حلقة23
راح فهد وراح مقلق للخر وصل دخل لدارو جاتو حور نجيبلك قهوتك
فهد:روحي بعدي من قدامي احسن منرتكب فيك جريمة
حور خافت وراحت تجري لشمنبرتو شافت عينيه حمورة فرفاتو مقلق
حور: واش بيه هايج كي ثور خرج لاباس عليه وجا مقلق هاك باين تعارك مع حبيبة القلب 😒
حتى تسمع فيه يكسر ويعيط تخلعت وتنطرت ياربي نروح نشوفو ولالا ففف
قاعدة تخمم حور تروح ليه ولالا حتى تسمع فيه زاد غي يقوا من غير متخاف عل روحها طلعت ليه تجري باسك قلبها حس ضرب تقول فيه
حور دخلت لشمربتو لقات كلش مكسر ولقاتو يضرب في يدو على لحيط حتى سال دم منها
حور:تي حبس بربي حبس راك جرحت روحك
فهد: ،ابعدي كلش بسبتك انتي
حور بربي حبس حتى شدت يدو كانت راح تجي في وجها ضربة حبس فهد من ضرب يدو وقعد
راحت حور تجيب في مواد تعقيم ليدو
حور:هات يدك خلي نظفهالك راها تنزف
فهد: تلعبيهاليش زوجة الحنونة يرحم باباك
حور: واش فايدة هذا كلام مبقالي غي شعرين ونطلقو وتتهنى مني دوك هات يدك
مد يدو فهد وحس حاجة في قلبو كي قالت نطلقو مش مفهومة
حور قاعدة تنظف في جرح فهد وتنسف بفمها اما فهد كان مركز معاها شاف شحال شابة شحال مهتمة بيه بزاف بدا يحس شئ غريب مهوش فاهمو حتى فاق من سرحتو
فهد: خلاص مرسي روحي ني ارتحت
حور:كي تتقلق استغفر واش فيدتو ضرب وتكسار راك قريب كسرت يدك
فهد: يعيشك روحي خليني وحدي
وجات رايحة حتى تخبطت رجلها جات طايحة طاحت في حظنو(هنودة هههه) هو شدها قعدو سرحين في عيون بعض
عينين حور فيها بزاف حب وعينين فهد حيرة وندم
حور فاقت من سرحها
اسمحلي منيش قاصدة وناضت تجري
فهد :ضحك على جنب
فاتت الايام اكتشف فهد بلي هدرة حسام صحيحة وكره اميرة وهددها لوكان دور بيه ولا بحور يقتلها بدون تردد
وتحسنت علاقة حور بفهد تقربو من بعض ولاو اصدقاء يعني
فهد: حور
حور: ممم
فهد :وجدي روحك منبعد نخرجو للبحر
حور: يااااي تحكي بجد
فهد: ههه ايه علاه نفدلك
حور حضنت فهد من غير متشعر لانها تحب البحر بزاف اما فهد لي ذاب في هاديك تحظينة
حور:هه اسمحلي والله من فرحتي نسيت روحي
فهد: هه نورمال يلاه طلعي تلبسي والبسي حجاب
يقولوش مرت فهد داير رايها (يقول هاك قدامها اما هو عمياتو الغيرة 😂)
___
اما حسام تعرف على سارة صاحبة حور هبلها عاد كل يوم يجي حدا دارهم فات عليهم وقت وعادو حبيبن
__
المهم خرج فهد وحور للبحر حوسو وشراو وضحكو ولعبو فوتو وقت ميتنساش بنسبة لحور لانو بقالها شهر ويكمل العقد
يتبع 👇👇👇
