🎭في منفي الشيطان🎭
الحاج: من تم قلبت علي هاد دون و هو لي غاينتقم لينا.. بلا مانوسخو يدينا
جاد: و لا تقلب علينا.. و رجع ضدنا
الحاج: مايمكنش ايديرها.. و للاحتياط راهو رشاد اعلمنا
#بليل
دخل أمير للفيلا.. و تاجه نيشان لغرفتو.. بدل حوايجو وجبد البسي.. اشوف واش دار جدو شي اتصال.
دخلات نعمة.. هز راسو و جمع البيسي
نعمة: ولدي.. فين غبرتي اليوم
امير: والو غير كان. عندي شي شغال
نعمة: و اشمن شغال هادو اولدي
أمير: دالخطوبة دغدا
نعمة: الخطوبة!.. واخة اسيدي.. و وجد راسك غدا فصباح غانمشيو بكري
أمير : واخة الوليدة
نعمة: و نزل تعشا واخة
امير: واخة
خرجات نعمة و خلات ولدها.. صافي دابا كايتسني الغد بفارغ الصبر.. غدا غايكشف الوجه الحقيقي لجدو
#عند_رغد_و_أنور
أنور: صافي مفاهمين
رغد: فهمتك.. و لكن ولا تقلبو علينا الخطط ديالنا و ولاو ضدنا
أنور: مايمكنش... مخصناش نسمحو ليه اغلبنا هاد المرة.. فرصتنا الوحيدة غانتقاتلو باش نكسبوها و نخرجو من هنا ليلة
رغد: عندك الحق.
أنور: يالاه مشينا؟
رغد: مشينا
تحركو انور و رغد متوجهين للبيت لي غايكون فيه دون.. وصلو للمستودع فين كانو محبوسين..دار أنور و شاف فرغد و ومء ليها براسو و كملو للبّيْت لي حدا المستودع ..جبد أنور الفردي و شاف فرغد و لاخر مرة و دخل و هي بقات برة حسب الخطة
دون كان جالس فكرسيه و شاد كاس دالشراب..و مغمض عيونو و كايسمع موسيقي كلاسيكية.. أنور استغرب و لكن منساش هدفو.. و صوب السلاح فوجهو
أنور: اديليو.. هادي لاخرة ليك
فتح دون عينيه بهدوء و ابتسم ابتسامة ماكرة : وصلتي على سلامة
أنور بقا مركز فملامحو و كيفاش بقا هادئ...وقف دون
أنور: رجع جلس.. و الا
دون قاطعو: و الا شنو اتضربني بهاد السلاح لي فيدك.
أنور: متستفزنيش... و لا غانخويه فراسك
دون: لاء لاء أنا باقي باغي نعيش
و بخفة شد سلاح من يد أنور و صوبو فراسو : باقي باغي نعيش و نشوفك كاتموت قدامي و باك كايتحرق عليك
أنور تبهض من سرعتو و لكن مبينش و بقى محافظ علي هدوئو و ايمشيو حسب الخطة
دون: ااااه فهمت دايرين ليا فخ (قرب منو و شد دقنو بعنف و حط السلاح فحفكو) ماشي دون لي غاطيحوه بهاد السهولة جووج بعالك مغايفشلوش خططي... فينها البنت... (حط سلاح فراسو و كايفكر) اش انت سميتها.. اممم.. اااه لقيتها رغد رغد...
شاف حواليه و بدا كايعيط و كايقلب : رغد.. خرجي باني.. عليك الامان.. أنا متأكد انك مخبية هنا فشي قنت... ابروميس الا خرجتي نخليك انتي لاخرة (و ضحك بمكر و شر خاج من عينيه)
رغد برا قرب نافدة و كتسمع اش واقع.. و لكن واخة ماعرت اش يوقع مخصهاش تدخل دابا ..أنور دارس الخطة فبالو و لكن كايتسنى اللحظة المناسبة
دون حس بهدوء أنور الغريب و رغد لي مبغاتش تخوج من مخبئها.. ابتسم.. كان كايضن انه مغايكونش بهاد الشجاعة .
أنور: انتا اش غاتستفد من هاد الانتقام الخاوي...شخص لي باغي تنتقم ليه مات.
دون: هادشي مشغلكش.. فكر فكيفاش غاتخرج انتا و الانسة (و رجع هز سلاح فوجهو)
أنور: مباغيش تعرف علي عائلتك.. باغي تقتل خوج باش تنتقم لامك.
طريقة انور فالهضرة مستفزة خلات دون اخنزر و ايقرب منو و ايشنق عليه
انور: معرفتي عائلة مك كايقلبو عليك.. و لا بطبع غايكون متبرين من بنتهم الموسخة لي جابت ليهم العار
مع اخر كلمة نطقها أنور.. نزل عليه دون بلكمة للوجه ...ابتسم انور استفزازا للدون.. و لي جعر
دون: متجبدش سيرة أمي على لسانك
أنور: زعمة اكون الوليد حاس اصلا بوجودك...مكنضنش.
نزل عليه دون بضرب و أنور مداير تاردة فعل
انور: نصيحة مني ليك كح كح قلب على لي اهتم بيك لهادشي لي باقي ليك فالحياة ههههه الانتقام مغايزيدك بتا حاجة
دون هز سلاحو و مبعد منو و موجهو ناحيتو.. فنفس لحظة انور غوت باسم رغد...( رغد لي كانت فتحات نافدة من ورا الدون وقت شجارهم)... رمات بصخر متوسطة على كتف الدون و لكن للاسف جات الطلقة فدراع أنور.. رغم اصابتو خرج و و جر معاه رغد... و مشاو داخلين للغابة
.....يتبع ✨
YOU ARE READING
في منفى الشيطان •{مكتملة}•
Adventureالقصة مشوووقة 🔥🔥سيناريو جديد 🎬بفكرة مختلفة 💡خيالية 💭ولكن بشكل زوين ،و ضروري من الحب ♥ لذا كونو علي استعداد لأول مغامرة معايا نتمنى تعجبكم و ماتبخلوش عليا برأيكم ضروري 💥 (بالدارجة المغربية) بعنوان: #في_منفى_الشيطان🎭 ✒بقلمي: #Oumaïma_Bou✒ ♣هاد...
