الحب و المافيا _ باللهجة الجزائرية _

بارت 6

بعدما خرج ايهم تالين طرطقت بالبكاء ؛ قعدت تبكي حتى رقدت

نروحو لجهة اخرى :

**** : مسيو تعيش ...
ايهم : لاخر مرة نقولك شكون قالك تسرق les dossiers من عندي
**** : معلباليش ... منعرفهومش هددوني بعائلتي
و ....
ايهم : اقتلوه

خرج ايهم بكل برود ؛ خرج موراه اياد

اياد : باين بلي معلبالوش
ايهم : هو خاف على عائلته منهم و مخافش مني و ملي راح يصرا كي نعرف بالخيانة تاعو ؛ مرانيش فاهم كيفاش شيخ هذا قدر يدخل و يسرق و نتوما مقدرتوش تشوفوه

راح ايهم للشركة تاعو و كمل يخدم

في الصباح : 

رجع ايهم الصباح للدار دخل بدل حوايجو و خرج كي كان هابط شاف يماه

ايهم : صباح الخير يما
هالة : واشمن خير
ايهم : غير الخير تاني
هالة : سمعت بلي راك غالق على تالين فالشمبرة
ايهم : ايه و مبعد
هالة : و مبعد ! شوف ايهم الطفلة امانة عندي مجبتهالكش هنا باش تحبسها ترضى ديرها لختك
ايهم : لوكان جمانة اليوم كسرت كلمتي كنت راح ندير معاها طيما درت مع هذ الطفلة
هالة : فتحلها تخرج
ايهم : كي تنفحلي
هالة ( عيطت عليه ) : اييهم ؛ لهنا و خلاص راح تروح و تفتحلها الباب سينون مراحش نرضى عليك
ايهم : يماا ........ اليوم راح نفتحلها بصح اذا رجعت غلطت وقتها مراحش نكون responsabl على لي راح يصرا

راح ايهم لشمبرة تالين فتح الباب و دخل

تالين : اونفان رجع عقلك لراسك و فتحتلي الباب
ايهم : بلعي ***** **** ؛ مفتحتلكش بارسكو غضتيني فتحتلك الباب على جال يما و لوكان تتعاود وقتها متلومي غير روحك

خرج و خلاها

تالين ( تعوج فهدرته ) : متلومي غير روحك ... واش حاسب روحو ياخي جايح كبير و بهلول

صونا تيليفون تالين

تالين : رزاان .... الو
رزان : تالين حبي عمري
تالين : يا الحمارة هاذي غيبة عندي شحال و انا نسيي نعيطلك والو
رزان : سمحيلي حبيبتي بصح كي رحت عند عمتي تكسرلي تيليفون حتى رجعت لهنا باش شريت واحد
تالين : معليش ؛ ايه حكيلي عجبك الحال عندها
رزان : بزااف حطة عندها ؛ بصح جيت عندك الصباح و عرفت من جارتكم لي صرا ؛ ربي يرحمها تالين كنت متمنية نكون معاك في نهار صعيب كيما هذاك
تالين : هكذا كتبلنا ربي
رزان : وين رحتي دوك
تالين : راني عند طاطا هالة ؛ صحبة ماما ناس ملاح بزاف و عندها ولادها تاني جمانة و جود توام grave   هايلين بصح الكبير كارثة لوكان تشوفيه شحال متكبر و حاسب روحو جوست بارسكو هو ايهم ¤¤¤¤
رزان : srxx ... ايهم ¤¤¤¤¤
تالين : بشحمو و لحمو
رزان : ااه الزهر لي عندك لوكان برك تصحلي نشوفو
تالين : امم تشوفيه و تندمي على نهار لي شفتيه سيد دارلي كوشمار فحياتي ؛ ميحملنيش و خارج فيا تقول قتلتلو باباه
رزان : نورمالمو تحمدي ربي صباح و عشية كي راكي تشوفي وجهو و تهدري معاه
تالين : لوكان نلقا نقتلو و نشرب من دمه
رزان : اووه وقتاش وليتي  agressive  هكذا ؛ ديجا هذو لي يظلوا يضاربو تخلاص عليهم طايحين في بعضهم ؛ اا ايماجيني يكون يحبك تالين اسمعي راح يولي نسيبي ايهم ¤¤¤¤
تالين : اااااه ايهم ¤¤¤¤ ايهم ¤¤¤¤ ايهم ¤¤¤¤ يعطيه غمة تغمو و كي راكي تقولي حب و ما حب محااال impossible  نحب واحد كيما هذاك لازم واحد يكون رومانسي و حنين  gentleman 
رزان : اممم كيما رائد ياك
تالين : رزان

شوية تفاعل نحطلكم بارت 7 💜