هدية في حي الرجال

بارت ٣٣

سسسسبرررراييييز ☻😊

مراحب حبات قلبي مسائكم ⚘ورد ياورد⚘🙋‍♀️❤

٣٤٦٤كلمه قراءه ممتعه😊

#هديه_في_حي_الرجال
#بقلمي_زينب_العبيدي(الزينبيه)
#بارت٣٣

صدفه وجمعنه الوكت
صدفه وصرنه احباب
راوانه الدهر لجمات
وردينه........ اغراب
جنه نعيش..... الفرح
للحزن ما حسبنه احساب
نسينه الفرح بس جلاد
والحزن كل..... الكتاب💔

#بقلمي

وفجأه طلع رجال من البساتين كبالي لابس دشداشه سوده وملثم بغتره سوده مطالع من بس عيونه وحتى عيونه مايبينن  لان اللثام مضيق عليهن شكله يخوف اسود بااسود وعينه على السياره
ويتلفت يمنى ويسرى

خفت اني التفتت يمنه يسرى الشارع فارغ الساعه باالثنتين وربع الظهر

ضل يتقرب علي صار كبال السياره

طلعت تليفوني بسرعه بس محسيت اله
مد ايده بسرعه اخذ جنطتي والتليفون ردت اكمشها مالحكت صرخت حيللل

وهو فتح الباب وسحبني باالكوه وسد حلكي ومجتفني باايده بحيث ظهري صاير على صدره ومرفوعات رجلي من الكاع

ضليت ارفس اريد افلت ما اكدر
صوتي مخنوك باايده ضاغط حيل على حلكي شوي ويكسر فجي مايطلع اي صوت مني

ومستمر يمشي واني ارفس خذاني جوه باالبساتين ودخل جوه يمشي ويمشي  و كعدني باالقوه باالكاع وسحب حبل ربط ايدي واني اصرخ وحط قطعه اقماش بحلكي جبيره كلش وشد فوك حلكي خيط من القماش  اختنكت اريد صوتي يطلع ماكو دموعي تصب وجهي صار احمر نزعني شالي وربط بي عيوني

صار بس ظلام لا صوتي يطلع ولا اكدر اشوف شي ولا اكدر اتحرك بس ارافس برجلي اتمنيت يجي بكر او اي احد او اي شي يصير يخلصني منه شنو شحيصير احس روحي مرعوبه منو شنو يريد مني

سمعت تليفوني يرن وشوي وسمعته يكسر بي يمااه شسوي كل ما احاول اكوم يدفعني للكاع اتكسرت اعضامي ع كد ما يدفعني حيل

اريد اكله شتريد منو انت فكني بس احاجيك بس شلون وصوتي مايطلع احس حتى شرايني حتنفجر من ضغط الدم والخوف الي صار عندي