🍂 المهووس 🍂 (مكتملة )

الجزء 6

بقا هازها فيديه حتی دخلها لوحد الغرفة .حطها بشوية .بحالة زاجة غتهرس
ادم؛ وهو كيحط فيها(بقااي هنا.متمشي لحتی بلاصة)
جوري؛ شدات ليه فدراعو وكتبكي(عفاااك اسيدي .خليني نمشي فحالي .انا مغندير والو .بحالة كاعمة ضربتيني .انا غي مولات النعناع)
ادم؛تلفت ليها وضرو قلبو .كيفاش هادي تبيع نعناع .كيفاش وحدة بحالها تكرفس .شاف فيها شوفات ممفسرينش .وهضر بهدووء (شنو سميتك؟)
جوري؛انا جوري .عفاااك بغيت نمشي .بلا متكمل هضرتها مشا وخلاها
هبط ادم وصا كلشي اللي فالدار يردو ليها البال واللي بغاتها يجيبوها ليها .مشا دخل للمكان ديالو المفضل المخزن ديال الشراب ديالو .جميع انواع الخمر عندو . كلو زاج و صالون صغير كيجلس فيه وبيرو حداه .وكؤوس للشرب وانواااع الشراب الغالية اللي كتعجبو .وكدلك انوااع السيجار
حط كاس وجلس كيشرب وكيتفكرها .هو وخا يشرب حتی يعيا مكيشدش فيه الشراب . كيبقا عادي . بقا كيهضر فالتلفون علی الاشغال اللي عندو .وجلس فالبيرو وكيخدم فالبيسي وكيهضر فالتلفون ومرة مرة يهز الكاس يشرب .

معرفتش مالو معاية .اش درت ليه .لاش جابني لهنا .ياااربي يسيدي .اش هاد الوحلة اش بغا بيا هاد السيد .خاصني نشوف كيفاش نمشي من هنا ميمكنش نبقا هنا معاه الا كان شي قتال ولا كيتاجر فالدعارة .ياااربي انا محافضة علی شرفي منقدرش نفرط فيه ميمكنش .
نضت من بلاصتي .كنشوف فهاد البيت اللي حطني فيه .فيه بالكون كيطل علی لابيسين .و الجردة كبييييرة بحال الافلام .واتات بيض و بلونكاسي ومراااية كبيرة وحداها طابلة وكرسي ومجووورة كبااار حداها .وبلاصة الحوااايج الكبيييرة والبيضة والستاائر اللي كتعطي انارة للبيت .ميمكنش اش هدشي انا فيه .
مشيت بشوية للباب .شفت راسي اش لابسة لابسة حوايج المستشفی .بحال الكسوة زرقة خفيفة وواصلة تحت ركابية شوية .حليت الباب .طليت مبان لية حد مشيت بشوية كنشوووف كاين بزاااف الغرف هااادا قصر ماشي دار .بقيييت غادة حتی بانو ليا دروووج كبااااار .هبطت وانا شادة فالجنب ديالهم وحفيانة .كنهبط بشوووية ونتلفت .حتی نزلت وهو يوقف عليا شي واحد .هزيت راسي .بان ليا طويل وعريض وسمر .
جوري؛شكون انت ؟؟
البوديكارد؛لالة نتي الانسة اللي جاب سي ادم .واش محتاجة شي حاجة
جوري؛بغيت نخرج عفاك
البوديكارد ؛لا الالة سمحي ليا .الا كنتي محتاجة شي حاجة .هانة موجود وكلشي هنا تحن أمرك .وليني متقدريش تخرجي
جوري؛هبطات لرجليه كتطلب فيه (عفاااك .غنمشي منبقاااش نبان .وغنساااكم كلكم بحال مشفتكمش والله متخاف)
البوديكارد ؛كيشووووف فيها شحال زوينة و عويناتها .محسش براسو حتی طاح
ادم؛ضرب البوديكارد ووقف عليه (هزيتي فيها عينينك ؟؟؟)
البوديكارد ؛وهو طايح وشاد فراسو (لا لا سيدي راه)
ادم؛ضربو برجلو وقجو وعينيه خااارجين (شفتي فيها .هااا عجبك تهضر معاااها .قووول ؟ بقيتي كتمعن فيهااا؟)
البوديكارد؛ لا لا سيدي انا (صرفقو حتی تقلبو عينيه )
وعيط لوحدين خرين هزوه وهومة حااادرين عينينهم .دااار ادم لجوري
ادم؛ وهو مزير علی يدها (مكتسمعيش الهضرة)
جوري؛ والدمووع فعينيها وكتشوف فيه برعب .مستوعبااانش دكشي اللي وقع .وديك العدواااينة اللي فيه .كيفاش كيلعب بالناس وكيتأمر عليهم (طلق مني بغيت نمشي )
ادم؛صرفقها حتی طاحت وداز ليها الدم من فمها وغيبات
هزها فيديه .داها لبيتها .وجلس حداها كيمس ليها فوجهها .وحيد شعرها من وجهها بكل حنااان .يديه كيمشيو بلا ميطاااوعوه .متحملش البوديكارد يشوف فيها .محمل حتی واحظ يشوفها من غير .بغا يتملكها ليه بووحدو .متنفسش الا مخدات الادن من عندو .كره راسو حنت كيفكر فيها هاكة .خرج وردخ الباب
صونا ليه تلفون كانت وحدة كيعرفها .اكيد بغاه يشوفها وتمشي معاه .كانت كتموووت علی الهوااا اللي كيتنفس .العيالات بالنسبة ليه لعبة .هومة كيرميو راسهم عليه .
طلع للطموبيل مشا لفيلا بعيدة اللي مخصصها للنعاس .جات عندو . دخلات بلباسها الفاضح جلسات حداه شوية وهومة فالناموسية وهي كتحسس عضلاتو
البنت؛مكينش شي واحد بحااالك انت احسن راجل فالكووون .انا مستعدة نكون خدامة عندك .غير نبقا حداك .ديمااا كنفكر فيك
ادم؛ناض من حداها .وهو كيفكر فجووري .هو اصلن معمرو كمل الليل مع شي وحدة .معمرو نعس بمعنی نعس حتال الصباح مع شي وحدة فنفس السرير .كياخد شنو بغا وكيمشي بدون شرح
لبس كوستيم ديالو . وهز سوارتو ومشا .نيشان للدار .دخل وهو باغي يشوووفها معرفش مالو .محسش برجليه حتی لقاهم قدام بيتها .حل بشوية .لقاها علی نفس الوضعية اللي كانت فيها .جا كيجري .حط يدو علی عنقها .كتنفس .بقا كيلعب بشي خصلات علی شعرها وهو هااايم فملااامح وجهها .كيشووف فيها كيحس بكلشي فيه باااغيها وليني هي ماشي من النوع اللي تلوح راسها عليه .مدام خدامة فالنعاع وكتخبي وجهها فأكيد  ميقدرش يأتر فيها .اول مرة شي وحدة متبينش اهتمامها بيه