في منفى الشيطان •{مكتملة}•

البارت 2

🎭في منفى شيطان🎭

البارت 2🌠
_________________🍁فلندن🍁_________________
و بالتحديد فجامعة لندن لإدارة الأعمال
كان حفل تخرج الطلاب المجستر... كانو غاع طلاب لابسين لباس تخرج... اليوم الكل فرحان ...شي معانق شي كايبكي بالفرحة...و شي كايلتاقطو صور مع صحابهم... دخل مدير الجامعة و هز المايك
المدير: بغيت نقدم ليكم طالبة الأول فجامعتنا هاد العام و لي هي رغد الحطاب
تقدمات بابتسامة و لباقة للمنصة قدام المايك.
رغد:اليوم بالنسبة ليا حلم و تحقق كان شبه مستخيل و لكن كيف ديما بابا كايقولي تاحاجة مامستحيلة لاخدمنا عليها و تعبنا باش نحصلو عليها ،اليوم حققت رغبة واليديا و حلمي. و غارجع بافتخار لعندهم و هما رافعين راسهم فيا ...و كنشكر مدير الجامعة على الوسام هاد شرف ليا ومفخرة لبلادي و نتمنى نكون متلت بلدي أفضل تمثيل.
نساحبات رغد من المنصة... تحت تصفيق الطلاب و اساتذتها ...و الكل كايبارك لها ...كملات رغد الهضرة مع المدير و اساتذتها و كانت غادا خارجة.... تاكتسمع شي حد كايعيط دارت لقات جاك مبتسم
جاك:رغد
رغد:وي
جاك :مبروك عليك تستاهلي خدمتي باش تحصلي على هاد الوسام
رغد(بابتسام):شكرا ،و مبروك عليك تانتا نجاحك.
جاك:شكرا .
بتاسمات ليه رغد و كملات طريقها
كان منتابه لحديثهم تاكملو
أنوار:شتك بحالا طايح فالبنت
جاك:لا غير كايبانليك
أنور:عرفات كيفاش تثير انتباهك(و ضحك باستهزاء)
جاك: هاد البنت من نفس بلدك ...علاش كتهضر عليها بحال هكا و كنشوفك بعض المرات كتعامل معاها خايب و كاتبسل عليها
هز راسو مبتسم :لاحقاش هي ماشي من مستواي و مكنحملش دوك لي كايتمسكنو و زعمة راها درويشة لاكن فالحقيقة راها لفعة غير كاتبين أنها بريئة
جاك: مالك اصاحبي على هاد الهضرة البنت مدارتليك والو باش تحتاقرها و دوي عليها هكا..زائد أنها عانات باش وصلات لهنا عكسك انتا لي داخل بفلوس باك (شاف فيه باستهزاء)
شاف فيه مطول و دوا باستهزاء:بانلي كادافع عليها اكما...
جاك:نتا داكشي لي فراسك أنا قلت غير اش كانشوف ممنحقكش دوي عليها هكا و هي مداتليك والو...و هادي لي كادوي عليها هكا غاتصدمك فلخر و غاتعرف راك غالط اسي أنور .
أنور:عنداك لاتصدق صادماك نتا أنا أنا اش بيني و بينها الله انجيني منها.
أمير :فعلا ما كايطيح بالمغربيات قد المغاربة (طلعو و هبطو) من الأفضل تبعد منها و مدخلش فيها كانت خايبة أو مزيانة مأداتكش بتاحاجة بعد منها .
انور:دابا كلكم درتو فيها و جيتو من جيهتها ههههه هادي هي صحبة المساخيط هههه
جاك:نتا لي جبدتي على راسك صداع.
أمير: فلخر دالاسبوع غاترجع للمغرب ياك.
أنور :ااه و اخييرا غانرجع مكاين غير راحة و سياحة هههه
(و كملو هضرتهم بضحك )

📌دابا نعرفكم على الشخصيات
أنور 28سنة أكبر واحد فصحابو بسباب أنه ساقط شحال من مرة ،حفيد السملالي،و هاد العام غايرجع النغرب و استلم تاهو منصب فشركة جدو.
📌رغد حطاب 25سنة من عائلة عادية بنت أستاذ ،كافحات و حصلات على فرصتها تاجات لندن و تخرجات .
من بعد وغانزيدو نتعرفو على أبطالنا كثر .
📌أمير قيصر شاب مغربي ولد أغنى أغنياء المغرب،26سنة و تاهو كايقرا فنفس صف مع أنوار و جاك و رغد

.....يتبع🎲