طليت من الزاج ديال الغرفة ... حبيبي ناعس مغمض عينيه .وجهو ملو جروح كلو خيوطة . فيناهوة يعيرني يضربني غير ينووض .حطيت يديا علی الزاج .دازو الدمووع من عيني .
وليد؛ مدام خاصك ترتاحي
جوري؛ كيفاش وقع انا موقع لي والو وهو تضرب
وليد؛ حدر راسو (هو عنقك يمكن وجاب جسدو كامل قدامك .حنت فاش هزوكم .كنتي حدا الكرسي وهو مليوح من جيهتك التحت .هو خدا الضربة كاملة من قوة الانقلاب اللي دارت الطوموبيل
جوري؛ طاحت فالارض وكتبكي .وحطات يديها علی وجهها .كتحبس الدموع يهبطو
وليد؛ مدام .خاصني نهضر معاك
جوري؛ مالو .عندو شي حاجة .وهي كتبكي
وليد؛ ماشي بخصوص ادم .بخصوصك نتي ؟
جوري؛ انا مكنهمش دابة .شوفو هو
وليد؛ سمحي ليا وليني خاصك تسمعيني
جوري؛ ناضت (شنو ؟)
وليد؛ خاصنا نمشو للبيرو ونهضرو
جوري؛ مشات معاه وهي بالها مع ادم
جلسو فالبيرو
وليد؛ مدام .شكون قاليك عندك ورم؟؟
جوري؛ مبغيتش نهضر علی دكشي عافاك .واش ممكن تقوليا امتی غينوض ادم عفاك
وليد؛ سمعي ليا .شكوون قاليك عندك ورم .خاصك تقاضيه
جوري؛ علاش غنقاضيه .اش كتقول
وليد؛ نتي معندكش ورم .نتي حاملة .وكان فيك فقر الدم .هادشي لاش كنتي كتطيحي
جوري؛ كيفاش اش كتقول
وليد ؛ هدشي اللي كاين .
جوري؛ باش عرفتي
وليد ؛ ادم اللي قالي .وهادي خدمتي .راني طبيب .
جوري؛ حطااات يديها علی وجهها .كتووورك عليه (وااادم .ادم .خاصو يعيش باش يعرف .لااا لااا .دابة نقدرو نعيشو بجوج .فيناهوة .غيعيش؟، ياااك)
وليد؛ حالتو حرجة مدام
جوري ؛ لا لا لا ميمكنش .بدات كتبكي وكتغوووت
وليد؛ مدام خاصك ترتاحي ولا غتضري الجنين
جوري: هزات فيه راسها .ممتيقاش اش كتسمع .(لا لا ميمكنش .فيناهوة ادم .خاصو يكون عايش يسمع هدشي .ميمكنش .ميمكنش .كلشب هو هداك .كلشي تقاد .هو اللي خاصو يكون حداية نفرحو بجوووج .علاااش يربي .علاااش .فيناهو حبيبي .يبوس ليا كرشي .يقوليا عندنا كائن صغير كيجمعنا .فيناهوة .فيناااهو .خاااصو يعيش .منقدرش نكمل بلا بيه
مشات كتجري .للبيت اللي هو فيه .كتشوف فيه جسد ممدد
خرجات ممرضة
جات عندها جوري كتبكي
جوري؛ عفااك نشوفو
الممرضة ؛ ميمكنش .ممنوع
جوري؛ عفااااك رحميني .بغيت نشوفو
الممرضة .بغات تهضر .جا وليد
وليد؛ كيهضر مع الممرضة .خليها تدخل .وميخرجها حتی واحد .وخا تبغي تنعس حداه مفهون
الممرضة؛ مفهوم
دخلات جوري .كتمشی بخطوات تقاال .كتحس برجليها كيرجفو .كتشوفو فوجهو الشاحب .ويديه كلهم خيوط .كتشوف الجروح اللي تصاب بيها .قربات حداه .ويديها مسو ليه دو الجروح بكل حنان .باستو فجبهتو .وفكل جرح فيدو وفدراعو .دازو ليها الدموع .قربات كرسي .وجلست حدا راسو .كتأمل فيه .حطات يديو وشابكتها مع يدها و وتكات حداه .كتحس بالنبض ديالو .
