🎭في منفى الشيطان 🎭
البارت 13🌠
#عند_نادين
حاولات تتاصل شحال من مرارا لرغد ولكن كاتلقى الخط مغلق انتابها شعور خايب ،و لكن حاولات تكون إيجابية و كتصبر راسها أنها غير طفاتو مني جلسات مع عائلتها.
خرجات شانطتها و مشات للمطار ،جا وقت رحلتها ركبات و رجعات للمغرب بضبط لمراكش.
نزلات و تلاقات بخوها لي جا إيديها ،مشا للفيلا ديالهم و استقبلوها خوتها و وليديها. تعشات معاهم فجو أسري و ضحك و كولشي فرحان بلمتهم ،سالاو عشاهم و كل واحد دخل لغرفتو انعس.
دخلات نادين لغرفتها بدلات حوايجها و عاودات حاولات تتصل بيها ،لاكن باقي كايعطيها لخط مشغول
نادين: ربما تكون نعسات و نسات تيليفونها ،غدا و نعاود نتصل بيها
خلات ليها مساج كاتلومها حيت نساتها مني وصلات. حطات تيليفون و تخشات فبلاصتها و كالعادة لازم تجيها ذكريات على أمير تاداها نعاس.
#فمطار_الرباط
محمد مني جا للمطار و هو كايقلب عقلو خرج بالتقلاب و كلقاهاش ،حاول ادخل للمطار مخلاوهش حيت معندوش باسبور ،سول ناس ،مخلا تاشي طريقة و ملقاهاش... وصلات 9 دليل أمو كدور ليه
محمد: ألو الوليدة
خديجة: الو ولدي مالكم تعطلتو ياك لاباس
محمد: والله ماعرفت مانقولك امي
خديجة فقلق: مالك اودي اش واقع
محمد: مني ةيت للمطار ملقيتش رغد... قلبت عليها خارج المطار و ملقيتهاش.. كانحاول نتصل بيها و لكن من دون فائدة تيليفون طافي
خديجة: اشنووو الله ياربي و فين مشات بنتي الله.
محمد: الوليدة انا غاندير جهدي و غانمشي للبوليس نديكلاري ،ماتخافيش
خديجة بالبكاء : واخة اوليدي غير رجعي ليا بنتي سنين ماشتها و نهار جايا تجلى هئ هئ هئ
محمد: غانعاود نتصل بيك من بعد بسلامة
خديجة: واخة اوليدي بسلامة
قطع محمد مع امو و مشا خدا طاكسي للكوميسارية ،دخل ليها سول على بلاصة فين تايقدمو البلاغات ،دلوه عليها ...دخل للمكتب واحد من الموظفين
محمد: سلام عليكم
البوليسي : وعليكم السلام ،تفضل اسيدي جلس
محمد: شكرا ( و جلس فالكرسي)
البوليسي : مرحبا اسيدي فاش نقدر نعاونك
محمد: بغيت نقدم بلاغة علي ختي
البوليسي: مالها ؟
محمد : مختفية
البوليسي: امنا اخر مرة هضرتو معاها او شفتوها
محمد : كانت جايا فطيارة و مني نزلات عيطات ليا و مني جيت لعندها ملقيتهاش و تيليفونها مطفي
البوليسي: منين كانت جايا
محمد: من لندن
البوليسي : و انتا متأكد انها ركبات فالطيارة
محمد: اه بطبع علاش غاتكذب عليا ،هي سنين مرجعات للمغرب ،تالهاد العام فاش سالات قرايتها و كانت راجعة .
البوليسي حدر عينيه علي الوراق و قال: سير تادوز 24 ساعة عاد ممكن تقدم البلاغ
محمد: كيفاش ،و لكن راه أنا متأكد أختي واقعة ليها شي حاجة مايمكنش تغبر هكا
البوليسي: فالقانون خاص حتا دوز 24 ساعة عاد امكن تقدم بلاغ ،هادشي لي عندي.
محمد وقف : دابا أختي مختفية ممكن تكون واقعة ليها شي حاجة و انتا كاتهضر هكا.
البوليسي: احترم راسك الله اخليك احنا فكوميسارية ،و هادا راه القانون و كايطبق على كلشي ، مني دوز 24 ساعة الا مابانتش عاد تبلغ دابا تفضل الله اخليك برا ،عندي بزاف مايدار
محمد مزادش معاه كلمة وحدة و خرج من الكوميسارية مكسور ،حاير ،معارفش اشنو غايدير فهاد المحنة و اش غايقول لعائلتو و لباه لي مريض.
رجع لدار محطم و مسلم أمر لله ،دخل لدار و لقا مو فحال لا يرثى لها واختو كاتبكي ...دخل و جلس قدام امو و نهار بالبكا.
دازت ليلة صعبة علي عائلة رغد ،محمد موقفش هنا و تاصل بصاحبو بوليسي باش اعاونو فهاد القضية
الشعور دخسارة شخص عزيز صعييبة خصوصا لا كان اخ 💔
....يتبع 🎲
متنساوش فوت ⭐للتشجيع و تعليق
YOU ARE READING
في منفى الشيطان •{مكتملة}•
Adventureالقصة مشوووقة 🔥🔥سيناريو جديد 🎬بفكرة مختلفة 💡خيالية 💭ولكن بشكل زوين ،و ضروري من الحب ♥ لذا كونو علي استعداد لأول مغامرة معايا نتمنى تعجبكم و ماتبخلوش عليا برأيكم ضروري 💥 (بالدارجة المغربية) بعنوان: #في_منفى_الشيطان🎭 ✒بقلمي: #Oumaïma_Bou✒ ♣هاد...
