Mga Tinta Sa Bawat Pahina

F A N G I R L

~~~

Ilaw na nakatutok sa'yo

Malawak na entablado

Sigawang nakakapanindig balahibo 

Tinig, na nagpapatibok ng maraming puso

Mga taong hindi mabilang

Mumunting ilaw na kumikinang

Pagsisikap na hinding-hindi masasayang

Sa'yo na malaki ang aking paggalang

Usok mula sa entablado 

Nagpapahiwatig nang pagsisimula ng palabas mo

Ikaw na nasa centro,

Ako na nandito sa dulo, nagaabang sa mga pasabog mo

Pagkalabas na pagkalabas mo,

Palak-pakan at sigawan ang maririnig sa buong studio

Lahat na yata dito ay nanlulumo,

Nanlulumo sa mga ngiti na nagmumula sa labi mo

Sigawang di mapigil-pigil

Mga taong naghihiyawan at nanggigigil,

Na sa iyong pag-indak tila mundo ay tumigil

At sa iyong pagkanta tila buhay ay kinitil

Sa iba ito'y isang napakalaking kahibangan

Yung magkagusto ka sa taong inaasam na ng karamihan

Pero ako, gugustuhin at gugustuhin kita

Sapagkat ikaw yung pangarap na nagbigay buhay sa akin habang tinatapakan ako ng iba

Maraming kwento ang na salikod ng bawat tagahanga

May mga kapos, mga mga mayayaman

May mga veteran pero mayroon namang baguhan

Saya, Sakit, Takot at Pangamba iilan lamang ito sa lagi naming dala

Sa pagpasok sa mundo na ikaw ang namumuno

Marami akong natutunan sa pagkatao mo

Mula pagkabata hanggang sa ika'y naging idolo

Maging ang mga sekretong minsang ibinaon mo.

Hindi ka santo na walang mga ginawang kasalanan

May mga kasamaan kang ginawa sapagkat ika'y bata palamang

Agad akong naliwanagan

Na ang paghanga sa iyo ay nangangailangan ng pagtanggap at isa itong napakalaking karangalan

Minsan hindi na ganoon kasaya ang pagiging tagahangga

Minsan napapaisip ka na lang ng mg bakit

Minsan napapansin mo na nawawala na ito sa iyong isip

Ngunit, hindi mo namamalayan na unti-unti ka nang bumabalik

Sa iba ika'y  isang napakalaking distorbo

Ngunit isa ka sa mga naging motibasyon ko
Di lang sa pag-aaral kundi pati na rin sa pagpapakatotoo
Ng dahil sa iyo, mas nakilala ko ang totoong ako

Minsan ng nasaktan, ngunit dahil sa iyo ito'y napalitan ng saya

Minsan na ring huminto, pero kami'y nagpatuloy sa pagpasada

Ngunit marami ang mga di inaasahang pangyayari

Nahulog ako sa lalaking na kailanman ay hindi ko mapagmamay ari.

Malakas na sigabong, 

Na naging dahilan ng aking pagkamulat

Mga ilaw na matindi ang sikat

ngayo'y palubog-ng palubog.

Hindi ko inakalang mahuhulog ako saiyo

Hindi ko inaasahan ang pagdating mo

Dumating ka sa panahon na ako'y gulong-gulo

Naging daan upang makulayan at maging inspirasyon sa ibang tao

Ngunit bakit ang labo

Bakit ang labo mong maabot,

Bakit ang layo ko

Malayo sa pinapangarap mo

Alam kong isa ako na mga babaeng pinapantasya ka

Isa ako sa mga taong umaasa 

Ngunit wala na akong magawa

Nahulog ako sa taong nakatadhana sa iba

ngunit salamat na lang sa inspirasyon, 

sa mga paalala at pag-alaga.

salamat sa paggabay

salamat sa lahat lahat.

mahal kita bilang ikaw, 

ngunit ako'y mahal mo lang sapagkat ako'y iyong tagapaghanga lamang