TBC: Owell Colton

TBC 5

Fia Sanchez [POV]

Nilayasan ko si Owell! May pa-hi-hi pa. Ang kapal naman ng mukha niya. Pagkatapos niya akong i-text ng ganon?

"Sissy! Mag hahalikan na yang kilay mo. Salubong masyado. Ano bang sinisimangot mo dyan?" tanong ni Veronica. Nakasalubong ko lang siya.

Papunta kasi ako ng court dahil may rehearsal kami ng pep squad. "Hayaan mo silang mag halikan. Kaasar like err!"

"Ano bang nangyari sayo?"

"Si Owell kasi eh! Basta sissy! Bye na! Mamaya na lang. Malelate na me sa practice."

Tumakbo na ako papunta ng court. Ayokong ma-late at baka pag initan na naman ako ng bading naming assistant choreographer ang pig tail ko. Psh. Like inggit lang siya.

"Oh Fia. Late ka na naman!" bungad ni Gela na bading. Siya 'yung assistant choreographer na tinutukoy ko.

"Tse! Maaga lang kayo," pagdadahilan ko.

Sinasagot ko talaga siya kasi kung anu-ano lang naman ang sinasabi niyan. Like ngayon, may ten minutes pa ako to change for my rehearsal clothes. They're just mad at me kasi kaagaw ko sila kay Owen. Siyang bading at ang pinsan niyang babae na si Honey na isa rin sa cheerleader.

"Gela, hayaan mo na nga yang isip bata na yan!" komento ni Honey.

Ayoko sa lahat sinasabihan akong bata except for Owen. Like OMG! Dalaga na ako! I'm just being cute and pretty kaya iniisip nila na bata pa ako. Grr.

"Mag tigil kayong mukhang horse at kambing! Uy, magpinsan nga. Parehong damo ang kinakain. Hahahaha!" asar ko.

Nagtawanan din ang lahat sa sinabi ko. Nag ingusan naman silang dalawa. Inirapan ko na lang sila. They can't beat me. Palaban ata ako. Bata man ako sa kanilang paningin pero hindi ako kayang paiyakin. Taray rhyme 'yon. OMG!

Dumating na ang mga basketball players. Syempre kasama si Owen dun kaya ang mag pinsan panay ang pa-cute. Eww. Hindi naman bagay.

"Hi, Owen! Mwahugggs!" sigaw ni Honey.

"Papa Owen! Labs shuuu!" hirit naman ni Gela.

"What the hell?! Panira naman ang magpinsang kabayo't kambing!" inis na sabi ni Owen dahilan para humagalpak ako ng tawa.

"Hahahaha!" I rolled my eyes. "I told you, kabayo't kambing kayo! Hahaha!"

"Don't laugh, Fia. You sound like a baby," singit ni Owen.

Aish! Napatingin ako sa mag pinsan na ngayon ay tawa din ng tawa. Inirapan ko na lang sila at pumunta na sa pwesto ko. Okay ng sabihang baby atleast cute. Kahit assistant choreo si Gela, hindi niya ako magawang maalis sa team dahil malaking kawalan ako. I'm a good flyer para sa isang newbie.

"Next stunt!" sigaw ni Gela sa akin habang nakalift ako. "Gusto mo din si Owen diba? Magpakitang gilas ka nga."

"Why would  I do that?" ganting tanong ko mula sa taas.

Hindi ko alam kung bakit pero parang nawalan ako ng gana kay Owen. Unlike before, excited ako sa practice kasi makikita ko siya pero ngayon I don't care. Ewan ko. Or wala lang ako sa mood today.

"Taray! Or baka takot ka lang?"

"What do you want me to do?"

"Mag somersault k," sagot ni Gela.

Nagulat ako sa gusto niyang ipagawa. Newbie lang ako kaya wala pa akong ganong alam lalo na sa stunts pero mabilis akong matuto. But he wants me to do somersault without practice.