#مشاعر واضحة

البارت الثاني عشر

البارت12

اذا تحدي فخلص هو موضوع تحدي لو اني ازوجج
لو لا ماراح اخلي فهد  ياخذج ولو هو اصلا ميفكر بيج
لو انا لو متاخذين واحد منا عود ازوجي واحد متعرفي
احسن
ودار وجه وكف بعيد عني
متحملت اسكت
....اسمع اكلك اني مولعبه بيدك انت معليك بحياتي
سمعت وكافي عد طلعو من حياتي
بدون ميندار ويباوع عليه كلي
....اي ميخالف عود طلعيني من حياتج
....اي اطلعك
ودرت وجهي ودخلت جوة
كمشت نفسي ورحت كعدت خالتي جانت كاعدة
وتحجي وياامي
وامي تحجي وياها من ورا خشمها
كالتلها خالتي لاامي
....احنا خوما نخلي الزعاطيط يخربون بيننا
قصدها اني
كتلها
....قصدج بتج الصيدلانيه ليش زعطوطه هي
...انتي معليج ترف  حجى بيني وبين امج
....امي مريضه وماكو حجي بينكم طلعو من حياتنا
خلص معليكم بينا احنا ماانأثر عليكم بشي
....والله كل المصايب والمشاكل من جوة
راسج
.....صدك والله خوبن من جوة راس بتج الصفرة
الي شايله حقارة الدنيا كلها
.....اشو انتي متحترمين احد ‏
....هوايه احترمنا وسكتنا وكلنا عيب ويله ونمشي وندوس على نفسنا وعلى اعصابنا ونسمع حجي تافة منكم
ونسكت شوفي هذا مستوانا شوفي بيتنا ميليق بيج
خالتي جان المفروض متنزلين مستواج وتجين لهيج
مكان خاف هدومج تتوصخ
....والله طلعلج لسان
....موااكلج متعلمين علينه فقرة هم بحالنا وهم فقرة بلسانه
بس الانسان الا طاقه. ‏ ‏عنده قدرة تحمل.
ماحسيت غير دموعي كامت تنزل حسيت كل هموم الدنيا تراكمت فوك راسي كلشي بحياتي اجى
هسه
حالنا كعدتنا الي لاترضي لاعدو ولاحبيب  وضع ابويه وضع امي
وضع اخوتي
وضعي اني الكل دياخذ قطعه مني
ومابقتلي ولاقطعه بكلبي اعيش بيها
امي اشرتلي كافي
.....ليش عود اسكت ليش ياامي طلعيهم من حياتج
مثل ماهما جانو دائما حاسبينه لاشيء يمهم
مثل مجانو يسمعوج حجي وتجين دمعتج على خدج
وتسكتين
...احنا خواتها والدم ميصير مي موانتي
أجايه تغيرين وضعها علينا
....شفتي شدكلج ياامي وضعها علينا قصدها خدامتها النا
سمعتي اعترفت بلسانها
هبت خالتي واكفه
....سكتي لج واني الى اجيت هنا وبنيتي غير شي
وكتلها لاامج بس والله لو يثكلوج ذهب مااخذج
.عرفت دتقصد انو هي اجايه
تريدني لجهاد  لان مبينه جارها جر وجايبها
هي ماتكدر دكول لجهاد  لا ن هو الي يصرف عليهم
زوجها رجال جبير ميشغتل وجهاد 
يشتغل وحالته زينه ومعيشهم
فااكيد جابرها تجي
...والله لو يبقى اخر رجال مااخذة
شالت جنطتها وطلعت
امي تباوع متحجي بس وضعها لاامي مديريحني من يوم الحريق
ولحد الان تعبانه وخامله
ومتتحرك ودوخ
لازم اوديها لدكتور بس ماعدنا فلوس
شلو راح ادبرها
دخلت للغرفه الجوة وصحت
علي ورنا
....ها ترف
.....رنا نزعي هاي التراجي وهذا الزنجيل ولو كلش خفيف
بس خلي نبيعه ويا هاي التراجي مالتي وحتى نسوك
ونودي امي للدكتو ر
نزعتهن
رنا وانطتنياها واني هم نزعت التراجي ولفيتهن بكلينسه
وشلتهن
....لدكولون لاامي شي وعلي انت لازم تشوفلك شغله
صانع شي اطلع دورلك حاجه
