🍂 المهووس 🍂 (مكتملة )

الجزء 16

ادم شد فراسو .مهضرش معاها عينيه خرجو . يديه بانو عروقهم .كيشوووف فيها غتلووح راسها .ممصدقش دكشي اللي كيشوف
سلمت راسي للهواء.غادي نتهنی من الدنيا بغيت نرتاح معندي علامن نخاف من ورايا.انا عييييت
جوري . هازا راسها كتشوف فالفراغ .لاحت رجلها .وليني مطاحتش .شي حاجة شاداها .ادم شدها بدراعو .مزير عليها .طلعها عندو وعنقها زييير عليها .وطاح هو وياها فداك البالكون .ولا فحالة هستيرية.معنقها بجهد .مزير عليها .ممخليهاش تنفس .حتی سخفات بين يديه .هزها للناموسية وحطها .حط يدو علی قلبها .كيضرب.حيد ليها الشعر من علا وجهها .باسها ففمها .هز عليها الغطا وغطاها و عنقها وتكمش حداها .قلبو كيضرب بالجهد .بحالة غيتحبسو انفاسو .ملاقيش تفسير للشعور اللي فقلبو .كاانت غتمشي وتخليه .كيزير عليها تبقی حداه .
ادم؛ وهو مزير عليها(بغيتيني نمووت .بغيتي تقتليني .نتي حياتي .نتي حبيبتي .انتي كلشي عندي.سمحي ليا.سمحي ليا.ملي تنوضي ضربيني الا كان هدشي يخليك ترتاحي .غير متفكريش تخليني .)
عنقها وتكا حداها .مرة مرة ينووض يتمعن فيها وينعس
كنحل عينيا .لقيت راسي فوق الناموسية. مكين حتی واحد حداية.الحمام عامر.اكيد هو اللي فيه .علاش عتقني علااااش.
خرج من الحماام .كنكره نشوف فيه .وخا يمكن وسييم لدرجة كبيرة.كلشي عندي انا كره .مبقيت كنشوف منجيهتو والو من غير الكره
خرج ادم شافها حالة عينيها .جا عندها باسها فكتفها .وفودنها وهمس ليها بشوية (صباح الخير)
دورات وجهها للجيهة لاخرا
ادم؛ هز ايديها وقاليها سمحي ليا
جوري؛ الصمت مهضراتش
ادم؛ نوضي دوشي غنمشو للمزرعة
جوري؛ تلفتات وهي تخنزر فيه
ادم؛ بلا متعارضي .نجي نلقاك لابسة
خرج هو وانا بقيت مكمشة فبلاصتي حتی طلعات الخدامة بالفطور .باينة موصيها .جمعات الحوايج .نوضاتني وقالتلي ندخل للدوش.دوشت وخرجت .لبست حوايج فوق الناموسية .كان كسوة . ماشي كم ماشي نص كم .لونها كحل بحال حياتي .واصلة حتال التحت .جمعت شعري ديل حصان .لبست صباط وخرجت .هبطت مع الدروج .البوديكارد هبطو ريوسهم .لقيتو حدا الطموبيل .كان كيحط الحوايج .حل ليا الباب وطلعت مكنهضرش .مباقاش عندي تحكم فحياتي اش غنقول .طلع هو وديمارا لوطو .مشفتش فيه .مرة مرة يمس ليا يديا .وانا عاطيا وجهي للزاج .كنشوف فالطريق .حتی وصلنا لوحد المزرعة كبييييرة .كون كان عندي الخاطر نبقا نلعب فيها بحال شي بنت صغيرة
هبطنا وطلعنا للفوق .كانت عبارة عن مزرعة .كلها خضورة .ووسطها قصر ماشي فيلا .الفلوووس كتدير كلشي .يمكن هو اغنی واحد فالدولة يمكن
دخلني لوحد البيت كبييير .حط الحوايج وهبط معرفتش فين هبط
بان ليا الدنيا خاوية .وانا نخرج نتساارة تما .اصلن كتعجبني الطبيعة .هبطت وخرجت كنتسارا تما .بان ليا الورد .جلست حداه كنشم ريحتو .هزيت وردة درتها فودني .وكنشم فيهم .نعست علی ضهري كنشوف فالشمس .بقيت كنجري بحالة شي بنت 4 سنين .هضرت مع الشجر كالحمقة كنشكي علی النباتات .حماقيت يمكن .بقيت كنهضر مع راسي .من كترة الخوف والرعب اللي ولا عندي وليت نهضر بوحدي .لقيت وحد المتنفس فديك الغابة الصغيرة .طلعت فوق وحد الشجرة ورجليا حفيانين . مكيبان ليا والو .من غير مزارع حدانة .يمكن هنا الاغنياء كيجو يفوجو بعيد علی المدينة
هبطت لتحت وتكيت حدا الورد .وكنشم فيه ومرة نبكي مرة نضحك .حتی وقف عليا
جوري؛ غمضات عينيها مبغاتش تهضر معاه
ادم؛ نعس حداها وهو ورد وعطاها ليها
جوري؛حسات بالوردة فيدها ومبغاتش تشدها
ادم؛ حطها علی يدها وهضر بشوية(كتباني بحال الاميرة الاميرة ديالي)
جوري؛ مغمضة عينيها مجوبتوش بحالة بغات تنسی واش هو حداها تستمع ولو شوية فحياتها .محساتش براسها حتی تهزات .كان ادم هازها بين يديه .يسحابها غيدخلها .ساع حطها علی رجليها ووقفات كتشوف قدامها .لقااات جردة زووووينة فيهاااا بزاااف الورد من جميع الاشكال مزروعة بطريقة فنية .كل انواع الورود .جلسات علی رجليها كتشم فيهم بلا متخسرهم .
هبط ادم عندها وجلس القرفصاء
ادم؛هاد الورد كلو ميوصلش ربع جمالك
جوري؛تلفتات ليه مهضراتش معاه وناضت
ادم؛وقف وعنقها وعاود هزها وطلعها للدار ...