زواج بالأجبار

part 14

دنية...زركة

جنها...خنكة

كمت احس روحي يتيم⁉

طاح...كلشي✖

اكدر...امشي🍁

خل اكوم الله كريم💜

اكو...وادم🚶

موش...اوادم😪

استغفر الله العظيم

الى ان اجى يوم عيد ميلادي بنهاية شهر الثاني وصاررر عمري ١٧ اجاني علي وعايدني ومشتريلي هدية جبيرة .. وكال يلة خلي نطلع شوية نتونس .. اني ردت اكولة.. لا بس فكرت لازم شوية ارتاح واغير جوو فوافقت واجت ويانا هديل لان اهلي ميقبلون نطلع وحدنا وطلعنا نفتر بلشوارع ومولات وتعشينا بمطعم .. الصراحة حييل تونست ويااا كوومة غيرت جووو ارتاحيت شميت هوة سولفنا شوية ارتاحت نفسيتي ورجعنا للبيت ونام بلاستقبال واني بغرفتي بليل داكلب بالانستا وطلعت حسابة لاحمد واشوف صورتة واجر حسرات واني صافنة واتذكر ايامي .. استغفرت ربي ونمت

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

-بـ؏ـد كــل مـﭑ مررنا بۿ . ❤️
- أتمنى أن نَجد نهايۿ نستحقـۿا .📽❤️☹️

كعدت الصبح ساعة ب 9:37 تقريبا لكيت علي يريد يطلع وابوي بالدوام وامي ماخذة إجازة

.. صباحوو يحلو

.. هلو علي صباح الخير

.. شعجب كاعدة من الصبح.. اليوم

.. مو اريد اطلع اني وامي للسوك كم شغلة بقت اريد اشتريها..

.. هاا وك حبي كعدي امج واني اوصلكم

.. لا خاف عندك شغل

.. لاحبي عادي اني مااخذ اجازة يومين ..

..اوك خلي اكعد امي

ماما ماما كعدي ماما يلة كووومي..

..شكو ولج..

.. يلة كومي مو نريد نروح للسوك

.. هااا صدك يلة كعدي اخوج خلي يوصلنا..

.. لا علي يوصلنا

.. لا يايمة خاف الولد عندة شغل ونعطلة

.. هوة كلي ماخذ اجازة يومين

.. ها يلة خووش كلي لهديل خليها تجي يم اخووج

..ماشي هسة اكعدها

رحت حطيت قوري جاي ع النار و طلعت جبن وزيتون وكليت بيض وحميت الخبز .. علي جان كاعد وبس يباوعلي شلون اشتغل استحيت من نضراتة .. فكمت اشتغل ع سريع علمود اكمل وميباوعلي

كملت وصحت لهديل تروح يم غيوثي تنام .. امي اجت كعدنا نتريك ..صرت مقابيل علي .. اني اكل وهوة يباوعلي كمت مااعرف اكل اتوترت .. بكلبي لايلحمزة دير وجهك