واني هم من باجر اطلع اشوف بلكي الكه شغله
خوما نظل هيج نموت من الجوع
....اي ميخالف هسه اطلع
ادور بلكي احد يشغلني
...جنا عايشين ونكلبت حياتنا سودة بسواد هاي الغرفه المحروكه
وجانت اليوم كامشتني البجيه كل شويه ابجي
كعدت يمي رنا وحضنتني
....شراح نسوي ترف
خليت يدي على راسي
.....والله مااعرف ماادري شسوي  مااعرف ليش هيج دنتعذب
ياربي رحمتك ياربي ارحمنا وافتحنه باب رزقك
وثاني يوم الصبح كعدت وضع امي زايد
ومتحجي ومتقبل تاكل
وصيت ايمان عليها وعلى ابويه وطلعت رحت على
صايغ علمود بيعتً هذا الذهب بكوة انطاني 200الف
بعته ورجعت وذكرت مرة خالتي جانت دكول صخر   خوش دكتور وهو العيادة مالته بصف العيادة مال فهد
لان اني مااندل غير واحد
واجى اخويه يصيح
....ترف ترف
....اش شبيك
....لكيت شغل
....صدك ياالله وين
...عند هذا ابو الاسواق الي براس الشارع كلي انطيك
خمسه باليوم بس العصر اروح اربع ساعات
....عزة هاي شلون نعيش بيها
...ادور على شغله الصبح هم
...اوف ياربي الله كريم علاوي الله مايكطع تفرج
ان شاءالله
ندكت الباب وجتي ام أسعد
.جايبتلنا غده
....خاله  ترف
....ها خاله
...هاج
.....شنو هالزحمه خاله فدوة
...يمعودة الناس للناس
....مااعرف شلون نجازيج على وكفتج ويانه والله سويتي الي ماسواه اهلنا. ‏
....لاتهتمين حبيبه انتو جوارين عمر وياما وياما
امج واكفه ويايه وراكضه ويايه بمشاكلي وبحاجتي
امج درة بس خاله عينج عليها لان مبينه تعبانه
كلش
.....راح اوديها لدكتور اليوم ان شاءالله
...محتاجه فلوس
.....لا خاله تسلمين متقصرين
....يله من تجون اجي اشوف اشكال الدكتور
...هلا بيج
...مع السلامه
....مع السلامه
دخلت الاكل ودخلت جوة صبيتلهم
اكلو ونطيت الدوة لاابويه
وكتلها لاامي
....يله ماما كومي داوديج للدكتور
،....مااروح ومنيلج فلوس
....عندي. معليج
...مااروح
...يله فدوة لكلبج وساعه نقنع بيها يله
قبلت لبستها عبايتها واني بدلت واخذنا تكسي
ورحنا اني اندل العيادة مال فهد  مرة
رحت ويا خالتي
وصلنا للعيادة وسئلت رجال جبير
....السلام وعليكم عمو بلا زحمه الدكتور موجود
....لاوالله يابنتي بعد نص  ساعه هيج يله يجي
هسه بعدهم كل الدكاترة ما موجودين
كعدي هنا بنتي انتظري
...اشكرك عمو تسلم
لكيت كراسي حاطيها للمراجعين برة كعدت امي وكعدت بصفها.
هو مجمع طبي العيادة مال  فهد  بصف العيادة مال الدكتور صخر 
لمن كعدت صارت القطعه
مال العيادة  مال فهد  كدامي
مكتوبه بلون الاسود
د.فهد
وسرحت بحروف اسمه مثل ماكلما اسرح بخيالي وياة
ظلينا كاعدين وننتظر
فوك النص ساعه يله اجى السكرتير واخذ اسمنا بس كال وراكم هوايه وبدو المراجعين يصيرون هوايه
وشفت حالات تمرد القلب
وظلينا كاعدين وامي منتهيه مابيها حيل كوة كاعدة
واحنا ننتظر ونباوع ناس  رايحه  وناس جايه
لحد ماشفت فهد  اجى ودخل للعيادة مالته بس منتبه  علينا لان  مندار
ردت اشوف مكان اكوم ماكو كله عالم كاعدين ومااكدر اخذ امي اوكفها
STORY CONTINUES BELOW

