فصليه الشيخ وضاح

البارت السادس والثلاثون

ش ألـم منـك
ثلـث آه
وثلـث خــوف
وثلــث عثــــرات ياعمري

جواد زغير

بلچي والگاهم رساله
حتى لو كتبولي سكته

حتى لو دزولي
صوت بلايه صوت

مظفر النواب

وضاح:-من طلعت مريم من المستشفى واني معندي اي خبر عنها تواصل مااكو ويا عمر بسبب ضغط الي بشغلي اخر مره اتصلت بي وسئلت عليها كاالي صحتها زينه بس حابسه روحها بلغرفه لاتطلع ولااحد يدخللها كلشي جاي يصير وياها هو بسببي لان معرفت اتصرف ومفكرت اذ عرفت شنو يصير حتى طفل مات بسببي

لااني اكدر اسامح نفسي على سويته ولااكدر اطلب سماح منها لان اعرف اذ قبل اكو أمل سامحني هلمره حتى الامل كطعته

بيوم كاعد بلمكتب وعندي سجلات مال سجناء
اندكت الباب تفضل؟

امير:-سيدي اكو شخص يريد يشوفك

وضاح:-خلي يتفضل

امير:-تفضل

وضاح:-باوعت تفاجئه احمد

احمد:-السلام عليكم

وضاح:-عليكم سلام

امير روح جيب جاي

احمد:-لاشكرا ماايحتاج بس اريد احجي وياك

وضاح:-اي اتفضل

احمد:-شوف وضاح اني اجيت وحدي وردت احجي وياك لان عمي سلام وامجد اخويه عصبين وميتفاهمون

وضاح:-احمد صاير شي

احمد:-وضاح مريم ماتريدك بعد ودكول اريد اطلك

وضاح:-بقيت مصدوم وعرفت راح يكون هذا قرارهااا
احمد بس اني ماريد اطلكها

احمد:-بس وضاح انت غلطت انته تعرف اختي زعلت لان تزوجت مرت صديقك واحنه كوه حاولنه نقنعها ونخليها تتقبل الموضوع وللعلم جانت مقرره ترجع بس من تزوجت كطعت كل الامل

وضاح:-باع احمد اني ممسوي لاشي غلط ولاحرام يعني اتزوجت بلحلال

احمد:-يعني على هذا كلامك اختي عندك ولاشي

وضاح:-شنو هلحجي يشهد الله مريم احبها ومرتي ولوو فعلا ماحبها جاان بس طلبت طلاك طلكتها ومااهتم بس يشهد الله اني رايدها

احمد:-اذ هيج ليش زوجت

وضاح:-ولله من اتزوجت مااقصد لاائذيها ولااقلل منها بس شوف البنيه انطوها اليه هديه بكعده واني ردت ارفضها بس قبلت بيها اعناد بمريم كلت بلكي ترجع واصلا البنيه مستحيل اعتبرها زوجه وارجعها

احمد:-وضاح هذا مو حجي اول شي انت بهذا تصرفك دتلعب على بنت العالم
وشي ثاني تعرف مريم متتحمل وهاي كدامك خسرت طفلها