حلقة16
دخلت حور لشمنبرة شفتها كفاه مزينة فتحت فمها حسباتو هو مزينها هادي خدايك امو قاعدة تسنا فيه طول مدخلش
حتى تسمع فيه جاي دخل وقلبها بادي يضرب في الالف
هي تفكر في بالها راح تفوت كيما يفوتو العرايس قاع مسكينة 😥
فهد قرب من حور
حور وقفت وهبطت راسها حشمانة
فهد يحكي :
شوفي يابنت ناس انا اولا منحبكش وهذا زواج تبنا على جال يما باسك حباتك منعرف وش درتيلها حتى خلت لبنات كل وخيراتك انتي
حور : 😨😨😨
تسمع ومش مامنة واش راه يقول تكدب في وذنيها
فهد:شد على يديها بقوة حتى توجعت __علاه قبلتي جوبيني علاه كنتي قادرة تقولي لاااا كنتي قادرة تبطلي وانتي بكل سهولة وافقتي نعرف واش بيك باسك بعتي روحك بدراهم بيك دراهمي قولي شحال خصك نمدلك وروحي خطيني
حور محست غي رفعت يدها وتجي باه تمدلو كف لكن هو اقوا منها لولها يدها لتالي في ظهرها وقربها حتى ولاو يتنفسو في هواء بعض
فهد: شوفي ياق..مازال مزادتش لي ترفع يدها عليا
حور:عمري متوقعت ليلتي راح تكون اتعس يوم بحياتي كان في بالي راح نتهى معاك طلعت غالطة
فهد:يضحك بهيستريا عهههخخخخخخخخخخ
حتان تخلعت حور
فهد: كون رفضتي مكاش راح يصراي لي راكي فيه
حور كانت راح تبكي وتعيط بأعلى صوتها لكن هي قوية واجهت بزاف ضروف اقوا من هاك بقلب بارد
فهد :دوك رفدي روحك وروحي لبيت لخدم يلاه يلاه باسك هذاك مقامك
حور راحت وراحت تبكي قلبها مجروح باسك سمحت لقلبها يحبو من غير متفكر واش راه جايها
المهم رقدت حور في غرفة خدم وثم في غرفة تعرفت على طفلة عمرها 20 اسمها نسرين تخدم عند فهد (نسيت مقتلكمش بلي راهم في فيلا تاع فهد ماشي قصر عائلة هو سكن وحدو كي تزوج بحكم باه ميفيقوش بيه اهلو ويعذب حور كيما يحب)
لقات حور نسرين فرقتلها قلبها باسك سارة مهيش معاها نسرين غاضتها بزاف حور باسك حكتلها كلش حتى حبها ليه
طلع صباح ويوم جديد على أبطال يادرا واش فيه يتبع👇👇👇