ظليت كاعدة كلت
هو بعد ميطلع دخل لغرفته
بس ورا شويه شفته طلع ونازع سترته ولابس قميص ابيض وبنطرونه نيلي انيق فوك المعقول صدك
يخطف الانفاس
ويبوك دكات كلبي مني
درت وجهي حتى ليشوفني
عبالك بايكه بوكه
مااريد اشوفه مااريد اسمع  كلامه مااريد  أوجة
مااريد يساعدني بشي
بس هو دخل للعيادةمال صديقه
الدكتور صخر   وطلع ومن طلع مشى شويه وبعدين رجع وكف وباوع علينا
تقرب
.....ترف  خالتي شكوو
.....ماكوشي
....اجاين عليه
....لا على الدكتور صخر 
....ليش شكوً
.....امي مريضه كلش
....وليش ماكلتيلي ها
...ماكو داعي
.....وليش مادخلتو
....بعدة مااجاي اسمنا
....صار شكد كاعدين
...فوك الساعه
....دكومي
وكوم امي وباسها من راسها
....خاف تدللين
وكعد يشاقه وياها وهي تبتسم  بس مجاوب
دخل على السكرتير
وكله
.....اكو مراجعين يم الدكتور
....لا هسه راح ادخل
...زين لعد
ودخل وفتح الباب ودخلنا وكعد امي على الكرسي
....هاخير فهد
كال هاي
...خالتي
....اهلا وسهلا
....باوعتله
كتله
....السلام وعليكم
...وعليكم السلام اهلا وسهلا
....وكام يحجي ويا امي ويايه وكال لازم اسوي فحوصات
وتجي على الاسبوع الجاي
وكتبلها ادويه مال ضغط جديدة وكال عدها عصب التوازن
وكال لازم  فحص مال جهد ماادري شنو واني ساكته
اباوع علبهم يحجون هو وفهد  بلانكليزي
واني حجايه اعرفها وعشرة مااعرفها
اخذ فهد  الراجيته
وكال ابقي هنا يم الدكتور حتى اجيب الدوة ويفهمج عليه
....دكتور فهد  اني اجيب الدوة
....روحي كعدي تريفانه
وطلع وسد ورا الباب
باوع عليه الدكتور وابتسم كلي
...انتي نفسج مو
ضحكت لان اذكرت من جنت بالمرجوحه
....اي نفسي
....اسمج تريفانه
....لا اسمي ترف
....مو داكول بس فهد  صاحج تريفانه
....اي هو يدلعني من جنا صغار
وبعدها سكتنا وظل هو يوزع ابتسامات ويباوعلي
طلع ورقه وكتب رقمه
ونفتحت الباب ودخل فهد 
وكف
و  صخر مد الورقه وكلي
...هذا رقمي اي شي يصير اوتحتاجين  حاجه اتصلي عليه هذا رقمي الخاص
اخذت الورقه باارتباك لان عيون فهد 
صارت نار
....اشكرك
اجى فهد  انطه للدكتور صخر  الادويه
وبدا الدكتور يفهمني ويحجي ويايه ويكتب على الادويه
و وكف فهد  وجتف ورفع حواجبه بعصبيه ويباوع عليه
لان الدكتور جان يحجي واني احجي وياة
..تسلم دكتور
...ولو ياعيني تدللين
فهد  اختنك خفت لايضربه مثل جهاد  ردت بس اكوم
كومت امي
وشكرت من الدكتور وفهد 
وطلعت وفهد  هم ويانا
...كتله
....فهد  اشكرك

_____________________________________________ ستوب خلص البارت تعبت 😣 وهسه حروح اكتبلكم بارت لفصليتي ضابطه يجوز يكمل بليل طلعتو هذيج الفتره من خشمي 😂 المهم لتنسوون التصويت احبكم وسؤال اليوم هوة (أين يقع البحر الذي ليس فيه ماء)
احم 😂 جاوبو وبدون غش مو ترحون لعمو كوكل يغششكم واليجاوب أو التجاوب البارت اللخ حيكون بأسمهه ♥️♥️😙 صوتو باااي