Is he gay or just Vante? [✓]

3.

დანიშნულების ადგილას მისვლისას, იუნგიმ სწრაფადვე მოავლო თვალი მიდამოს, რადგან მანქანის გასაჩერებელი ადგილი ეპოვნა. უკუსვლით პარკირებისას ნამდვილად კი იცოდვილა, მაგრამ ჯიმინი მაინც დიდი აღტაცებით აშტერდებოდა მის ხელს, რომელიც სავარძლის უკანა მხარეს მჭიდროდ შემოეხვია, რათა უკანა საქარე მინიდან კარგად შეძლებოდა დანახვა.  როგორც იქნა გაჩერდნენ, მინი ზლაზვნით გადმოვიდა მანქანიდან და კუდში პატარა ბავშვივით პაკი გაჰყვა მას.

– არ მეგონა, თუ უპასუხებდა, მაგრამ როგორც ჩანს ჩემს გენიალურ ფრაზებს ვერ გაუძლო. – ჯიმინმა თავისი ტკბილი ხმით ჩაილაპარაკა, როდესაც იუნგიმ შემოსასვლელი კარები გაუღო და თან ზარუნის ხმა გაისმა.

– ოჰ, გთხოვ, შენი ფრაზები არა ის კიდევ. – ამჯერად სკამი გამოუწია, რათა ჯიმინი მასზე კომფორტულად დამჯდარიყო.  პაკმა პატარაზე ჩაიცინა, სანამ იუნგი ათეულ წამში უკვე სასურველ შეკვეთას მისცემდა და თავიანთ მყუდრო ადგილს დაუბრუნდებოდა.

– ხო, რა იყო, შენ არ დაიკერე, იუნგზ? – ცალი წარბი ზემოთ აზიდა.

იუნგიმ კაფის ვიტრინიდან გადაიხედა და მზისაკენ მიაპყრო თავისი მზერა, გონებაში კი ჯიმინის პირველი მინაწერი ამოუტივტივდა,

ერთი პატარაზე ჩაილაპარაკა, "ღმერთო, შენ გადმომხედე", თუმცა მისი ეს რეპლიკა არ გამოპარვია ჯიმინს, რომელიც უკვე თანდათან ბერავდა ტუჩებს, მაგრამ სანამ საბოლოოდ დაიმანჭებოდა, ტელეფონის ზარის ხმა გაისმა. ამჯერად მისი საწუწუნო ობიექტი იქცა, ვინ თუ არა, თავად ჯონ ჯონგუკი.