زواج بالأجبار

part 16 والاخير

" #الحــــياة تـجـــارب #ومصــــاعب

#عنــــدمـــا تـتألــــم؛ تصــــبح أكـــثر #حـكـــمـة

#عنــــدمــا تـفشــل؛ تصـــبح أكـــثر #قـــــــوة ،
#وعـــــندمــــا تبـــتسم؛ تُصـــبح أكــــثر #تــفــــــاؤلاً

فـــــــ #تــجـــارب الحــــياة ليست #لـلــــــندم ، بـــــل #لــلتـــعلــــم
#فـــــــلا تــــحـــزن وابتـــسم #لـلحـــــــياة "

اخبار احمد جانت توصلني من خلال اختى زهراء .. جانت تكوول حيييل تعبان منشوفة ابدد وامي تحااول تخطبلة بس هوة رافض وميقبل بس بعد فترة للأسف انكطعت اخبارة لان زهراء تزوجت وملتهية بعيالها وزوجها وانكطع الخيط البيني وبينة .. صرت مااعرف عنة ولاشي..

عمتي جانت تغار مني لان علي يطلع الصبح للدوام ويرجع ساعة 3 الضهر وجان اول ميطب يسلم علية ويكون جايبلي شغلات ويا
هية جانت تباوع بحقد وكره .. مرات عمي ابو علي ياخذ جد علي ابو ويطلع ياخذة ويااة بلمحل مالتة .. والكل مموجود لا حسن ولا علي .. جانت فرصتها تكرب علية كرب ماصاير وتغلط علية اني بعد مااكدر اتحمل اشوفها تغلط واني ساكتة كلشي مااكدر احجي رحت يم اهلي وسولفتلهم وحاجيت ابووية وكتلة مااكدر بعد اضل وياها شوفلي حل ..

طبعا ابوية عندا اختة اهم من بنتة فردا جان الي متوقع " عيب هاي عمتج وميصير وناس تاكل وجهنا وتكول بنتكم عار تسوي مشاكل.. ومن هلامور

حاولت انفصل بس ماكدرت ابوية جان بكلامة الي يكلي من سابع المستحيلات اخليج تنفصلين ..

مر 8 اشهر على زواجنا حبي لأحمد كمت انساا ويا الوكت

ابشركّ برد شوكي ألجان يجويَ .

لحد ماطلع من كلبي واخترقة علي انعجبت بي حبيتة فكرت احمد مستحيل يصير الي.. وعلي حباب ويحبني ليش اضيع الفرصة من ايدي .. رحت للصالون اصبغ شعري واعدل وحفافة ..شفت بنية دك وشم عجبني .. ردت ادك خابرت علي .." علووش حبيبي ممكن طلب..

_ يايمة يابعد روحة لعلوش عيديها مرة ثانية..

_ حبيبي..

_ اويلي اخخخ كلبي اطلبي وامري..

_ اريد ادك وشم..

_ لا حبيبتي اخاف عليج يأذي

_ لا حباب هاي اول مرة اطلب منك شغلة وتردني..

_ حياتي اخاف عليج ..

_ ماشي .. شكراااا

_ سوومة لا لتزعلين كاافي .. يلة دكي بس مو هوواي ويزورك ايدج..

_ شكرا حياتي .. اووكي

دكيت وشم على نبض ايدي اليسرة .. صيحيح وجعني بس استحملت ودكيت اسم زوجي.. من دكيتة تحول نضرتي الة من اعجاب الى حب .. صرت انتضرة من يجي من الدوام واهتم بي بس جانت عمتي تموت وذب حجي بس اني مااهتم متجاهلتها ..