🖤 ايام والطوق الأسود 🖤

أيام والطوق الأسود

بارت 22
..............
لا يسمح او يحلل نشرها بدون ذكر أسمي
..........
    ..........بقلم الكاتبة حنين الربيعي...........

😍غوالي هذا مفاجأة لعيونكم اريدكم تفجرو تفاعلووووووووو .......
......

وابوية واخواني عمت عيني عليهم جهزت كلشي

وخليتهم على جهة دخلت سبحت وتعطرت ونمت

ما صحيت اله على صوت المنبه ساعة ب2 ونص

جانت بعيني النومة سديته ورجعت دفنت راسي

بالفراش توني رجعت اغفة ولن اتذكرت الروحه كمت

مرعوبة واركض وقلبي يرجف بسرعة اتوضيت .

وصليت الفجر ورجعت غسلت مرة لخ وفرشت

اسناني واحس راح اطير من الفرحة جريت ملابسي

من الجرباية مخليتهم يم  راسي ههههه لبست بنطروني

وقميصي وجاكيت عليهن والحذاء زي كامل اشتراه

الية عباس كلش حلو وجنت ضامته مينطيني قلبي

البسه على كد ما حلو خليت الشال على راسي لفه

تركيه بدون دنابيس هيج شمر لأن وراية طريق طويل

باوعت ساعة ب3 اندك الباب كلت تفضل دخل

علي لابس قميص احمر مقفل ب اسود وبنطرون

اسود

علي : يالة ولج راح نتأخر

ايام : أجيت غير غبيث جاي مكمل ويكول يلة

صحت ليش مكعدتني افرض بقيت نايمة

عباس : متنامين ادري بيج مخليه بعيونج ملح

ايام : ابتسمت وشلت غراضي من الميز عطر وهل

سوالف خليتهم بجنطتني ونزلت نزل وراية ليث

يعدل بساعته كال

ليث : تبقين نايمة نعوفج ونروح شنو يعني .

أيام : ههههه لا خاف متقبل اجي وراكم عباس صحيح

تعوفوني

عباس : هههههه لا حبيبة لو لاكيج نايمة الفج انتي

وغطاج واشيلج وعود اكعدي على راحتج

أيام : تقدمت عليه حضنته وبسته ربي يحفظك الية

انداريت على ليث عيبت عليه اخذت ايد عباس

واجة علي هم لزم ايدي وطلعنة صعدت بسيارة

ليورة وعلي وعباس ليكدام  وليث صعد يمي

تونة نطلع ولن عزيز يصيح علينة وكف عباس السيارة

ونزل

عباس : هااا باش أمر وين من الصبح

عزيز : دزو عليه ومصار مجال اخبركم بليل جريمة