..................... 💍#انها_زوجتي2💍......................
..................💔#قلــبان_لا_يلتقـيــــان💔.....................
......................... 👑by:FATIMA Z-F👑..................
بعد نجاح الكبير لي حققاتو قصة #انها_زوجتي مع الازواج الم...
هاجر خبات وجها ورا ضهر عصام لي حط يدو على خدو كيضحك من نيتو و شار لولدو يجي عندو ...قرب ليه حاتم بتسائل من شاف كاع ناس حشمو و كيتلفو فنضرات من غير هو وعصام لي الحشمة مكيناش على ملامح وجوهم ...
جلسو عصام على ركبتو وجر هاجر لي مخبية بغات تموت محمرة عنيها فحاتم لي بدا كيضحك من شاف وجها حمر....
- ما عندك علاش تحشمي اماما هو ديما كيبوسك قدامي....
بغات تنوض تهرب وهو يشدها عصام خشها بين دراعو و ولدهم وسط منهم ....و كيشرح ليه بهدوء ان زواج نصارة ماشي هو ديال المسلمين..حيت هو شاف فالكنيسة عريس كيقبل عروستو قدام كلشي ضن ان هادشي عادي فأي عرس و حيت قرا فجامع دغيا فهم الهضرة بلا ما يبدا يطرح فالاسئلة ...بداو بجوح كيضحكو مع هاجر يرخفو عليها من الحرج لي تملكها ....
تنفسات بشوي كترد روح لنفسها بينما عنيها مشات عند الياقوت لي كتشوف فيهم بحزن ....
هاجر : عيط على ماماك تجي تجلس حدانا علاش جالسة بوحدها تم...
عصام شاف فيها بنضرات ممفهومينش : متأكدة...
هاجر بدون فهم هي اصلا قلبها بيض ولي ديرو فيها ليوم تنساه غدا مكتشدش فقلبها ..حركات راسها برضى تام...
"سكتات كتشوف فيه وهو نضراتو تحولو بطريقة دوباتها كأنه فخور او ربما رضى...شيء لي متقدرش توصفو الكلامات و وصفوه فقط نضراتو لدرجة ان خلا ملامحها يكسيهم الخجل من جديد"...
حدرات راسها وجمعات الوقفة بلا متسناه يدير هو الخطوة ..بكل رقة و انوتة و شعرها نازل على ضهرها تمشات امامو و وقفات حدا الياقوت نزلات عندها بشوي وهضرات حدا ودنها....
هاجر: خالتي اجي جلسي حدانا علاش جالسة هنا ...
الياقوت جاتها اللقوة و لسانها تربط بقاو غير عنيها لي كيرمشو ...باست ليها هاجر يديها و جراتها معها جلساتها حدا عصام لي دار بلاصة حداه و رجعات هي جلسات فبلاصتها و يدها بقات في يدين الياقوت و تحطو بجوج على رجلين عصام لي متوسطهم..عينو هبطات ليديهم لمتشابكة..يدين عجوز ادبلها الزمان لي كانت كتخص روحو واغلى ما عندو "امــه"....و الاخرى كانت لتوأم روحه و حبيبته الصغيرة "زوجته"...
هز عينو لختو لي تبسمات ليه بحنية ودارت ليه اشارة لهاجر انه عرف يختار كأنه اول مرة جا يخطبها ...تبسم لحركة ختو ..ورجع عينو لمو لي دمعة على طرف عنيها ..دور يدو على كتافها و بصوتو الهادي قال.....
عصام: الواليدة كيف جاتك المرا لي ختاريت ....
الياقوت حركات راسها كتمسح فدموع لي ضببو ليها رؤية و نطقات بصوت مبحوح ..
- انا لي ختاريتها ليك الاولى ...
عصام حرك يدو على ضهرها بحنية : و احسن ما ختاريتي ليا الواليدة ....
شافت فهاجر لي كتشوف فيهم بإبتسامة عاجبها راسها من كلام عصام وحدرات راسها بخجل...
الياقوت: الله يخليكم لبعض و عمركم تفارقو مزال يا رب....
بدون ما طلب سماحة كان واضح انها تعلمات درس من نضراتها ..حط راسو على راس امه ونطق بإشتياق.....
- توحشت الجلسة معاك الوليدة ....
تخبات فصدرو كتبكي من نيتها وهو كيسكت فيها بحالي هي لي بنتو ماشي هو لي ولدها...و فعلا عصام من نهار كبر حط مو فمكانو و خدا هو مكانها..كان هو الام و الاب ليها...
هز عينو لسي حميد لي كان كيتسنى الاشارة ديالو ..قرب جلس حداه هو وكمال خلاو عماد لي حاضيهم يتنفس من نيفو بجهد ما كرهش ينوض يخلطهم دقة وحدة ...
#تتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
