بارت 29
..............
لا يسمح او يحلل نشرها بدون ذكر أسمي
.......
بقلم الكاتبة حنين الربيعي ..
....
🙈شلونهم الغوالي اوشكت قصتي على الانتهاء
قريبآ اتمنالكم قراءة ممتعة وتفاعلو وصوتو ع القصة
....
هيبت : انطلقنة الكربلاء وطريق كله مقبوض قلبي
ما اعرف ليش ممرتاحة وعيوني على محمد الي
بس لازم تلفونه ويكتب ما اعرف ويا منو فزيت على
صوت عزيز يهمس بأذني
عزيز : شبيج وين بالج سارح احجي وياج وصافنة
هيبت : اباوع على محمد من صعدنة ولهسة يكتب
ما اعرف ويا منو
عزيز : اي انتبهت عليه اكلج اريد اكطع عليج مهر
هناك
هيبت : شهكت من كلي هيج باوعت عليه ولمعت
عيوني لفرح كتله براحتك بس ليش مو كلت من
ادور السنة
عزيز : اريد اخلي راسي بحضنج واشكيلج همي البية
هيبت تعبان امي كسرت ضهري بروحتهة ولج لهسة
حاضن ملابسهة وابجي حتى ريحتهة راحت
هيبت : نزلت دموعي وكتله الله يصبرك الحي ابقى
من الميت وكلنا على هل درب ماكو واحد باقي كلهة
تموت وانت بفعلك هذا تقهرهة اكثر وتأذيهة
عزيز : مو بيدي متعلم عليهة وبليل الكة
نفسي ادور عليهة ومرات انسى ماتت اني بالواجب
واتصل عليهة حتى اسولف الهة شصار وياية
بدوامي هسة اتركي هذا الموضوع شتكولين موافقة
هيبت : هزيت راسي ب أي وخليت راسي على كتفه
وغمضت عيوني ولن حلمت محمد محضر الجنط
مال السفر وصعد بسفينه ومشت بيه فزيت مرعوبة
على صوت ايام
ايام : كومي شبيج غفيتي حتى عزيز يكعد بيج
ونايمة
هيبت : شكو وصلنة
ايام : اي دكومي انزلي نزلت هيبت ونزلنة كلنة
عزيز وكف باب الضريح ولازم ايد هيبت ويدعي
وكلهة تباوع عليه شد العلك بيده وايدهة بعدهة
دخلنة زرنة
واندعينة ان الله يتمملهم على خير وجان بذاك اليوم اكو هواي ضباط هناك متخرجين
يأدون القسم راحو عباس وعلي وليث وغيث هم استعرضو
وأدو التحية بعدهة رحنة للمطعم اتغدينة وانطلقنة
YOU ARE READING
🖤 ايام والطوق الأسود 🖤
Romanceرواية جديدة خطها قلمي من الواقع المر أحداث جديدة ومختلفة غير مطروقة قبل تجمع الضلم الحزن والأسى وفي زاوية الصغيرة الفرح انتقام حقد كره صدف حب بأختصار راح تروي مجتمعآ من جميع جهاته فيها اكثر من طائفة يرئسها المتسلط وفيها اكثر من شخصية وكل واحد را...
