..................... 💍#انها_زوجتي2💍......................
..................💔#قلــبان_لا_يلتقـيــــان💔.....................
......................... 👑by:FATIMA Z-F👑..................
بعد نجاح الكبير لي حققاتو قصة #انها_زوجتي مع الازواج الم...
في غرفة لي مخصصصة ليها فكلينيك ناعسة و وجها صفر ودابل وباين فيها لعيا ..خارج المشفى واقف بحال الحمق ماعرفش اش يدير كل ما كيقول تقدات كتزيد تعواج ليه من قنت اخر ...كلشي عندو هو هداك الا معاها هي بوحدها لي فور ما كيتجعو و تصفا القلوب كيتقلب كلشي من لا شيء و امام عينوه كيشوف الوردة لي كانت فيديه كتدبل يوم بعد يوم ...ما خبر تا حد ومبغي تاحد يجي يشوفها عارف عائلتها اش ايديرو غير من لي فات ..مبقاش قاد يشد لخاطر ولا يسمع لكلام أي واحد...بقى هو بوحدو معاها فكلينيك تا من الام ديالو ما هضرهاش ولا شاف فيها شوفة هي الأخيرة ..
وقفو حداه الأطباء كيخبروه بحالتها وهو كيسمع بهدوء و عينو عليها من لباب ديال الغرفة ...
طبيب :كل تحاليل لي درنا ليها كيبين حالتها مستقرا ..كاين مشكل فقلبها ولكن هدا مكيعنيش انها اتموت بسبابو وحتى الفحص على شبكة راس وضح لينا ان معندها حتى مشكل فالعين ....
عصام: ادا باش اتفسر ليا دم لي نزل من عنيها ....
طبيب حط صبعو على دقنو : منكدبش عليك اني فالاول شكيت انه يكون عندها سرطان الخلايا القاعدية ولا سرطان الخلايا الحرشوفية لي كيصيب العين لكن بعد الفحص لقيت سبب الأساسي هو انكسار الاوعية الدموية الحساسة وصغيرة داخل العين شي لي سبب تمزق فيهم و كيخلي دم يتخلط مع دموع ...
عصام حط يدو على وجهو وتنهد بجهد : يمكن ليا نخرجها هاد ليلة ....
طبيب : بالطبع ما كاين تا خطورة عليها فقط هاد الأيام تحاول تجنب شمس و تليفون لأن عنيها ضعيفة و ايبقاو يدمعو بدون سبب لا جهداتهم كتر من لازم ....
عصام حرك راسو وعنيه حاطهم على جسدها : شنو بان ليك فمرض قلبها ...
طبيب بحيرة : ما نقدر نعطيك تا معلومة لكن نصحك بدكتور زياد العمراني عندو مصحة فطنجة و الابن ديالو دكتور فأمريكا مختص فأمراض القلب و عندو عدت تجارب هو لي يقدر يعاونك و يوجد ليك حل لمشكل مراتك ...
عصام بقى ساكت وعقلو كيدور عاض فمو من لتحت ...طبعا فور ما سمع اسم دكتور زياد عرفو هو لي كانت متبعة عندو هجار من كانو مطلقين ...بقا واقف فبلاصتو ونضراتو مشتتين كيشوف هنا ولهيه وكيفكر غير مع راسو ...
دخل عندها كيطمأن على حالتها....بحنية حط صبعو على حنكها كيلمسو بشوية وحرك ابهامو على عنيها لي مريضة ...هبط عندها باسها ففمها وجلس حداها كيلعب فصباعها وبكل صبر ديال دنيا دايرو حاليا...عرف بقرارة نفسه انه ليوم ولا غدا اطيح ليه بين يديه كيف دارت ليوم لو ملقاش ليها العلاج و بعدها عن أي حاجة كضرها .....
هز تليوفو كيقرا المساج لي وصلو ..جمع الوقفة وخرج من الغرفة بسرعة شد طريقو لخروج ...من لبعيد بانت ليه سيارة واقفة و زهير كيشير ليه بيدو ....توجه عندو وعنيه حمرين معصب وزهير غير شافو بديك الحالة عرفو علياش ناوي ....
عصام وقف قدامو سلم عليه وتكى على طونبيل هز كارو حطو ففمو وشعلو كيبرد فيه اعصابو وتا زهير دار بحالو..بجوج ساكتين وكيشوفو فنقطة وحدة بصمت حتى كسر زهير هاد صمت بسؤالو ....
زهير : ما غادي تسولني على والو ....
"تتبع"....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