جوري .نعسات حداه .مكانتش مسوقة لصحتها ولا اي حاجة .كانت بغات تشوفو حال عينيه
الصباح فاقت علی يدو كتمس ليها فشعرها .كانت ضعيفة كتحس بالجوع .الجنين فيه الجوع .وزايداها بالبكا .وفيها الدوخا .حتی عطاتها الحياة فرصة خرا .كتحس بالامل كيمس ليعا فشعرها .عرفاتها يدو .حنانو معمرها تنساها يدو اللي داوات كلشي جراحها .
هزات عينيها فيه .ونازلين الدموع .توحشات عينيه .توحشااتو يحلهم .
ادم كيشوووف فيها .وعينيه كيتأسفو ليها
جوري؛ باستو ففمو
ادم؛ كان ناعس ناض وحد الشوية .و دار ليها بلا صة حداه
جوري؛ خليك خليك .راك خاصك ترتاح انت مضروب
ادم؛ بشوية .وخا يقتلوني .غنعنقك
جات حداه وعنقاااتو .باسها فوق راسها
ادم؛ سمحي ليا
جوري؛ حبيبي .عندي ليك خبر زووووين
ادم؛ هز يديه وجمع وجهها في يديه (خليني نشووف فيك )
جوري؛ كتشوووف فيه وعينيها مركزين عليه
ادم؛ اش غااادي ندير باش تبقاي .اشنو نقدر ندير .وحدر راسو
جوري؛ انا .
وهي تدخل الممرضة .شافتو عيطات لوليد .وليد دخل .فحصو
وليد؛ ادم .راك قوي ممتيقش .الحمد لله
ادم؛ عندي الملاك ديالي كيحميني
وليد ؛ شاف فجوري وضحك
ادم؛ خنزر فيه وبغا ينوض (راه وخا نكون ففراش الموت .غادي نوض ليك .ونتي شوفي فيا .متشوفي فحتی واحد سمعتي )
جوري؛ ضحكات مع ادم وعنقاتو .وهو يهز شعرها حطو ليهل علی وجهها
وليد؛ ارتاح اادم .خاص ترتاح .راك مزال موعت
ادم؛ بغيت نمشي للفيلا عندي
وليد ميمكنش .خاصك ترتاح .
ادم؛ انا كنحس براسي مزيان
وليد .مهم وخا تمشي .خاصك متجهدش راسك
ادم؛ تقدر تمشي ا وليد .بغيت نبقا مع مراتي
جوري ؛ كتشووف فيه
ادم؛ شنو بغيت تقولي
جوري؛ عندي ليك مفاجأة وليني حتی نمشو للدار .
بقا ادم هو وجوی نهار تما .حتی جا ليهم الشيفور داهم .ولا شوية .وقال لوليد .غيتبع الدوا وميجهدش راسو
دخلو للبيت .نعساتو جوري .ومشات للحمام .كتدوش وتضحك .لبسات كسوة مقزبة متيرة فالازرق الملكي
خرجات وشعرها فازك
ادم؛ هز راسو شافها لابسة داك اللبس .كلشي فيه تحرك .كيشوووفها بحال اللوحة المرسومة .جسمها كتافها .عنقها .شفايفها.لونها.شعرها . .حدر راسو . وحط يديه علی راسو .بغا ينوض
جوري؛ جات حداه .متعدبش راسك حبيبي ...
YOU ARE READING
🍂 المهووس 🍂 (مكتملة )
Romance💟💟💟سلام لغزلات ديال المنتدى اليوم جبت ليكم قصة زوينة عجبتني.... قصة فيها حب .. رمانسية ... غيرة...... اكشن .....السفالة ...... ⏪العنوان:#المهووس ⏪الكاتبة: meryam lili نتمنى تعجبكم...كيف ديمة غنحطها كاملة ولكن بغيت يكون تفاعل ❌❌تعاليق داخل الرد �...
