#ElpìzoPhotoPrompt3: Friendship Written by:Kristine Bilbao
Nasakitan Pag ayo Pero Na Ayo
Ana sila na sakit daw mabuwagan ug uyab pero mas sakit mawad.an ug tinuod na amigo.
Sauna wala ko kasabot ngano kay tungod nagdako ko na way tarong na mga amigo. Balhin diri, balhin didto. Dili me ka permi sa usa ka lugar tungod sa trabaho sa akoang amahan. Pero naabot ang higayon na adunay koy naka abi-abi na mga bag-ong tawo sa skwelahan na akong gibalhinan. Nag suod dayun me kay tungod pareho me transferee.
Milabay ang mga adlaw nga permi nami mag sabay ug kada udto naga adto me sa ilang balay para didto mukaon ug matulog gamay. Simple ra among sud.an. Simple lang ang pamuyo pero sadya me. Usahay ga gulay iyang mama kay duna sab sila'y ginagmayng tanom. Hantod sa nidako ang grupo ug nahimo naming tulo. Dako sya kung isipon kay tinud.anay among trato.
Daghag nahitabo sa secondarya na naka baid sa among pag amigohay. Kung isipon bata pa dyud me tawon. Pero didto me mas ni lig-on. Pati pandaot amo nalang kataw.an ug dedmahon.
Hantod sa Kolehiyo, nag buwag najud meng tulo. Pero makaingon ko na ang gugma namo sa matag usa naanaa gihapon, nag baga. Daghan man kog bag-ong nakaila pero lahi ra dyud sila. Dili mapulihan. Dili mailisan.
Maong usahay gaselos ko ug adunay mga tawo na gina tawag nilang bestfriend. Pero naisip sab nako na dili sa ako nag tuyok ang ilang kinabuhi. Dili naku angay pugngan ang ilang pag tubo bisag wala nakuy apil didto. Dili angay pungan ang ilang kalipay sa ubang tawo kay ako pud mismo adunay bag.ong mga amigo. Nahimong malipayon.
Luyo aning mga pag-bag.o, akong pagsalig kanila wa gyud ma abo. Maong nasakitan ko pag ayo tong adunay higayon na mas gituohan pa ang ubang tawo kesa sa akoa na dugay ng amigo. Nasakitan siya, pero wala ko niya gipangutana ug tinuod ba.
Sakit, ug diri ko naka ambit na mas sakit gyud diay pag amigo. Daghan man kog nabuhat na sayop pero akong gugma para kanila way pag-bag.o. Dili naku kaya dautan akong amigo. Kabalo ko na kabalo sila pero nituo gihapon sila sa ilaha. Wa sad ko kabalo ngano.
Asa ko nag kulang? Asa ko mu lugar? Tama ba na ihatag akong tanang pagsalig kung sila mismo murag walay pagsalig? Mga pangutanang ga dagan sa akong huna-huna sa pipila ka mga adlaw. I questioned my generousity in loving and in trusting.
Sa kato na panghitabo mas daghan kog nakat.unan sa kinabuhi. Mas nakat.unan naku mangayog despensa bisag kahibalo ko na wala koy gibuhat na sala. Nakat.unan naku mupasaylo luyo sa sakit na akong gina lukdo Nakat.unan naku musalig ug balik bisag tung una wala ko kabalo kung pa.unsa.
Mas bug.at sa akoa among panag amigohay kesa sa usa ka mali na kita tanan pwedi makabuhat. Busa timan.e na kung gihigugma jud nimo ang tawo pag.ayo, kaya nimo siya mapasaylo gamit ang gugma sa Ginoo. Mahutdan ta. Maong kanunay mag panuno ta sa Iya.
Ops! Esta imagem não segue nossas diretrizes de conteúdo. Para continuar a publicação, tente removê-la ou carregar outra.
