ناضت تالين ليسات شعرها دارت مكياج و لبست combinaison مفتوحة مالفوق و طالون لي بسيف باش قدرت تمشي بيه ماشي موالفة بيه ؛ خرجت بلعقل و هبطت ؛ خرجت مالباب لي ملور كيما العادة قعدت تستنا شوية حتى جات رزان فطاكسي لحقو لواحد الفيلا بزاف شابة
تالين : منين تعرفي هاذ العيباد
رزان : تالين متعينيش
دخلو للداخل ؛ كانت الدار معمرة بنات و دراري دارو الحفلة برا قدام لابسين خرجو لبرا ؛ رزان بدات دير لواحد تما بيدها جا عندهم
تالين : اممم ....
انس : انس .... مرحبا بيكم عندي
رزان : تالين تعرفنا انا و انس نهار الخطبة و قعدنا نهدرو منبعد و ولينا ديزامي ...... انس هاك هذا الكادو تاعك
انس : يعطيكم الصحة وعلاش شقيتو روحكم
.......
تالين : مليحة هذي وليتي ديري و تخبي عليا
رزان : تالين واشبيك علبالك علاقتك مع ادم كانت عيانة محبيتش نقولك راني نهدر مع وليد عمو
تالين : 😒😒😒
رزان : هيا تالين جينا باش نحيو على خاطرنا
رزان تمتم راحت مع انس و جماعتو تتعرف عليهم وكيما سيفت على تالين تروح معاها محبتش راحت تالين رفدت كاس جو و دنات عليهم كامل قاعدة تتفرج فسماء و تسترجع واش جاز عليها كامل حتى حست بيد تحطت على كتفها دارت لقاته واحد جان
امين : امين ... انا امين
تالين : تالين مقتليش واش جيت دير
امين : كي شفتك قاعدة وحدك حبيت نشوف واشبيك
تالين : اممم 😑
امين : خلاص ... عجبتيني و تبعتك لهنا .... جابلي ربي ماشي موالفة بهاذ العفايس
تالين : امم يعني .. جيت مع صحبتي بصح مراهيش بلايص لي متعودة عليها
امين : معليش توالفي ..... ارواحي
كركرها موراه و داها لوسط الحفلة ؛ بداو يشطحو و سيف عليها مع الاول محبتش منبعد عجبها الحال موراها زادو لعبو des jeux و لعبو action vérité و في زهر تالين رماوها فلابسين
تالين : رزان لازم نروحو راهي 4 تاع صباح
رزان : ايه هذاك هو ديجا لازم تروحي تنشفي روحك سينون تمرضي
.......
امين : تالين سناي .... هاكي لافاست تاعي لبسيها البرد عليك
تالين : لالا كثر خيرك
امين : متيبسيش راسك دوك تمرضي ؛ هاكي المرة الجاية رجعيهالي
لبسهالها و رزان كركرتها موراها
.......
لحقت للدار دخلت تمشي بلعقققل كانت طالعة حتى
ايهم : لوكان زدتي شوية
جمدت فبلاصتها دارت بلعقل و هي غالقة عينيها ... فتحتهم تلقاه قاعد فالفوتاي يتكيف
تالين : نتتت.....نتا
ايهم : لالا واحد يشبهلي .... واقيلا حسبتلك تخرجي من داري و انا معلباليش و تروحي تسهري برا و معلباليش و عند من عند وليد عم الانسان لي ضربك و رماك ياك
تالين : باردون راك تراقب فيا
كركرها و دخلها للواحد الشمبرة كانت قدام الشمبرة و غلقها
ايهم ( و بدا يعيط ) : ايه ندير واش نحب واش دخلك تخرجي فليل و تدخلي فهذا الوقت حسبتلك واحد مراح يحكمك
تالين : وقيلا نتا تحكم فيا
ايهم : عندك بروبلام ولا عندك واحد اخر راح يحكم فيك
تالين : دوزيام جي خير
خزر فيها مليح منبعد شاف لافيست مروماركاهاش كي كان يضارب
ايهم : تاعمن هذه
تالين : .... مصبح و انا نسيي نفهمك مول هاذ لافاست هو لي يحكم فيا ماشي نتا
زير على يدها و جبدها عنده
تالين : متقوليش غرت
كانت ديرلو بلعاني كيما دارلها من قبل
ايهم : ههه
تالين : نقولك حاجة ندير لي نحبو واش تكون باش تحكم فيا ؛ روح حكم فلي ساكنتلك قلبك و دارك
جبدت يدها و خرجت تجري لشمبرتها
يتبع ❤❤❤ ....
أنت تقرأ
الحب و المافيا _ باللهجة الجزائرية _
Romanceهو بارد قاسي كالجليد يهابه الجميع هي صغيرة مرحة كتب لها ان تعيش معه تحت سقف واحد الباقي تعرفوه فالقصة ملاحظة : القصة غير واقعية احداثها من نسج الخيال وهي من تاليفي
