حلقة2
المهم ضحكو سارة وحور قصرو (وكيما تعرفو طبيعة ا
لبنات يمنشرو هه) ايا طاح ليل وراحت سارة لدارهم باسك قعدت مع حور للعشيا بحكم حور طفلة وحدة عند يماها ديما تجيها تفرج عليها من فطة روح
المهم طاح ليل ورقدت بطلتنا
طلع صباح ويوم جديد على بطلتنا وفيه بزاف مفجأت
ناضت حور عاونت يماها كيما العادة
حور : ماما ني خارجة نبيع في مطلوع
زينب :معليش بنتي بلاكي على روحك والا تعبتي رواحي متكثريش على روحك
حور: اوك ماما باستلها راسها وخرجت ...
كيما قوتلكم حور طفلة شابة بزاف زينها ميقاومو حتى واحد طريق كاملة تمشي ويظلمو فيها كرهت
المهم باعت شويا حتى تشوف عجوز متغاشية راحتلها تجري بلا تردد باسك حور بزاف طيوبة نوضتها عونتها
حور:طاطا طاطا راكي تسمعي فيا
المراة : وي بنتي عونيني الله يسترك
حور: معليش طاطا هاتي يدك
المراة: اوك بنتي الله يحفظك والله عندي سكر ونسيت ناكل دواه اليوم حبيت نتعرف على لبلاد خرجت نمشي هاكي
شفتي
حور: طاطا كون مخرجتيش وحدك عندك الولاد
المراة وي بنتي عندي غي طفل واحد ومهوش هنا راه مسافر كون يسمع بيا صرالي هاك معادش يخليني نخرج كامل
حور :معليش طاطا هيا نديك لسبيطار نطمنو عليك
المراة :لالا بنتي راني مليحة يكثر خيرك دوك نعيط لدار دوني
حور:معليش طاطا
المرأة عيطت للخدام تاعها يديها شوي هاك تجي طوموبيل كحلة طويلة اقل ميقال عليها فخمة
حور :قعدت حالة فمها 😮😮😮
حور :هذا شكوون طاطا
المراة :هذا شيفور بنتي ايه نسيت واش اسمك بنيتي
حور :انا اسمي حور
المراة :الله يبارك بنتي اسمك على مسمى تبارك الله عليك حور عين بمعنى الكلمة
حور:مرسي طاطا عيشك 😊😊
مراة:بنتي اعطيني نميرو تاعك هاك باه نبقى على تواصل هه لازم نعرضك نهار
حور:ان شاء الله طاطا من غير يوم
المهم منطولش عليكم عطاتها نميرو تاعها ...
وراحت حور لدارهم حكات اليماها واش صرا معاها وعيطت لسارة حكتلها
زعما شكون هادي المراة واش عندها دور في القصة نخليكم مع توقعات
يتبع👇👇
