في منفى الشيطان •{مكتملة}•

البارت 1

🎭في منفي الشيطان 🎭

بارت 1🌠
💮كانتصادفو ببعض الفترات فحياتنا كتغير مجرا حياتنا و كتغير فينا أشياء بزااف بعض المرات للأفضل... و بعض المرات للأسوء ...،و فوسط هاد الفترة كنتحطو فموقف صعب بين الاختيار الصحيح و الاختيار الخطأ و هو لي كايحددك...💮
فقصتي غانشوفو كيفاش غايتبدلو شخصيات فالقصة و غانعيشو معاهم مغامرتهم 🍃🌿

_____________🍃فغابة كبيرة🍃 ________________

كانو خاجين كايجريو بعد ما ضربو الحارس بقرعة زاج على راسو ... دخلو للغابة و بقاو كايجريو مبتاعدين على المستودع فين كانو... جاو الحرس بعد ما عيط لهم الحارس لول و اشارليهم الحارس لول على الطريق منين هربو... تبعوهم من نفس الطريق ...كانتباقي الشمس ماشرقات  و صعابت  عليهم رؤية  و صوت الشجر لي كايحركو البرد مبقاوش كايسمعو اصوت خطواتهم....  فجيهة اخرى وقف كايشوف واش باقا تابعاه لقاها واقفة كاتنهج..
...:وقف نتنفس راني مقدراااش نجري
الولد:الا وقفنا هنا غايلقاونا... غير زيدي تانوصلو لشي بلاصة امنة.
جرها و بقاو غادين كايجريو فوسط الشجر....وصلو واحد الجبل و فوسط كهف.
البنت:اجي ندخلو هنا و نستاراحو.
الولد:وااخة .
دخلو للكهف كان مسدود بشي خشبات حيدوهم و دخلو... كان مضلم. ... ومداخلش ليه الشعا.
البنت: هما غايلقاونا هئ هئ هئ كيغانديرو نخرجو من هاد الجزيرة.
.الولد:معرفتش معرفتش أنا براسي ممرهتش نخرجو و لكن راك سمعتي مكاينش لي اسمعنا و لا لي اعتقنا
البنت:ضروري جدي ماغايدير شي حاجة باش القانا ضروري هئ هئ هئ هئ
الولد :كنتمنى كنتمنى.

⌛#الحاضر⏳

على طبلة الفطور گالس الحاج محسن السملالي و الحاجة مريم ... نزل سمير الابن البكر مع زوجتو نجوى..سلمو على الحاج و الحاجة...و گلسو افطرو...
الحاجة:ولدي مقلتيليش امتى غايجي حفيدي
سمير: قال سيمانة جايا ان شاء الله
الحاج:و أخيرا غانتجمعو ...ثلث سنين مشفناه توحشناه بزااف
الحاجة(و الفرح باينة من عينيها) :نجوى بنتي غدا نزلو للمول نتشريو غاع داكشي لي كايعجب حفيدي
نجوى:واخة الحاجة ان شاء الله

ناض الحاج و ولدو خرجو للشركة...أكبر شركات لي فالمغرب عندو جوج ابناء عايش معاهم هو و عائلتو المكونة من زوجتو نجوي وابنو أنور و الابن الأصغر عايش علي برا بوحدو ...بينما كملو الحاجة و نجوى هضرتهم على اش غايوجدو

.....يتبع🎲
ماتنسو فوت و تعليق ⭐