زواج بالأجبار

part 5

#راح احبك واكتب اسمك بكلبي حفر وخلي كل اليدري يدري ونتة اول معشوك الية❤

اسمى: كعدت ساعة ٤ العصر لان امس جنت منتهية من التعب شفت رسل فاتحة حلكهة من التعب ههههه

رحت شفت علي طالع جان وحسن كاعد يم امي وعمتي يسولف عمتي يمة اذا تردين تاكلين روحي للمطبخ طابخة غدا واكو ريوك اذا تردين

رحت للمطبخ شفت الغدا برياني ميتفوت صبيت واكلت اجة حسن لا لا بت خالي تنساني وسفة عليج هيج صارت

اسمى ههههه تعال اكعد هسة اصبلك

حسن اني مااشتهي بس كلت خطية وياج ع الوهس 😂

اسمى هههههه ادري بيك

اكلنا وغسلت ماعين ونضفت المطبخ لان رسل نايمة وامي وعمتي بعدهن يسولفن
مادري شنو المحبة الي نزلت على عمتي ويا امي بس متاكدة راح تتحول الى كره كالعادة من اتجاه عمتي طبعا كعدت يمهن

دك موبايل عمتي جانت بيبيتي سلمت عليها طبعا بيبيني كاعدة يمنة وماكدرت تجي للنجف لان مرة جبيرة وعمتي سولفتلها الي صار

رسل كعدت اكلت وغسلت ماعونها واجت يمنا

اجة ابوي وعمي ابو علي ابوية كال يلة امشونا خلي نرجع ورانا طريق

ابو علي لا وين هسة طلعون ابد ضلو للعشة

ابوي لا يمعود الله يخليك ورنا طريق وهديل والولد وحدهم وامي

ابو علي يلة براحتكم بس عيدوها

اني كمت ردت اروح اخذ غراضي
عمتي اكلك خووية خلي سووومة يمنا جم يوم وتعال انته ومرتك واولادك وامي تغدو يمنا واخذوها ورحوو

ابووي بوية اسمى ضلي يم عمتج خطية ساعديها ونشالله نجي جم يوم ناخذج

اسمى مااكدر اعارض ابوووي لان ادري بي راح يجبرني ابقى كالعادة يفرض رائية ع الكل ومحد يكدر يتناقش وياا واعرف راح يفشلي فأبقى بكرامتي احسلي...

امي وابوي راحوو بقيت
رحت سبحت وبدلت ضليت كاعدة يم عمتي صافنة وحجي احمد يدور بالي ماحسيت الة ضربة رسل ع جتفي تعاي يمي بلغرفة

رحت يمها عادي هية اكبر مني بسنة مرات حبابة ومرات دبابة 😉

كعدنا نسولف نحشش
رسل وج اسمى شفتي ليلى البارحة اشسوت خرب روحها شكد لزكة

اسمى ههههه خطية تحب اخووج..

رسل يمة اموووت اذا اتزوجها اكلب العرس عزة بلقران..

'هية هاي الزكة هم يلوكلهة تزوج اخوووية..
ولج صدك اني سمعت ابوها ماخذ ورث مال بيت ابوة ويردون يشيلون نشالله تروح ونخلص من لزكتها ..

اسمى هههههه خرب روحج شكد تكرهيهة

رسل وج مو اكرهة هية حييل خفيفية وملطلطة تشريب ( تشريب بمعنى اشد انواع الخفة)

اسمى هههههه الكبر..

"راسلتني اختي هددو
هديل ها لج شلونج..

اسمى اوووف بعد عملة ابوج وخلاني يم عمتج اوووف منه

هديل الله يساعدج يخية اني تجي يمنة تلعب روحي نوبة ضلين يمها اتسودن والله

اسمى اووووف شسوي يخية بعد

هديل اكلج صارت وياي سالفة

اسمى خيرج شبيج

هديل مهند ابن خالتي نبراس

اسمى اي شبي

هديل يسلم عليج شبي
طلع يحبني ويريد يخطبني

اسمى 😵😵😵😵😵
جذذذابة مهند يحبج

هديل اي ولله اني هم نصدمت مثلج

اسمى وشكتيلة

هديل مااادري مارديت عفته

اسمى يااا ولج ونتي شسوين هسة

هديل ولله مادري بس كال اسبوع واجي اخطبج ..

اسمى ونتي حتوافقين

هديل مدري لسة بحيرة اني يخية
( مهند ابن خالت اسمى ولد شاب من مواليد ١٩٩٤ عاطل عن العمل وجان يحب هديل راسلهة وصارحهة بحبة وراد يخطبها وهية ضلت مترددة بين تروح لشخص يحبها ويهتم بيها بس تعيش ويا بفقر لان هوة ميشتغل وشهادته ثالث متوسط حتى ماكو وضيفة تقبلة او ترفض وتضل عايشة محد يهتم بيها وتكمل دراستهة وتكمل مستقبلها فهل الامر كان خلها مترد ع مهند مانطته لا حق ولاباطل )

مر يوم كامل واني ماحجيت احمد بس فكرت كلت اني محتاجة احد يهتم بية يكولي حبيب واخ وصديق وابو فكلت انطي فرصة وانطي روحي فرصة للحب والاهتمام فقررت بليل اراسلة

جنا دنتعشة اني ورسل وحسن وعمتي وابو علي وعلي جان طالع ويا اصدقائة لان هوة يشتغل ويا ابو بمحل تاجر اقمشة

اكلنا وشلنا السفرة اني ورسل اني سويت جاي ورسل تغسل الماعين صبيت الجاي وشربنا رسل راحت تسبح لان تحب تسبح بليل فغسلت كوابا الجاي وكلت هاي فرصة احجي ويا احمد طلعت من المطبخ كمشت موبايلي واني اجر انفس ودكات كلبي تسارعت كتبت هلوو بعدني مارسلتهة سمعت صوت خشن من وراي فززني.............

،،،،،،،،،،،،،،،،،،،،،،،،،،،،،،،،،،،،،

اتفاعلو ولتنسون ⭐ وكتبو ارائكم بلتليقات

وللحكاية بقية
______________________

بقلم زينب الشمري