🖤 ايام والطوق الأسود 🖤

بارت 21
.............
لا يسمح او يحلل نشرها بدون ذكر أسمي 💋
...........
       بقلم الكاتبة حنين الربيعي
..

شلونهم الغوالي 😍
...

هيبت : دخلت البيت انزع بملابسي وابجي ندمانة

وما استاهل كل هذا الي يصير بيه الي سواه عزيز .

هواي أذاني هسة يمكن يتغزل بيهة او حاضنهة اااه

يا ربي دخيلك انطيني الصبر كعدت بفراشي واتذكر

شلون يقسم الهة وشكد هيبة كدام المعازيم من دخل

بزيه وبيده كلام الله شمسوية بحياتهة والله بعثلهة

هيج واحد يمكن بحلم مجانت تتوقع هيج حيكون

عرسهة يمكن لو ما مغمى عليه واكعة جان متت النهاية

العرس جريت حسرة وأحاول اقنع بروحي كلت الله

يوفقه ويسعدهم يستاهل قلبه طيب وصاحب ايد

عطية كله خير ما لكيت حل غير انام ويبتعد شريط

عرسهم ودخولهم والسواه ماكو دقيق وغفيت ودموعي

بعيني  مكعدت اله على صوت شمس تكعدني

شمس : كومي ايام تريدج

ايام : جنت رايحة بسابع نومه وكعدني علي كال

كومي عزيز اجه هوة ومرته خل انبارك الهم ومري على

هيبت بدلت ع سريع وطلعت على هيبت شمس كالت

نايمة دقايق ونزلت عيونهة مورمة حضنتهة وكعدت

اواسي بيهة

هيبت : ايام خلص سدي الموضوع الله يوفقه محد

مات ورة واحد

ايام : صحيح يالة بدلي بسرعة وتعاي حتى نبارك الهم

هيبت : باوعت عليهة وكمت ابدل واكول ليش يخلون

ملح على جرحي نزلت لكيتهة تسولف ويا شمس وميلاد

اااايام يالة خلصت

ايام : يالة امشي اخذتهة وطلعنة لكيت عباس توة يدخل

عليهم دخلت شفت عزيز معالم وجه مقلوبة سلمو عليه

وكلهة ملاحظة الانزعاج على وجهة تقدمت كتله

الف مبروك عزيز بالرفاه والبنين بعدني ممكملة كلامي

جان يسكتني حتى فشلت

عزيز : هلو الله يبارك بيج شكرآ

هيبت : مبروك عزيز

عزيز : شكرآ

ايام : اجت امه وكعدنة نسولف سوالفهة حلوة ابد

متنمل كتلهة يمه شنو رئيج بيهة جان ادنك راسهة وتحجي

بصوت ناصي