الحب و المافيا _ باللهجة الجزائرية _

بارت 19

هبطت لتحت تالين لقاتهم يسقهواو قعدت منبعد شوية نطقت

تالين : طاطا هالة
هالة : انعم بنتي
تالين : اممم .... هاذ الويكاند راهم جايين يخطبوني

جمانة كانت تشرب فالجو حصللها

جمانة : قصدك ادم
تالين : امم
جمانة : ماشي كنتي رافضة
تالين : ايه بصح خممت مليح لقيت بلي هذا هو الصح
هالة : شكون هذا المزهور
تالين : واحد عرفته فلفاك
هالة : بصح يا بنتي مزالك صغيرة و مزالك تقراي
تالين : طاطا نلبسو الخاتم برك و الزواج بعقلو
هالة : اذا كنتي حابة معندي مانقولك

كملو يهدرو تالين مرة مرة كانت تخزر فايهم لقاته ياكل بكل برود

ايهم : بصحتكم هذا هو انا نروح

في الليل :

بعدما تعشاو كامل كل واحد راح لشمبرته تالين هبطت للكوزينة تشرب الماء غاست و هي تخمم اذا واش دارته صح حست بعبد دخل دورت راسها لقاته ايهم راح للفريجيدار جبد قرعة ماء فالوقت لي كان يحط فيه فالكاس كان يهدر

ايهم : تحبيه
تالين : ..... بلاك
ايهم : حسبتلي نتي حاطة قرايتك و مستقبلك قبل زواج ؛ جامي جاتني في راسي بلي راح تتزوجي في هذا العمر
تالين : قلت راح نتخطب ماشي نتزوج ؛ بصح نتا لازم تحوس على وحدة باش تتزوج راك كبرت
ايهم : لوكان مخطبوكش لوكان تزوجتك

الماء لي كان في فم تالين رجعته

ايهم : متخافيش مراكيش نوع لي نحبو
تالين : مام انا مرانيش ميتة عليك
ايهم : اوو

دنا عندها و لسقها فالحيط

ايهم : راكي سور
تالين : امم
ايهم : واشنو امم
تالين : ....
ايهم : مراحش تكون كاينة خطبة
تالين : وعع.. وعلاش
ايهم : منخلي حتى واحد يديك نتي تاعي انا برك

تالين كانت راح تذوب و هي تسمع فيه ؛ جبد روحو منها

ايهم : باين بزاف بلي راكي ميتة عليا ؛ قتلك منقبل متهدريش حاجة متقدريلهاش

جازو اليامات و لحق نهار الخطبة

ناضت تالين صباح دوشت و لبست روبا سامبل دارت شعرها ondulé و مكياج سامبل ؛ مكانتش فرحانة كامل ندمت بزاف لي قبلت كانت لحظة تهور و زعاف
كانت معاها رزان جات صباح بكري كانت فرحانة بزاف لصحبتها على الاقل تضمن بلي راهو معاها راجل هنا

دخلت هالة عندها

هالة : الله يبارك على بنتي ربي يبعد عليك العين
تالين : يسلمك طاطا
هالة : هاكي هذه

لبستلها سنسلة تاع ذهب

تالين : اهه طاطا وعلاش عليك ...
هالة : مترفضيهاش ؛ عتبريني كيما يماك ، هيا انا نهبط نشوف اذا كلش راهو واجد

.....

رزان : مراة هذه شحال هايلة و عاقلة يا تالين
تالين : امم بزاف لوكان ماشي هيا معلباليش كيفاش كنت راح ندير

هكذا شوية لحق ادم و عائلته استقبلتهم هالة و مام جود لي جا صباح كي سمع بلي خطبة تالين و جمانة دارت سبة بلي راهي مريضة متقدرش تهبط و كان خال تالين احمد هو انسان مليح بزاف بصح مقدرتش يماها تخليها عندو على جال مرته على بالها بلي متقدرش تقعد مرتاحة معاها

هالة : رستم
رستم : هالة

سلمو على بعضهم

رستم : هذي غيبة
هالة : الله لا يغيبك
ادم : تعرفو بعضكم !!!
رستم : ايه و من زمان

دخلتهم هالة للصالون منبعد قعدو يهدروا

منبعد دخلت تالين و في يدها سنيوة القهوة سرباتلهم و قعدت

ادم : تالين نعرفك هذا عمي رستم و هذا وليد عمي انس و هذه خالتي مريم
مريم : ايه مقلتناش بلي عروستنا شابة هكذا

في هذا الوقت دخل ايهم

رستم : ايهم اذا مرانيش غالط
ايهم : ايه !!
رستم : كيفاش نسيت عمك رستم
تالين : منين تعرفو بعضكم
ايهم : .... ايه نعرفو معرفة قديمة
رستم : نعرفك بوليدي انس و هذا العريس تاعنا ادم و هذه خالته مدام مريم

ايهم : معرفة خير انا جيت ندي دوسيي لازم نروح

........

رستم : باش ندخلو فالموضوع ديراكت جيناكم طالبين بنتكم تالين لوليدنا ادم
احمد : اذا الولاد قابلين حنا معندنا منقولو قابلين نمودلكم بنتنا

المهم ناضو لبسو لخواتم منبعد سلم ادم على راس تالين قطعو قاطو و هكذا ولاو مخطوبين