها
...لا ماخلصنا زين
....تعاي كعدي اححي
....ماااحجي شي
....احجي داكلج شنو السالفه
....هاي اختج وابن اختج وبتها الحيه الصفرة
يحجون علينا ويحجون على شرفي زين
واني عرفت وماكلتلج
لان  انتي مريضه وتعبانه بس مداتحملهم  دمروني ودمرو حياتي ومستقبلي وكسرو كلبي ودمرو حلمي
.....شنو احجي مدافتهم شنو الي صاير
شنو دمرو حياتي شكو
.....ابن اختج جهہآد واخته مسوين فلم علأساس
اني عندي علاقه بجهہآد
...يعني علاقه تحبي
....لا علاقه جسديه
....يمه يمه اصخام بوجهي
ودكت هلى صدرها
....قبل سنه ونص اكثر فهہد رايد يخطبني ورايح عليه جهہآد كايله اني وترف عدنا علاقه وكاتب رساله مثل خط يدي ومكتوب اني من انام بحضنك ارتاح
وخله فهہد يقرأ  الرساله
...يمه اصخام بوجهي لج دتحجين صدك
لو تتبلين عليهم كوليلي
....ليش اني اكذب تعرفين هاي افلام بيت اختج
وراح سائل اختج فوزيه كايلتله اي بينهم علاقه
وحور هم كايلتله نفس الشي
وهذا يوم وذاك يوم وهما مسويني ماعندي شرف
صدكتي من جنت اكلج بيت اختج  ماعدهم ضمير
وميحبونه شفتي وين وصلت بيهم الحقارة
.....ولج غبيه انتي ليش محجيتي
...شكلج وخفت عليج
....كومي بسرعه
....وين نروح
...كومي بسرعه والله لاازيد مصيبتهم مصيبه
....امي عوفيهم اني رزلت اوس وبعد ميجي ولايحجي
....كتلج كومي لبسي بسرعه
لااخلي طين براسهم
....مااروح اني خلي يولون
....اني اروح
وكامت وكفت وجرت عبايتها وطلعت
صحتها كتلها
.....انتظريني دقيقه
خفت لايصير شي بيها وهي مريضه 
....بسرعه
لبست بسرعه ورحت وراها وكفت تكسي من الشارع مالتنا وصعدنا وراحت على بيت خالتي ام فهہد
كالتلها
....وين فهہد
خابري
....ليش شكو
...دخابري خلي يجي
شالت خالتي التلفون وخابرته وكال اتاخر
امي جرت التلفون من يد خالتي
....فهہد اريدك بمسأله ضروريه
كاعدة دانتظرك
وسدت التلفون وكعدنا وخالتي شكد رادت تعرف شكو امي ماحجت
كالتلها ابنج يكلج
ورا ساعه اجى فهہد
نزل يباوعلي
.....بيج شي شصار شكو
.....امي كالتله
.....لتحجي وياها حجيك ويايه
امشي نروح لبيت فوزيه
.....ليش
.....هناك تعرف
طلع كدامنا وصعدنا بالسيارة وساق وطبك باب بيت خالتي فوزيه
نزلت امي بسرعه
وراحت دكت الباب ونزلنا احنا وراها
وشويه ونفتحت الباب فتحتها حور  دخلت امي
ودخلت ورا امي وفهہد هم دخل
جانت خالتي وجهہآد  كاعدين اول مشافت
خالتي امي وكفت
...هلو
باوعتها امي وعافتها
....جهہآد  شعندك انت ويا بنتي ها كلي
..شنو السالفه خاله
....احجي لك انت متستحي انت وهاي امك وندارت على فوزيه وعود انتي اختي موعيب عليكم ماعدكم غيرة
تحجون بشرف بنتي
ولكم تروح فدوة انتو واهلكم وعشيرتكم كلها
تروحون فدوة لبنتي
فوك متحافظون عليها انتو ولد خالتها كاعدين تاكلون بلحمنا
الله لايوفقكم
وج فوزيه انتي من هاي اللحظه لااختي ولااعرفج وبريئه منج ليوم الدين زين
تحجين على بنتي
وندارت على حور ولج انتي صدك حيه
وتنفضين سم شلون ضميرج ينطيج وسوين هيج
خالتي كالت
....احنا ممسوين شي ومحاجين على بنتج
....كل هذا حتى بتج تاخذ فهہد
هيجي ميهمج شي ميهمج الناس الي دوسين عليهم
وجان تلتاف على فهہد
جان واكف وبس يسمع الكلام  وطبعا فهہد محد يكدر يجاوز عليه
حتى لمن ندارت امي عليه وباوعتله
مجاوزت عليه بس كلتله
...احنا عدنا غنى نفس وشرف وهاي الصفات ماعدهم
واشرت على بيت اختها
بنتي مثل الثوب الابيض محد يدنسه
اني عفت عمري كله حتى اربيهم وربيتهم ولحد الان محد جاب طاريهم بكلمه وحدة
سمعتني ابن اختي عيب جان المفروض متفكر
موتحجي مجرد التفكير متفكر انو ترف هيج اسوي
وكمشتني من يدي وجرتني وطلعنه
وفهہد  ماطلع بعد
تمشينا لحد مشفنا ابو تكسي رجال جبير وكف النا
