..................... 💍#انها_زوجتي2💍......................
..................💔#قلــبان_لا_يلتقـيــــان💔.....................
......................... 👑by:FATIMA Z-F👑..................
بعد نجاح الكبير لي حققاتو قصة #انها_زوجتي مع الازواج الم...
صبح يوم جديد ..مغاير بالنسبة ليها ..فرحانة و متوترة في ان واحد ...فرحانة حيت غادة تاخد تجربة من أطباء عالميين وفدولة متطورة ..و متوترة لأنها ادخل لعالم جديد بالنسبة ليها..مجتمع مغاير على المجتمع لي كبرات فيه...
شادة صف لإجرائات الدخول و كل مرة دور توادع والديها لي كيودعوها من جاج خارج المطار ...رجعات ركزات مع صف لي كان طويل و اجرائات تقال كيف حال كل القطعات المغربية ..فهاد اللحضة صونا ليها لهاتف فور ما شافت الاسم تبسمات و مشا كل داك توتر لي كان فيها و بصوتها الأنثوي نطقات ..
سمير بتعب : نو غير الخدمة مزيرة و مزال منعستش راسي تقيل ...
سهيلة بدلع : وعنداك من نوصل تحضي الخدمة و تنساني ...
سمير بتاسم بخفة : الوقت لي خاوي عندي اندوزو معاك رضيتي دابا ..
سهيلة بفرح : عنداك غير تنكرني ...
سمير : مغاديش نكر .."سكت باين كيهضر مع شي واحد معاه عاد رجع هضرمعاها"...نخليك دابا عندي اجتماع ...
توادعو مع بعض و قطعات وهي فرحانة و عيونها كيبريو ..كملات الاجراء و تمات داخلة من جهة لبوليس اطلع لفوق حتى تمدات يد مسكات يديها و دوراتها عندو بجهد ...فور ما ركزات فشحص خرجات عنها بصدمة ...
سهيلة : عمااااد...
عماد كيلهت و حبات عرق متكون على جبهتو باين كان كيجري ..زير على يديها كتر و ملامحو قاصحين ...
-علاش ما قلتيش ليا اتسافري ...
كمشات حجبانها بصدمة و فور ما سمعات سؤالو تحولات الى عصبية و نفضات يديها من بين يديه بكره ...
سهيلة : متقييصنييش..."خنزرات فيه كتر"..شكون نتا أصلا باش نعلمك فين غادة و بشمن صفة دخل فحياتي ...
"تتبع"..
Oops! This image does not follow our content guidelines. To continue publishing, please remove it or upload a different image.
