فصليه الشيخ وضاح

البارت الثاني

فصليه الشيخ وضاح

الكاتبه مريم احمد

مريم
وجان الباب تندك بقوه وبسرعه دخل بابا واحمد وعلى وجوهم الخوف والقلق
امي: هااا ابو احمد خيررر صايررر
حيدر:هااا ابو احمد صاير
امجد:شكووو يابه
الاب:لمياء العصر ضروري نطلع للبصره
حيدر:صايرر
الاب:والله ماعرف شحجيلكم
امي:يمه احمد انته سولف صاير
احمد:يمه عمي منير هو وراجع من المخزن ضارب واحد بسياره والواحد ابن شيخ ومعروف والولد ميت وجدي اتصل على ابو وكاله تعالو للبصره بسرعه
الكل نصدمو
امي:عزاا العزاني وبس لايطلبون فلوس هواي
الاب:هههه اندعي مايطلبون دم لو فصليه
امي:عزاااا شون سالفه يربي
مريم:معرف ليش حسيت كلبي نغزني وابد مارتاحيت
حيدر:خويه ابو احمد تردون اجي وياكم للبصره خادم اني
الاب:لاخويه ماتقصر والله لمياء جهزي الغدا يلا تفضل خويه
مريم:جهزنا الغدا واكلنا بس ابد ماالنه نفس ورا الغدا اترخص خالي حيدر وكاال الابابا اي شي تحتاجه اني خادم وللعصر جهزنا الغراض وتوجهنا للبصره

______
في مكان اخر

أمير:سيدي اجاك اتصال ضروري
-من منوو
امير:والله مااعرف سيدي بس طلبو انطي الك
-انطيني الووو منوو
توفيق:خويه الحك بسرعه تعاال للديوان
-توفيق شكووو صايررر
توفيق:ولكك محمد
-شبي محمد احجي توفيق
توفيق:خويه محمد نضرب بلسياره ومات والاحجي تخربط من اعرف تعال بسرعه
-شنووووو شدتحجي انته ومنووو ضربه 😡😡
توفيق:خويه منير ابن الشيخ جلال
-هسه اني جااي بسرعه مااتاخر
امير:خير سيدي صااير
-مااهتميت وبسرعه اخذت مفاتيح وطلعت بلسياره
صار الوقت اعرفكم على نفسي

اني وضاح ابن شيخ أمين احنه عشيره كلش معروفه بلبصره والمحافظات ونصدمت كلشي من كالولي اخويه محمد انضرب ومنوو ضاربه ابن شيخ جلال وشيخ جلال معروف وهو صديق ابويه اني اشتغل ضابط بلشرطه عمري 32 مامتزوج وشايل هاي الفكره من راسي لان اكرهه نسوان وماادخل بسوالف العشاير والي مستلمهن اخويه محمد لان هو جبير ويحب هاي سوالف احنه 4 اخوان و2 خوات محمد الجبير وعمره 35 متزوج سلمى بت خالي وعنده منها بنيه ولد سمر عمرها سنتين وعلي عمره 4سنوات ومن بعد محمد اني وضاح ومن بعدي انمار خريج هندسه وماله دخل بسوالف السلف كلها عمره 29 خاطب بت عمي  ومن بعدي سماره 25 سنه متزوجه ابن عمي وراها يوسف 22سنه  طالب كلبه يدرس علم نفس هو هم يهتم ب السلف ويا اخويه محمد واصغر وحده جنه عمرها 17 تاركه دراسه لان مانحب بناتنه يكملن دراسه

وصلت للسلف والكا ناس مكلوبه عدناا هووسه وكلها شايله اسلحه
يوسف:انمار اجه وضاح
انمار:الله يستر وضاح عصبي
وضاح:تعاااالوو بسرررعه دخلتهم للبيت لكيت النسوان دك وتلطم وامي حاطه ولد محمد ومرته ويبجون المشهد يكسر الكلب والله صعدت لفوك
فهموني صاااايررر
انمار:ابويه دز محمد يجيبله اغراض من المعمل هوو وطالع انضرب بلسياره مال منير ابن الشيخ جلال
وضاح:وروح اخويه اذ طلع ضاااربه عمدا ماارحمه لووو تنزل الملائكه وين ابويه هسه
يوسف:بلمستشفى اتخربط من عرف محمد مات
انمار:لازم نروح للمستشفى وناخذ جثه محمد وندفنه مايصير نتأخر
وضاح:هستوني داحجي كتلهم ليش محد خابرني اندكت الباب رحت فتحتها لكيت سمر بنت محمد شلتها كتلها هاا عمو شتردين
سماره:همو ارتيد ابا 😢
وضاح:مافهمت شنو تكول لان اني مااكعد وياهم هواي اكثر شي بشغلي
يوسف:تكلك عمو اريد بابا 💔💔
وضاح:ياروح عمج حضنتها اني اصيرلج ابو وعد اخذلج بحقه والله نزلنا لجوه تلكتني امي
ام محمد:يمه وضاح شنوو راح تسون
وضاح:ب الاول هاج سمر ومايصير كل خير انريد نروح ندفن محمد ب الاول
سلمى(مرت محمد): خويه الله عليك احلفك بلعزيز بس قبل لادفنو جيبو لهنا  بس نودعه الله عليك
وضاح:ميخالف تدللون
انمار:يمعود اذ جبته لهنا بعد مايعوفن التابوت
وضاح: ماعليك عوفها عليه
وفجاه نسمع صووت عااالي