وصعدنا وصلنا للبيت
شكد فرحت لان انرد اعتباري واعتبار امي وانكشفت
اللعبه القذرة الي لاعبيها بيت خالتي
بس اول ماوصلت للبيت شفت صـخر واكف ومنتجي على السيارة وبيدة التلفون
نزلنا اني وامي
وسلمنه عليه وامي دخلت جوة
واني وكفت
كلي
....وين جنتي
....طلعت وياامي رحت لبيت خالتي
....ليش ماكلتيلي
...ليش عندك اعتراض انو اروح
....مو رجل كرسي اني
....لا موقصدي بس قصدي يعني انت اضوج اذا اطلع
....لا مااضوج بس احب اعرف وين تروحين وين تجين
وين تلفونج كم مرة دكيت
....بالبيت
....ليش التلفون يشترو حتى يبقى بالبيت لو حتى يستخدمو
....اي نسيته
بقى يباوعلي
كلي تعاي ويايه
...وين
....نفتر شويه
...خلي اكول لااهلي واجي لحظه
....يله
دخلت كتلها لاامي راح اروح ويا صـخر
ورديت طلعت جان بالسيارة
كعدت بصفه
وشغل السيارة وكام يكلب بالسيديات ويريد يفتح
اغاني وطلع اغنيه مال نانسي عجرم
.اسمها في حاجات تنحس
وكام يمشي
كلي
....شوفي اكو شغلات تنحس متنطلب ولا نكدر نفرضها
اريد احس بيج اريد احسج اريد اهتمامج انتي هسه مرتي
يعني مثلا خابريني وكوليلي حبيبي مشتاقتلك دزيلي رساله بيها حب
كعدي كدامي وخططي لحياتنا
طلبي مني نسافر طلبي مني اشتريلج شي
اي شي
كوليلي وين راح نعيش شراح نسوي
لتخليني اني اكلج كلشي وانتي دكولين ميخالف
ترف اني حبيتج وبديت اتعلق بيج لتصدميني رجاءا
لظلين باردة ويايه اني لحد الان مكامش يدج
ترف المشاعر متنطلب 
لازم انتي عندج شعور اتجاهي حتى يكون بينا شعور
متبادل
وبعدها سكت وظل يسوق لحد ماوكف يم باب بيت
بي ترميم لان جان اكو رمل وطابوك بالباب
....كتله ليش وكفت
...هذا البيت مال ابويه تعاي ندخل نشوفه داسوي
بي شغلات كلش حلوة
خفت انزل بس ماكدرت اكله لا
نزلت وهو نزل قبلي دخل للبيت ولعب بالميزانيه مال كهرباء
وشغل الاضويه مال بيت ودخلني للبيت كلي
...دخلي
دخلت جوة وبقيت اباوع وظل يفرني بالبيت ويشوفني
وصعدني فوك
وكف بنص الغرفة
ومد يده اي
....تعاي داشوفج
رحت يمه وجان يجر يدي
....باعي
وقربني من الشباك
جان جوة مسبح والسياج الي كدام الغرفه كلش عالي
....هاي الغرفه كلش بيها خصوصيه
يعني اني مفكر اكعد بهذا البيت وتعرفين
شسوي
...شسوي
....اخلي الجربايه مالتنا هنا وهذا الي كدامنا الحايط كله اسوي زجاج
....ليش
ضحك
....حتى لمن انام على الجربايه اني وياج واكعد الصبح هذا الي كدامنا كله زجاج وانتي يمي وحتى بالليل يصير جو رومانسي
وجهي كام يذب الوان
....يله نروح اتأخر الوقت 
...لا بعد وكت وانتي ويايه ليش مهتمه
جرني عليه
وصعد يدة وكام يلعب بشعري
...كلبج شيصير بي من انتي يمي يعني هسه شدتحسين
بلعت ريكي
....كتله عفيه خلي نروح
....ضحك
....من زمان عاجبني اخذ بوسه من هاي الشفايف الي تخبل كلش تجذبيني تخربطين اوضاعي كلها انتي
وجرني عليه ولزكني بي
وتقرب مني بس اني دفعته
...هاي شدسوي صـخر
.....رجع كمشني مرة ثانيهہ •••••••••••••••••••••••••••••••••••••••••• يتبع

هہلآ طـبعآ شـگد مـآآحجي مـآرآح آشـفي گلبگم 🌚💔 ورب بآول فترة آلبطـلة ولدت وآبنهہآ آجة مـريض سـگري تخيلو طـفل حديث آلولآدة آلبطـلة عآنت هہوآي بحيآتهہآ وآوجآهآ لحد هسة وهاي اللحضه مستمرة ماكو ايي تأخير مني وخاصة بهاي القصه لان حبيتهه هواي واول قصة حقيقيه الي وطبعا مااكوللكم الطفل ابن منو انشاء الله هالشهر نخلص القصه اما عن فصليتي ضابطة هواي مشاكل خاصه منهه الكاتبه القديمة وهواي انشاء الله هالاسبوع انزل البارت الاخير ونفضهه + كلولي يمتة تردون بارت ?? مال هاي القصه وعد عليه الوقت التريدو انزللكم 🙁❤️ احبكم •°•°•°•°•°•°••°•°•°•°•°•°••°•°•°•°•°•°••°•°•°•°•°•°•