الفصل الثالث😍😍
منذ أن عادت سماح إلى بيتها فى تلك الليله وهى تجلس على فراشها وتضم ركبتيها أمام صدرها وترتجف تبكى بزعر لم يفارقها منذ خروجها من تلك المقبره..
أقترب صابر منها ورفع كفه يربت على كتفها يحاول تهدئتها ،.
إلتفت سماح له بغضب وهى تقول له بحده: أنت كنت عارف ان امك هتعمل كده فيا..
نكس صابر رأسه فى خجل وقله حيله ولم يرد،بينما عادت سماح تنهره وتصيح بوجهه وهى تقول :كنت عارف انها هتعمل كده فيا...وسبتها ياصابر...
ثم بدأت تبكى بحرقه وإنهيار،حينها إقتحمت أم صابر عليها الغرفه وهى تقول لها بصلافه وفظاظه: أه كان عارف ...وانا عملت فيكي ايه يعني ...ماهو كله عشان تخلفى وتحملى ...جربنا الطب والدوا ومجاش نتيجه...وكل الستات بيعملوليها كده وبعدها بتحمل ....انتى بس اللى فاكره نفسك بنت بارم ديله...
ثم نظرت لصابر الذى يجلس بجوار زوجته ولا يشارك حتى بالحديث وقالت له بلهجه أمره: قوم انت ياقلب امك نام جمب اخوك ..ريح جتتك ساعتين قبل ماتروح شغلك...وسيبها هى لدلع الحريم الماسخ ده ..
تلفت صابر حوله بتردد وسماح ترمقه بنظرات حاده فعادت امه تنهره وتقول : ماتقوم يا صابر عندك شغل الصبح...مش فاضيين لدلع الغندوره....
نهض صابر من مقعده وخرج من الغرفه ليغفوا بجوار اخيه هذه الليله مثلما امرت امه ،بينما كانت سماح تبكى وتنظر لامه بحده ..
نظرت ام صابر لها بتهكم وسخريه وقالت لها وكأنها تحدث نفسها : شوفى البت بتبصلى ازاى ولا كأنى اقتلتلها قتيل...؟!بكره ياختى لما تحملى زى النسوان اللى انتى شكلك مش منهم....ابقى افتكريني وادعيلى وقولى يجازيكي بالخير ياام صابر...ثم نظرت لها بغل وعادت تقول : يكش هو ابنى بس ماسك فيكي ....كنت طلقتك ورميتك من بدرى ...بس هعمل ايه الواحد بيخاف ربنا .....
ثم خرجت واغلقت باب الغرفه ورائها بعنف فألقت سماح راسها على الوساده تبللها بدمعها الذى كان يهدر بصمت حتى الصباح..
نهضت سماح عن فراشها ووجهها محتقن وعيونها متورمه من أثر البكاء طيله الليل،وخرجت خارج غرفتها لتجدهم جميعآ مجتمعين يتناولون طعامهم ..
وقفت سماح امام زوجها وقالت له بوجهه مقتضب: أنا هنزل أروح لجميله....إنهارده اجازتها ..
نظر لها صابر بتردد وحارت عينيه بينها وبين امه التى تنظر لها بتهكم ولم يرد،بينما ردت امه عليها بصلافه وقالت لها وهى تشير نحو الخارج: طريق السلامه ....وياريت ترجعى قبل الضهر عشان تلحقى تطبخى وتنضفى...
خرجت سماح من البيت على عجل بينما التفت ام صابر تحدث ابنها وتقول بجد: انا سبتها بس عشان قولت تغير نفسيتها شويه ...انا برضه بعامل ربنا ...
نظر لها صابر مطولا ثم عاد لصمته مره اخرى وهو ينكس رأسه للاسفل دون حديث.
كانت جميله تغفو فى فراشها وهى تتململ مغمضه العينين من كابوسآ يعتريها وعنوه إستطاعت فتح عينيها لتجد سماح بغرفتها تنظر لها بدهشه وتقول : مالك ياجميله...انتى اكنك بتتخانقى وانتى نايمه....
نهضت جميله عن فراشها وهى تضع يدها على صدرها الذى يتهدج بشده وتقول لها : كابوس ياسماح ..مبقتش انام الا واحلم بيه....
أقتربت سماح تجلس بجوارها حينما دلفت أم جميله إلى الغرفه وهى تقول لها : ما قولتلك ياجميله متنميش الا والمصحف تحت راسك ...معرفش. ايه الكوابيس اللى بقت تجيلك دى.....
رفعت جميله رأسها لسماح تحدثها وتقول بذعر يكتسى وجهها : كل لما انام احلم انى بجرى فى القبور بليل والاخر اقع جوه قبر مفتوح ويتقفل عليا....
ضحكت سماح بمراره وقالت لها بتهكم: شكلك انتى بتحلمى ....وانا يتنفذ فيا...
نظرت لها ام جميله بدهشه وعدم فهم ،فعادت سماح تكمل حديثها وتقول بحزن و دمعه جالت فى عينيها: بليل ام صابر قالتلى تعالى نروح مشوار وخدتنى زقتنى جوه قبر مفتوح...
شهقت أم جميله وضربت صدرها بفزع وهى تقول لها : ياقلبى يابنتى ...بينما جحظت عيون جميله بدهشه وهى تقول لها : الست دى مفتريه اه ...لكن اول مره اعرف انها مجنونه...ايه اللى يخليها تعمل كده...
نظرت لها ام جميله بشفقه وقالت لها محاوله تلطيف الجو:متزعليش ياسماح يابنتى ...هى كانت قاصده تخضك عشان تحملى .....ماهى عايزه تفرح بعوضكم برضه....
قالت جميله لها بحده : كلنا قولنالك ياسماح بلاش صابر.....الكل عارف امه ست مفتريه...
نظرت لهم سماح تقول لهم بقله حيله: يعنى ياجميله كنتى شايفه العرسان راحه جايه عليا....اهو الى جه وعبرنى....هعمل ايه يعني..
أردفت جميله تقول لها بانفعال: وجوزك متكلمش عاللى حصل ده ولا حاسبها...
ضحكت سماح بمراره وتهكم.و قالت لها : هو صابر بيعرف يتكلم ....دانا قربت انسى صوته..
ضحكت جميله وامها محاولين تلطيف الاجواء ونهضت ام جميله وهى تقول لهم : انا هقوم اعمل فطار نفطر كلنا سوا اكيد ياسماح جيتي من غير ماتفطرى...
قالت لها سماح مداعبه: الحقيقه ياخالتى...اللى يتصبح بوش ام صابر لا يجوع ولا يشتهى اكل ....وشها يسد النفس....
